Ezek 11:8 - ÎVUKU RÎA ÛVORO MWARO

⁸ Nîmwîtigîrîte mbaara; nîngaarete andû mamûtharîkîre.

Ezek 11:8 ပူးပေါင်းရင်းမြစ်များ

Ayubu 20:24

Akîgeria kûûrîra rûviû rwa cuuma, mûguî wa gîcango nîguo ûkamûratha.

Ayubu 3:25

Maûndû marîa nîtigagîra nîmo monaga, ûndû ûrîa ûmakagia nîguo ûnginyagîra.

Nthi 10:24

Andû arîa athingu manyitaga kîrîa meriragîria, nwatî andû arîa aganu manyitaga kîrîa metigîrîte mûno.

Isaia 66:4

Kwoguo nîngûmaretithîria mathîna; na nîmaretere indo irîa metigîrîte, nîûndû rîrîa netanire gûtirî mûndû wetîkire; rîrîa naririe matiathikîrîria. Nwatî meekire maûndû macûku ngîonaga, na makîthuura maûndû marîa mataangenagia.”

Jeremia 42:17

Andû onthe arîa meriragîria kûthiî Misiri nîmagaakuîra kuo nî mbaara, yûra na mîrimû mîcûku. Gûtirî mûndû wanarî ûmwe ûgatigara, kana avonoke kuumana na mûthiro ûrîa ngamaretera.

Johana 11:48

Wona twareka athiî na mbere gwîka maûndû mama, andû onthe nîmakûmwîtîkia. Nao Aroma nîmagûcoka maûke macûkangie hekarû yetû na rûrîrî rwetû!”