Ezek 11:23 - ÎVUKU RÎA ÛVORO MWARO

²³ Naguo riiri ûcio wa Ngai-Mûnene nîwaunûkirie na ûkiuma kûu îtûûrarî na ûkîthiî ûkîrûngama kîrîmarî kîrîa kîrî mwena wa îrathîro wa îtûûra.

Ezek 11:23 ပူးပေါင်းရင်းမြစ်များ

Ezek 1:28

Ûkengu ûcio warî na marangi ta ma mûkûngambura. Ûguo nîguo mûvano wa ûkengu wa riiri wa Ngai-Mûnene wekariî. Rîrîa nawonire nînegwîthirie ngîturumithia ûthiû nthî, na ngîgua mûgambo wambarîria.

Ezek 10:18

Riiri wa Ngai-Mûnene nîwacokire ûkiuma kîvingorî Kîam hekarû ûkîthiî ûkîrûngama îgûrû rîa Akerubi.

Ezek 10:4

Naguo riiri wa Ngai-Mûnene nîwaunûkirie umîte kûrî Akerubi ûkîthiî ûkîrûngama kîvingorî Kîam hekarû. Hekarû nîyecûrirwe nî îtu, nayo nja ya hekarû îgîcûra ûkengu wa riiri wa Ngai-Mûnene.

Ezek 43:2

Riiri wa Ngai wa Isiraeli nîwaûkire umîte na mwena wa îrathîro. Naguo mûgambo wa Ngai warî ta mûrurumo wa manjî ma îria, nayo nthî nîyagîre na ûtheri wa riiri wake.

Ezek 43:4

Riiri wa Ngai-Mûnene nîwavîtûkîrîre mwîrîgarî wa mwena wa îrathîro ûgîtonya hekarûrî.

Ezek 8:4

Nînacokire ngîona riiri wa Ngai wa Isiraeli vo wata ûrîa noonete nîrî kûndû kûrîa kwaraganu.

Ezek 8:6

Nake nîwambîrire atîrî, “Mûndû, nîûrona ûrîa andû a Isiraeli mareka? Mareka maûndû marî mûgiro na ma gûtûma nthiî kûraca na nyomba yakwa îrîa nyamûre. Nîûkwona maûndû manene na marî magigi gûkîra mau.”

Ezek 9:3

Riiri wa Ngai wa Isiraeli nîwaumîte îgûrû kûrî Akerubi kûrîa wekaraga na ûkathiî kîvingorî gîa hekarû. Ngai nîwacokire agîta mûndû ûrîa wekîrîte nguo mbaro na warî na kîndû gîa kwandîka

Zakaria 14:4

Vîndî îo, Ngai-Mûnene nîakaarûngama îgûrû kîrîmarî Kîam mîtî ya mîtamaiyû kîrîa kîrî na mwena wa îrathîro wa îtûûra rîa Jerusalemu. Kîrîma kîu nîgîkagaanua maita maîrî kuuma mwena wa îthûîro nî Kîamnda kînene. Nuthu îmwe îkathiî mwena wa rûgûrû, na nuthu îo îngî mwena wa îveti.

Mathaayo 23:37

“Jerusalemu, Jerusalemu! We nî ûragaga arathi na ûkariva na mathiga andû arîa onthe Ngai agûtûmîra! Nî maita megana nie nanenda gûcokanîrîria andû aku vamwe, wata ûrîa ngûkû îcokanagîrîria tûciiû rungu rwa mathagu mayo nwatî ndwanambîtîkîria!