Ezek 12:23 - ÎVUKU RÎA ÛVORO MWARO

²³ Rîu thiî ûmere ûrîa nie Ngai-Mûnene mbugîte atî, matigûcoka kûvûthîra nthimo îo rîngî gûkû vûrûrirî wa Isiraeli. Nwatî meere kavinda karî vakuvî rîrîa ûrathi wonthe ûkaavinga!

Ezek 12:23 ပူးပေါင်းရင်းမြစ်များ

Thaburi 37:13

Nwatî Ngai-Mûnene nîathekagîrîra andû arîa aganu, nîûndû nîecî atî nîmakûthirua vuva wa kavinda kanini.

Isaia 28:22

Kwoguo, mue mûtikarie ciugo njûku, nîûndû mûngîka ûguo nîmûkoovwa na vinya. Nîûndû nîmbîguîte Ngai-Mûnene mwene vinya wonthe akiuga nîatuîte gûcûkangia vûrûri wonthe.

Ezek 12:25

Nwatî nie Ngai-Mûnene nîngaaragia na ûndû ûrîa naria nîûkaavingua ûtagwîkarîrîria. Kavinda ga ûtûûro wenyu, mue aremi a Isiraeli, ngaragia ûndû na ûgekîka. Nie Ngai-Mûnene nînie mbugîte ûguo.”

Ezek 16:44

“Na ma mûndû ûrîa ûvûthagîra nthimo nîakaavûthîra îno nîûndû waku na auge atîrî, ‘Mwîrîtu atutagia ng'ina.’

Ezek 18:3

Ngai-Mûnene augîte atîrî, ‘Wata ûrîa nama ndûûraga mwoyo, mûtigaacoka kûgweta nthimo îno rîngî vûrûrirî wa Isiraeli.

Ezek 7:2

“We mûndû, îra andû a Isiraeli atî nie Ngai-Mûnene mbugîte ûyû nî mûthiia! Ûyû nî mûthiia wa vûrûri wonthe!

Joeli 2:1

Vuvani karumbeta mûrî Zayuni; ugîrîriani mûrî kîrîmarî gîakwa kîthuure! Tigani andû onthe a Juda mainaine, nîûndû mûthenya wa Ngai-Mûnene nîûkîte, ûrî vakuvî mûno.

Zefania 1:14

Mûthenya mûnene wa Ngai-Mûnene nîûkuvîvîrie, ûrî vakuvî na ûraûka narua mûno. Mûgambo wa mûthenya wa Ngai-Mûnene nî mûrûrû mûno, athigari arîa aûmîrîru mûno nîmakaarîra na mûgambo mûnene.

Malaki 4:1

Ngai-Mûnene mwene vinya wonthe arauga atîrî, “Taroria, mûthenya wa îtuîro nîûrakinya, ûgîakanaga ta mwaki mûnene mûno. Andû arîa aganu na etîi nîmakavîvua na mwaki ta nyaki mûthenya ûcio. Makavîvua mathire viû ta ûrîa mûtî ûvîcaga mvûa wana mîri.

Mathaayo 24:34

Nîramwîra nama atî, rûciaro rûrû rûtikaathira maûndû mama monthe matarî mekîku.