Esita 6:9 - ÎVUKU RÎA ÛVORO MWARO

⁹ Mûndû ûcio nîekîrwe nguo icio nî mûndû ûrîa mûtîîe mûno vûrûrirî na amûthiûrûrûkie îtûûrarî ekarîrîte mbarathi akiugagîrîria atîrî, ‘Ûguo nîguo mûthamaki ekaga mûndû ûrîa atîîte!’ ”

Esita 6:9 ပူးပေါင်းရင်းမြစ်များ

Kîam 41:43

Nîwacokire akîmûva ngari ya mbarathi ya kûmûkuua îrîa yarî ya kaîrî. Nîwamûvere andû a kûmûrangagîra nîguo mathiîcage nake makîanagîrîra atîrî, “Thengutani njîrarî! Thengutani njîrarî!” Kwoguo Josefu nîwatuirwe mûrûngamîrîri wa vûrûri wonthe wa Misiri.

Esita 6:10

Nake mûthamaki nîwerire Hamani atîrî, “Thiî narua woce nguo icio na mbarathi îo na ûve Moridekai ûrîa Mûyahudi gîtîîo kîu. Mûmwîke maûndû monthe marîa mwagweta. Nîmûkûmwîthîrîria arî vau mwîrîgarî wa mûciî wa mûthamaki.”

Esita 6:6

Kwoguo Hamani nîwatonyire nake mûthamaki akîmwîra atîrî, “Kûrî na mûndû nîrenda kûva gîtîîo mûno, mûndû ûcio nînîmwîka atîa?” Hamani nîweyûririe atîrî, “Nî mûndû ûrîkû mûthamaki angîva gîtîîo tiga nie?”

Zakaria 9:9

Mue andû a Zayuni kenani mûno; Mue andû a Jerusalemu ugîrîriani na vinya. Taroriani, mûthamaki wenyu nîaûkîte kûrî mue, aûkîte akenete na arî na ûvootani. Nî mwînyivia na akuuîtwe nî mvunda, akuuîtwe nî njaû ya mvunda.