Esita 6:4 - ÎVUKU RÎA ÛVORO MWARO

⁴ Mûthamaki nîwaûririe atîrî, “Kûrî mûndû wî kîvarorî?” Nake Hamani nwa vîndî aatonyete vau nja ya kîvaro mûciî wa mûthamaki. Hamani aûkîte kûria mûthamaki acurie Moridekai mûtîrî ûrîa aarûthithîtie.

Esita 6:4 ပူးပေါင်းရင်းမြစ်များ

Esita 4:11

“Ndungata cionthe cia mûthamaki na andû onthe a mavûrûri arîa mathagwa nî mûthamaki nîmaicî atî mûndû wa wonthe arî mûndûmûka kana mûndûmûrûme angîthiî nyomba kwa mûthamaki atarî na rûtha, mûndû ûcio agîrîrwe nî kûûragwa. Mûndû ûrîa tu ûngîvonoka kuumana na watho ûyû nî ûrîa mûthamaki aigîrîrîte mûtî wake wa thaavu wa ûthamaki. Nîrî na mweri mûgima ndathiîte kwa mûthamaki.”

Esita 5:1

Mûthenya wa kathatû Esita nîwekîrire nguo cia ûthamaki na akîrûgama kîvarorî Kîam nyomba ya mûthamaki kûrorania na varîa mûthamaki ekaraga. Mûthamaki eekarîrîte gîtî Kîam ûthamaki aroretie mwîrîgarî wa mûciî wake.

Esita 5:14

Kwoguo, mûka Zereshi vamwe na arata ake onthe nîmaamwîrire atîrî, “Rûthithia mûtî wa gûcuria Moridekai wa mita mîrongo îîrî na ithano (25) ûraca na îgûrû. Kîraûko gwakîa, îra mûthamaki athane atî Moridekai acurue mûtîrî ûcio. Mwarîkia gwîka ûguo, we na mûthamaki mûthiî kîrugorî na mûkenerere.” Hamani nîwonire rîu rîrî rîciria rîaro, na kwoguo nîwarûthithirie mûtî ûcio.

Esita 6:3

Nake mûthamaki nîwaûririe atîrî, “Moridekai aaveerwe gîtîîo kîrîkû kana ngathî îrîkû nîûndû wa ûndû ûcio eekire?” Nacio ndungata ciake nîciacokirie atîrî, “Gûtirî ûndû eekirwe.”

Esita 6:5

Kwoguo ndungata cia mûthamaki nîciamûcokerie atîrî, “Nî Hamani wî ava na nîarenda gûkwona.” Nake mûthamaki nîwaugire atîrî, “Mwîreni atonye.”

Esita 7:9

Haribona, ûmwe wa ngaramba irîa ciamenyagîrîra mûciî kwa mûthamaki nîwaugire atîrî, “Nyomba kwa Hamani nîkuo kûrî na mûtî ûrîa warûthîtwe wa mita mîrongo îîrî na ithano wa gûcuria Moridekai ûrîa waririe maûndû maro ma kûvonokia mûthamaki.” Nake mûthamaki nîwaugire atîrî, “Mûcurieni mûtîrî ûcio îgûrû.”

Ayubu 5:13

Nîanyitaga andû arîa aûgî na wara wao, na nîarûngamagia mîvango ya arîa etîi wa rîmwe.

Thaburi 2:4

Ûrîa wîkaragîra gîtî Kîam ûthamaki kûu îgûrû nîathekaga; Ngai-Mûnene nîamanyûrûragia.

Thaburi 33:19

Nîamavonokagia kuuma gîkuûrî, na akamatûûria mwoyo vîndî ya yûra.

Mûvunjia 9:10

Rutaga wîra waku na vinya yaku yonthe nîûndû kwa arîa akuû gûtirî kûruta wîra, kana gwîciiria, gûtirî ûmenyo kana ûûgî na kûu nîkuo ûthiîte.