Esita 7:7 - ÎVUKU RÎA ÛVORO MWARO

⁷ Mûthamaki nîwaûkîrire akiuma kîrugorî kîu arî na marakara mûno na akîthiî na kûu mûgûndarî wa nyomba îo ya mûthamaki. Hamani nîwonire atî mûthamaki aarî mwîvarîriu kûmûverithia kwoguo nîwatigirwe akîthaithaga kwini Esita nîguo ndakaûragwe.

Esita 7:7 ပူးပေါင်းရင်းမြစ်များ

Esita 1:12

Nwatî rîrîa ngaramba icio cia mûthamaki cierire Vashiti ûrîa maathwa nî mûthamaki, nîwaregire kûthiî. Ûndû ûcio nîwarakaririe mûthamaki mûno.

Esita 1:5

Vuva wa ûguo, mûthamaki nîwarugithîrie andû onthe a îtûûra rîa Susa, itonga na athîni kîrugo. Kîrugo kîu gîakûngûîrwe îvinda rîa mîthenya mûgwanja, na Kîamvarîrîtue kwa mûthamaki mûciî.

Esita 7:10

Andû acio nîmaacuririe Hamani mûtîrî ûrîa aarûthithîtie ûrî wa gûcuria Moridekai. Namo marakara ma mûthamaki nîmaathirire.

Thaburi 112:10

Mûndû ûrîa mwaganu onaga ûguo akarakara; arîcithanagia magego nîûndû wa ûthû akînathiî; mwîrîgîrîro wake ûtuîkaga wa mana.

Nthi 14:19

Andû arîa acûku nîmakenamîrîra mbere ya andû arîa athingu, na nîmakaavoya ûtethio kuuma kûrî o.

Nthi 14:35

Mûthamaki nîakenagua nî ndungata irîa irutaga wîra na ûûgî, nwatî nîaverithagia ndungata irîa irutaga wîra ûrîa ûtagîrîrîte.

Nthi 16:14

Marakara ma mûthamaki nwa matûme mûndû akue, na mûndû mûûgî nîageragia kûmathiria.

Nthi 19:12

Mûthamaki arî mûrakaru araramaga ta mûnyambû, nwatî ntha ciake nîta îme rîgwîrîrîte nyaki.

Isaia 60:14

Ciana cia arîa maagûkinyagîrîria nîigaaûka, ikwînamîrîre ikûve gîtîîo. Arîa onthe maakûnyararaga magaaûka menamîrîre mbere yaku. Magaagwîta, “Îtûûra rîa Ngai-Mûnene, Zayuni, Îtûûra rîa Ûrîa Mûtheru wa Isiraeli.”

Danieli 3:19

Nebukadinezarû nîwatûmbirwe nî marakara na agîtunîvia metho nîûndû wa Shadiraka, Mîsheki na Abendinego. Nîwathanire mwaki wongererwe na wakane maita mûgwanja makîria ya ûrîa wakanaga.

Kûguû 3:9

Tathikîrîriani! Andû amwe nî a gîkundi Kîam andû a Caitani. Andû acio nî a maveeni na maugaga atî o nî Ayahudi na tî o. Acio nîngaatûma maûke na menamîrîre mbere ya magûrû maku na nîmakaamenya atî nie nîngwendete.

1Sam 20:7

Angîkaauga, ‘nî waro,’ gûtirî ûûru ngona, nwatî angîkaarakara, ûkaamenya atî nîatuîte kûmbîka ûndû mûcûku.

1Sam 20:9

Nake Jonathani nîwacokirie atîrî, “Ndûgaîcirie ûndû ta ûcio! Nîûndû kethîrwa nwa menye na ma atî vava nîatuîte nîagûgwîka naaî, kinthî twa ngwîre?”

1Sam 25:17

Rîu îîcirie ûvoro ûyû na ûmenye ûrîa wagîrîrwe nî gwîka. Ûndû ûyû wavota kûretere mwathi wetû ûndû mûcûku wa vamwe na andû a mûciî wake. Ke nî mûndû mwaganu na ndangîthikîrîria mûndû!”