Esita 7:10 - ÎVUKU RÎA ÛVORO MWARO

¹⁰ Andû acio nîmaacuririe Hamani mûtîrî ûrîa aarûthithîtie ûrî wa gûcuria Moridekai. Namo marakara ma mûthamaki nîmaathirire.

Esita 7:10 ပူးပေါင်းရင်းမြစ်များ

Kîam 40:22

na agîcuria mûnene wa arugi mîgate, wata ûrîa Josefu aamataûrîrîte iroto ciao.

Esita 2:1

Vuvarî, marakara make mavorera, mûthamaki Ahasuerusi nîwaririkanire Vashiti na nîweciragia mûno îgûrû rîa maûndû marîa ekîte wana îtua rîrîa rîatuîtwe îgûrû rîake.

Esita 5:14

Kwoguo, mûka Zereshi vamwe na arata ake onthe nîmaamwîrire atîrî, “Rûthithia mûtî wa gûcuria Moridekai wa mita mîrongo îîrî na ithano (25) ûraca na îgûrû. Kîraûko gwakîa, îra mûthamaki athane atî Moridekai acurue mûtîrî ûcio. Mwarîkia gwîka ûguo, we na mûthamaki mûthiî kîrugorî na mûkenerere.” Hamani nîwonire rîu rîrî rîciria rîaro, na kwoguo nîwarûthithirie mûtî ûcio.

Esita 7:7

Mûthamaki nîwaûkîrire akiuma kîrugorî kîu arî na marakara mûno na akîthiî na kûu mûgûndarî wa nyomba îo ya mûthamaki. Hamani nîwonire atî mûthamaki aarî mwîvarîriu kûmûverithia kwoguo nîwatigirwe akîthaithaga kwini Esita nîguo ndakaûragwe.

Esita 7:8

Rîrîa mûthamaki aumire na kûu mûgûndarî na agîcoka mûciî varîa maanyunyagîra ndivei, ethîrîrie Hamani egwîthîtie nthî gîtîrî kîrîa gîekarîrîtwe nî Esita. Nake mûthamaki ona ûguo nîwaugire atîrî, “Nîkwa mûndû ûyû arenda kûmenyana kîîmwîrî na vinya na mûka wakwa mbere yakwa gûkû nyombarî yakwa?” Mûthamaki akîrîkia kuga ûguo, Hamani aarî mûkunîke kîongo nî andû ngaramba arîa maamenyagîrîra mûthamaki.

Esita 8:7

Mûthamaki nîwerire kwini Esita na Moridekai ûrîa Mûyahudi atîrî, “Taroriani, nînacuria Hamani mûtîrî îgûrû nîûndû wa mûvango wake wa kûraga Ayahudi onthe na nava Esita indo cionthe cia Hamani.

Esita 9:14

Kwoguo mûthamaki nîwathanire maûndû mau mekwe. Watho nîwavecanirwe Susa, na avîcî îkûmi a Hamani maûragwe.

Esita 9:25

Nwatî Esita nîwathiîre kûrî mûthamaki, na mûthamaki akîandîkithia watho wa kuga atî mûvango mûcûku ûrîa Hamani aavangîte wîkwe Ayahudi acokererwe nîguo. Maarûa ino nîcio ciatûmire Hamani acokererwa nîguo. Ke na avîcî ake îkûmi nîmaacurirue mûtîrî.

Ayubu 18:8

Nîûndû eviraga mûtegorî na magûgûrû make, na varîa athiîra nîagûcaga îrimarî.

Ayubu 20:8

Akaathira ta kîroto na ndakoonekana rîngî, akaûrîra ta kîoneki Kîam ûtukû.

Thaburi 37:15

Mviû ciao nîcio ikaamaûraga o ene, na mota mao maunangwe.

Thaburi 7:16

Macokagwa nî maûndû mao marîa macûku, na makaverithua nî waganu wao o ene.

Thaburi 94:23

Ngai nîakaaverithia andû nîûndû wa mavîtia mao, nîakaamathiria nîûndû wa waganu wao; Ngai-Mûnene, Ngai wetû nîakaamacûkangia viû.

Nthi 11:27

Mûndû ûrîa ûcaragia maûndû marîa maro na kinyi nîatîîagwa, nwatî mûndû ûrîa ûcaragia thîna, nîamîonaga.

Nthi 11:8

Mûndû mûthingu nîavonokagua kuuma thînarî, na mûndû mwaganu akagwatwa nî thîna ûcio vandûrî vake.

Nthi 26:27

Mûndû ûrîa wînjagîra ûrîa wîngî îrima nîke ûgûcaga kuo, na mûndû ûrîa ûvingiritagia îthiga nîke ûtombooragwa nîrîo.

Jeremia 34:17

Kwoguo nie Ngai-Mûnene nîrauga atî, mue mûtiambathîkîra na njîra ya kûrekereria andû enyu a Isiraeli. Kwoguo nie nîngûmûrekereria mûragwe nî mbaara, mîrimû na yûra. Nîngatûma mothamaki monthe ma nthî mamake nîûndû wa maûndû marîa ngûmwîka.

Ezek 5:13

“Ûguo nîguo marakara makwa makaathira na mvorerie mang'ûrîka makwa kûrî o nîguo mbîganîre. Vuva wa ûguo nîmakaamenya atî nie Ngai-Mûnene nîmaverithîtie nîûndû wa kûrega gûtuîka evokeku kûrî nie.

Danieli 6:24

Mûthamaki nîwacokire akîathana atî andû acio onthe maacukîte Danieli na magîtûma aikue îrimarî rîa mînyambû, maikue îrimarî rîu vamwe na aka ao na ciana ciao. Nao onthe nîmaakîrirue vinya nî mînyambû na makiunangwa mavîndî wana mbere ya makinya gîtina Kîam îrima rîu.

Danieli 6:25

Nake mûthamaki Dario nîwandîkîîre andû a mavûrûri monthe, iruka, na andû a nthiomi cionthe arîa maatûûraga nthî yonthe akîmeera atîrî, “Mûrorathimwa!

Zakaria 6:8

Mûraika nîwacokire akîmbîra augîrîrîtie atîrî, “Mbarathi irîa ithiîre na mwena wa rûgûrû nîciavoreria marakara ma Ngai-Mûnene vûrûrirî wa mwena wa rûgûrû.”

Atir 15:7

Nake Samusoni nîwamerire atîrî, “Ethîrwa ûguo nîguo mwîkaga, nînîîvîta atî ndingîthiî ndambîte kwîrîvîrîria kûrî mue!”