Ezek 11:2 - ÎVUKU RÎA ÛVORO MWARO

² Ngai-Mûnene nîwambîrire atîrî, “Mûndû, aya nîo andû arîa mavangaga maûndû macûku na mavecanaga kîrîra gîcûku îtûûrarî rîîrî.

Ezek 11:2 ပူးပေါင်းရင်းမြစ်များ

Esita 8:3

Esita nîwacokire akîarîria mûthamaki rîngî, nîwegwîthirie nthî magûrûrî make akîrîraga. Nîwamûthaithire arûngamie mûvango mûcûku ûrîa warûthîtwe nî Hamani wa gûcûkangia Ayahudi.

Thaburi 36:4

Rîrîa amamîte avangaga gwîka maûndû marîa macûku, gûtirî ûndû mwaro ekaga, na ndareganaga na ûndû wa wonthe wa waganu.

Thaburi 36:5

We Ngai-Mûnene, wendo waku ûtathiraga ûkinyîte îgûrû; wîvokeku waku ûkinyîte matuurî.

Thaburi 52:2

Ûvangaga vîndî cionthe gûcûkangia arîa engî; rûrîmî rwaku rwîkariî ta kawembe kaûgî. Wîciragia vîndî cionthe gwîka naaî.

Isaia 30:1

Ngai-Mûnene arauga atîrî, “Kaî ciana irîa ireganaga nanie irî na thîna-î, irûthaga mîvango yacio, nwatî tî yakwa; irûthaga ngwatanîro itaringanîte na ûrîa mendaga, makongerera wîvia îgûrû rîa wîvia.

Isaia 59:4

Rîrîa mwathiî îgootirî, gûtirî mûndû ûrûmagîrîra kîvooto. Gûtirî mûndû ûthitanganaga arûmîrîrîte ûma. Mwîvokaga mîario îtarî kîene na mûkaveenania, mûtungaga maveeni na mûgatûma maûndû macûku mekîke.

Jeremia 18:18

Nao andû nîmaacokire makiuga atîrî, “Ûkani tûvange ûrîa tûkûraga Jeremia. Tûtigatura athînjîri-Ngai a gûtûthomithia kana andû aûgî a gûtûtaara na arathi a kwanîrîra ndûmîrîri ya Ngai-Mûnene. Ûkani tûmûthitange na ciugo ciake ke mwene na tûtikathikîrîrie ûrîa arauga.”

Jeremia 5:5

Nîngûthiî kûrî anene na mbarie nao, nîûndû nîmaicî ûrîa Ngai-Mûnene endaga, nîmaicî watho wa Ngai wao.” Nwatî onthe nîmareganîte na Ngai-Mûnene; na makarega kûmwathîkîra.

Ezek 7:26

Maûndû macûku magaaûka marûmanîrîrîte. Ndûmîrîri cia maûndû macûku igaaûkaga irûmanîrîrîte. Nîmagaacaragia kîoneki kuuma kûrî arathi. Athînjîri-Ngai nîmagaatura ûndû wa kûthomithania, nao athuuri matikethîrwa marî na kîrîra.

Nahumu 1:11

Kuuma kûrî we, nîgwaûkire mûndû wavangaga maûndû macûku megiî Ngai-Mûnene, ûrîa wavangaga maûndû mareganîte na Ngai.