Esita 8:5 - ÎVUKU RÎA ÛVORO MWARO

⁵ “Ethîrwa nî kwenda gwaku we mûthamaki na ethîrwa nîûranîciria na ûkona arî waro, nakûthaitha mûthamaki ûrute watho wa gûcûkangia mîvango îrîa Hamani augîte îvingue. Mîvango îo nî îrîa mûvîcî wa Hamedatha wa rûciaro rwa Agagi aavecanire ya kûraga Ayahudi onthe arîa marî vûrûrirî ûrîa wathaga.

Esita 8:5 ပူးပေါင်းရင်းမြစ်များ

Esita 2:17

Mûthamaki nîwendire Esita gûkîra erîtu acio engî onthe, kwoguo nîwamwîkîrire nthûmbî kîongorî îrîa îkagîrwa nî mûka wa mûthamaki na akîmûtua mûka vandûrî va Vashiti.

Esita 2:4

Nake mwîrîtu ûrîa ûgaakûmba, ûmûtue mûthamaki mûndûmûka vandûrî va Vashiti.” Mûthamaki nîwonire mataaro mau marî maro na nîwekire guo.

Esita 3:1

Vuva wa maûndû mau, mûthamaki Ahasuerusi nîwanenevirie Hamani mûvîcî wa Hamedatha, wa rûciaro rwa Agagi akîmûtua mûnene wa atongoria onthe a thirikari.

Esita 5:8

Ethîrwa nîngwîtîkîrîka nîwe we mûthamaki wakwa, na ethîrwa nîwonete kwagîrîrîte ûvingie îvoya rîakwa, nîrenda we mûthamaki vamwe na Hamani mûkethîrwa mûrî îrugarî rîakwa rûyû rîrîa ngaavarîria nîûndû wenyu. Vîndî îo nîrîo ngaamwîra kîrîa nîrenda.”

Esita 7:3

Esita mûka wa mûthamaki nîwaugire atîrî, “Ethîrwa nî kwenda gwaku we mûthamaki Ahasuerusi na nîûrona kwagîrîrîte we mûthamaki Ahasuerusi, wendi wakwa nî atî nie na andû akwa tûtûûre mwoyo.

Ntha 33:13

Rîu, ethîrwa ûrî mûkenie nînie, nakûthaitha ûmenyethie ûrîa mîvango yaku îkariî nîguo ngûmenye na ngûkenie makîria. Ririkana atî ûthuurîte rûrîrî rûrû rûtuîke andû aku.”

Ntha 33:16

Ethîrwa tîûthiîcania natue, andû mangîmenya atîa atî ûrîmûkenie nînie wana andû aku? Kûthiîcania natue nîkuo gûgatûma tûgîe na ngûrani gatagatî getû na andû acio engî onthe a nthî.”

1Sam 20:29

Arambîrire atîrî, ‘Tiga nthiî nîûndû andû a mûciî wetû marî na kîgongoona îtûûrarî na mûrwaiya nîarenda mbîthîrwe nîrî kuo. Ethîrwa nî waro mbîtîkîria nthiî ngonane na aa mûrwaiya.’ Kîu nîkîo gîtûmi atarî gîtîrî gîake metharî.”