Ezek 1:27 - ÎVUKU RÎA ÛVORO MWARO

²⁷ Mwena wa îgûrû kuuma varîa vekariî ta kîûnû, Kîamvenavenagia ta cuuma ya gîcango îthiûrûrûkîrîtue nî mwaki. Naguo mwena wa gûcoka na nthî wa kuuma vau vekariî ta kîûnû, gwekariî ta mwaki na kûrî na ûkengu ûmûthiûrûrûkîrîtie.

Ezek 1:27 ပူးပေါင်းရင်းမြစ်များ

1Maû 16:27

Ngumo na ûnene nîimûthiûrûrûkîrîtie, vinya na gîkeno ciîcûrîte hekarûrî yake.

Thaburi 50:3

Ngai wetû nîaûkîte, nwatî ndaûkîte akirîte; mwaki wa gûcûkangia ûrî mbere yake, athiûrûrûkîrîtue nî kîvuvûkanio kînene.

Thaburi 97:2

Matu na nduma nene nîimûthiûrûrûkîrîtie; athanaga na ûthingu na kîvooto.

Ntha 24:17

Naguo riiri wa Ngai-Mûnene wonagwa nî andû a Isiraeli wîkariî ta mwaki wakanîte ûrî gacûmbîrî ga kîrîma.

Ezek 1:4

Nînacokire ngîroria na ngîona rûkûngi rûnene rûkîte kuuma na mwena wa rûgûrû na kûrî na îtu rînene rîaumaga mveni na mwaki ûtaavoraga. Gatagatî ka mwaki ûcio kwarî na kîndû Kîamvenagia ta cuuma ya gîcango.

Ezek 8:2

Nînacokire ngîroria na ngîona kîndû Kîamrî na mûvuanano ta wa mûndû. Kuuma kîûnûrî Kîam mûvuanano ûcio kûnyûrûrûka na nthî gwakanaga mwaki. Na kuuma kîûnûrî kûthiî na îgûrû gwakengaga ta cuuma ya gîcango îno ntherie mûno.

Habakuku 3:4

Ûkengu wake wîkariî ta wa riûa, mveni cia ûtheri irauma njararî yake, kûrîa vinya wake ûthithîtwe.

Gûco 4:24

Ngai-Mûnene, Ngai wenyu ekariî ta mwaki ûrîa ûvîvagia ûkathiria viû. Ke nî Ngai wî wîru.

2Ath 1:8

marî rûrîrîmbîrî rwa mwaki, nîguo averithie arîa maregaga Ngai na arîa matathîkagîra ûvoro mwaro wa Mwathani wetû Jesû.

Ahib 12:29

nîûndû Ngai wetû nî mwaki ûrîa ûvîvagia ûkathiria.