Esita 9:2 - ÎVUKU RÎA ÛVORO MWARO

² Ayahudi nîmaagomanire matûûrarî monthe ma icunjî cia vûrûri ûrîa wathagwa nî mûthamaki Ahasuerusi na nîmeevarîrie kûtharîkîra mûndû wa wonthe ûngîageragia kûmeka ûndû mûcûku. Andû onthe nîmaametigagîra kwoguo gûtirî mûndû ûngîametirîrie.

Esita 9:2 ပူးပေါင်းရင်းမြစ်များ

Kîam 35:5

Rîrîa Jakovu na avîcî ake maambîrîrie rûgendo, andû a matûûra marîa maamathiûrûrûkîrîtie nîmaanyitirwe nî guoya nyîngî kuuma kûrî Ngai. Kwoguo nîmaaremirwe nî kûmarûmîrîria.

Esita 8:11

Maarûa icio ciataaragîria atî mûthamaki nîagwîtîkîria Ayahudi arîa maarî matûûrarî monthe matûngane mavange ûrîa makwîgitîra. Maarî na rûtha rwa kûraga na gûcûkangia viû athigari kuuma vûrûri wa wonthe arîa mangîamatharîkîre, ciana ciao kana aka, na gwoca indo ciao.

Esita 8:17

Matûûrarî monthe kûrîa ndûmîrîri ya mûthamaki yathomirwe Ayahudi nîmagîre na kîrugo gîa gûkûngûîra na gûkenerera. Andû engî eengî a vûrûri ûcio nîmetuire Ayahudi, nîûndû nîmetigagîra Ayahudi.

Esita 9:10

Nîmaûragire avîcî îkûmi a Hamani mûvîcî wa Hamedatha, nthû ya Ayahudi nwatî gûtirî kîndû wanarî kîmwe maatavire.

Thaburi 71:13

Arîa marantharîkîra marovootwa na mathirue, arîa mendaga kûmbîka naaî nîmegue nthoni na maconorithue.

Thaburi 71:24

Nîngaaragia ûvoro wa ûthingu waku vîndî cionthe, nîûndû arîa meendaga kûmbîka naaî nîavoote na magaconorithua.

Ntha 23:27

“Nîngaatûma andû arîa makaareganaga namue megue guoya nîûndû wakwa. Nao andû arîa mûkethagîrwa mûkîrûa nao nîngaatûma magîe na kîvîngîcî na ndûme mamûvuvatîre maûre nîmue.

Isaia 8:9

Mue andû a mavûrûri, gomanani vamwe na nî mûkaamaka! Ta thikîrîriani mue mavûrûri marîa marî kûraca! Îîvarîrieni kûrûa na mûmake! Îkarani mwîvarîrîtie na mûmake!

Gûco 2:30

“Nwatî mûthamaki Sihoni ndetîkîra tûvîtûkîrîre vûrûrirî wake. Ngai-Mûnene, Ngai wenyu nîwamûmirie ngoro, na agîtuîka nthande nîguo tûmûvoote. Kwoguo nîtwamûtharîkîre tûkîmûvoota na tûgîoca vûrûri wake, na nîkuo tûtûûraga nginya ûmûnthî.

Josh 11:20

Ngai-Mûnene nîwatûmîte matûûra mau monthe merutanîrie mûno kûrûa na andû a Isiraeli nîguo magaacûkangua viû na andû akuo maûragwe matakwîguîrwa ntha, nîûndû ûguo nîguo Ngai-Mûnene aathîte Musa.

Josh 2:9

na akîmera atîrî, “Nîmbicî atî Ngai-Mûnene nîavecanîte vûrûri ûyû kûrî mue. Nao andû arîa onthe matûûraga vûrûrirî ûyû marî na guoya nyîngî mûno nîûndû wenyu.