Ezek 1:28 - ÎVUKU RÎA ÛVORO MWARO

²⁸ Ûkengu ûcio warî na marangi ta ma mûkûngambura. Ûguo nîguo mûvano wa ûkengu wa riiri wa Ngai-Mûnene wekariî. Rîrîa nawonire nînegwîthirie ngîturumithia ûthiû nthî, na ngîgua mûgambo wambarîria.

Ezek 1:28 ပူးပေါင်းရင်းမြစ်များ

Kîam 17:3

Aburamu nîwakuamîrîrie na agîturumithia ûthiû wake nthî. Nake Ngai nîwamwîrire atîrî,

Ntha 16:10

Na rîrîa Aroni aaragîria andû onthe a Isiraeli, nîmaagarûrûkire onthe makîroria werûrî, na wa rîmwe riiri wa Ngai-Mûnene nîwaumîrire ûrî îtuurî.

Ntha 16:7

Na kîraûko nîmûkoona riiri wa Ngai-Mûnene nîûndû ke nîeguîte mûkîmûtetia. Tue tûrî a, atî nîguo mûtûtetie?”

Ntha 24:16

Naguo riiri wa Ngai-Mûnene nîwanyûrûrûkire ûgîûka kîrîmarî kîu. Narîo îtu nîrîekarire rîkunîkîrîte kîrîma mîthenya îtandatû. Na mûthenya wa mûgwanja Ngai-Mûnene arî îtuurî rîu nîwetire Musa.

Ntha 24:17

Naguo riiri wa Ngai-Mûnene wonagwa nî andû a Isiraeli wîkariî ta mwaki wakanîte ûrî gacûmbîrî ga kîrîma.

Ezek 10:4

Naguo riiri wa Ngai-Mûnene nîwaunûkirie umîte kûrî Akerubi ûkîthiî ûkîrûngama kîvingorî Kîam hekarû. Hekarû nîyecûrirwe nî îtu, nayo nja ya hekarû îgîcûra ûkengu wa riiri wa Ngai-Mûnene.

Ezek 3:23

Kwoguo nînaûkîrire na ngîthiî kûndû kûrîa kwarî kwaraganu. Nîrî kûu nînonire riiri wa Ngai-Mûnene ûrûngamîte mbere yakwa wata ûrîa noonete rûnjîrî rwa Kebari. Nînacokire ngîturumithia ûthiû wakwa nthî.

Ezek 43:2

Riiri wa Ngai wa Isiraeli nîwaûkire umîte na mwena wa îrathîro. Naguo mûgambo wa Ngai warî ta mûrurumo wa manjî ma îria, nayo nthî nîyagîre na ûtheri wa riiri wake.

Ezek 44:4

Mûndû ûcio nîwacokire akîmbira mwena wa mbere wa hekarû tûvîtûkîrîrîte mûrangorî wa mwena wa rûgûrû. Nînaroririe na ngîona hekarû îcûrîte riiri wa Ngai-Mûnene, ngîcoka ngîturumithia ûthiû wakwa nthî.

Ezek 8:4

Nînacokire ngîona riiri wa Ngai wa Isiraeli vo wata ûrîa noonete nîrî kûndû kûrîa kwaraganu.

Danieli 8:17

Gaburieli nîwaûkire na akîrûngama varîa naarî. Nînavavûkire mûno nginya ngîgwa nthî. Nwatî Gaburieli nîwambîrire atîrî, ‘We mûndû ûyû, menya atî maûndû mau wonire megiî mavinda ma mûthiia.’

Alawi 9:24

Wa rîmwe mwaki nîwaumire kûrî Ngai-Mûnene na ûkîvîvia îtega rîa kûvîvua vamwe na mathunya marîa maarî îgûrû rîa metha ya kîgongoona. Rîrîa andû onthe a Isiraeli moonire ûguo, nîmaaugîrîrie marî na gîkeno na makînamîrîria mothiû mao nthî.

Ciîko 9:4

Nake nîwarivanire nthî na akîgua mûgambo ûkîmwîra atîrî, “Saûlo, Saûlo! Ûnyariraga nîkî?”

Aroma 9:4

Andû acio nî Aisiraeli na nîo Ngai aatuire ciana ciake na akîmaguûrîria riiri wake. Ke nîwathondekire irîkanîro nao na akîmava watho. Andû acio nîmamenyete kûgooca Ngai nama na nîmamûkîrîte ciîranîro ciake.

1Akor 13:12

Rîu twonaga maûndû mekariî ta kîruru gîciciorî, nwatî vîndî îo nîtûkaamonaga ûthiû kwa ûthiû. Rîu nîramenya maûndû wa gîcunjî tu. Vîndî îo ngaamenya maûndû monthe wata ûrîa Ngai ambîcî.

Kûguû 10:1

Nînacokire ngîona mûraika wîngî warî na ûvoti akînyûrûrûka kuuma îgûrû. Ke nîwekîrîte îtu rîrî ta nguo na akathiûrûrûkîrua kîongorî gîake nî mûkûnga mbura. Ûthiû wake wekariî ta riûa, namo magûrû make magekara ta itugî cia mwaki.

Kûguû 4:3

Nake ûrîa wekarîrîte gîtî kîu Kîam ûthamaki aakengaga ta mathiga ma goro ma rangi njerû na ma rangi ndune. Nakîo gîtî kîu Kîam ûthamaki, nîkîathiûrûrûkîrîtue nî mûkûngambura wakengaga mûno.

Atir 13:20

Rîrîa nînîmbî cia mwaki ciaunûkagia na îgûrû kuuma metharî ya kîgongoona, Manoa na mûka nîmoonire mûraika wa Ngai-Mûnene aunûkîtie na îgûrû arî nînîmbîrî cia mwaki. Manoa na mûka nîmeenamîrîrie mothiû mao nthî makîgooca na matiacoka kwona mûraika ûcio rîngî.