Esita 5:9 - ÎVUKU RÎA ÛVORO MWARO

⁹ Hamani nîwaumire kîrugorî arî na gîkeno na acanjamûkîte mûno ngororî. Nwatî rîrîa oonire Moridekai arî kîvingorî gîa gûtonya kwa mûthamaki, na akîona atî ndaramûrûngamîrîra kana amûva gîtîîo na njîra wa yonthe, Hamani nîwarakarire mûno nîûndû wake.

Esita 5:9 ပူးပေါင်းရင်းမြစ်များ

1Atha 21:4

Ahabu nîwathiîre mûciî gwake arî mûrakaru na ûthû mwîngî nîûndû wa ûrîa Nabothi aamwîrîte, atî tîamûnengera mûgûnda wa mîthabivû nîûndû aaûgaire kuuma kûrî methe make. Ahabu nîwamamire ûrîrîrî wake erekerete rûthingo, na ndangîarîre irio.

1Atha 21:6

Nake Ahabu nîwerire mûka atîrî, “Nîûndû mbîrire Nabothi ûrîa Mûjezireeli amenderie mûgûnda wake wa mîthavibu, kana angîenda nîmûkûûrananîrie guo na wîngî nwatî ambîra atî tîanengera guo!”

Esita 2:19

Rîrîa erîtu maagomanîte vamwe vîndî ya kaîrî, Moridekai aarî mûtue mûrûngamîrîri wa mûciî wa mûthamaki.

Esita 3:2

Mûthamaki nîwathanire atî andû onthe arîa mamûtungatagîra menamagîrîre na mavecage Hamani gîtîîo. Andû ake onthe nîmeekaga guo nwatî Moridekai nîwaregire kwînamîrîra Hamani kana kûmûva gîtîîo.

Esita 3:5

Hamani nîwarakarire mûno rîrîa eguire atî Moridekai nîwaregire kûmûturîria maru.

Esita 5:13

Kûnarî ûguo maûndû mama monthe matirang'una, ethîrwa nîngûthiî na mbere kwona Moridekai ûrîa Mûyahudi arûgamîte mwîrîgarî wa gûtonya kwa mûthamaki.”

Ayubu 20:5

atî ûcamba wa mûndû mwaganu nîwa kavunda kanini, na gîkeno Kîam mûndû ûtaicî Ngai kîthiraga narua.

Ayubu 31:31

Andû onthe arîa mandungataga nîmaicî waro atî, nînyamûkagîra ageni na ngamatuga.

Thaburi 15:4

Nî manyararaga andû arîa Ngai athûrîte, nwatî nîmatîîaga andû arîa mathîkagîra Ngai-Mûnene. Vîndî cionthe nîmavingagia ûrîa meranîrîte na matigarûrûkaga.

Thaburi 27:3

Wana athigari a mbaara mangîndigicîria, gûtirî kîndû ngeetigîra, wana nthû ciantharîkîra, vîndî cionthe ngeevokaga Ngai.

Danieli 3:13

Vîndî wa îo, Nebukadinezarû arî na marakara meengî mûno nîwathanire Shadiraka, Mîsheki na Abendinego mavirwe kûrî ke. Nao nîmaavirirwe kûrî mûthamaki.

Mathaayo 10:28

Mûtigetigîre andû arîa maûragaga mwîrî, nwatî matingîûraga mwoyo. Vandû va ûguo îtigîreni Ngai ûrîa ûngikia mwîrî wana mwoyo îcuarî na agaicûkangia.

Mathaayo 2:16

Vîndî îrîa Herode aamenyire atî nîwaveenirue nî andû acio maarî na ûgî wa njata, nîwarakarire mûno. Nîwacokire akîathana atî twana twa tûvîcî tuonthe, tûrîa twarî kûu îtûûrarî rîa Bethilehemu vamwe na matûûrarî marîa maariganîtie nakuo, tûûragwe. Twana tûrîa aaugire tûûragwe nî tûrîa twarî na ûkûrû wa kuuma mîaka îîrî gûcoka na nthî. Ekire ûguo kûringana na kavinda karîa ke eerîtwe nî andû arîa maarî na ûûgî wa njata atî njata nîyonekire.

Luka 6:25

Na kaî mue andû arîa avau rîu mûrî na thîna-î! Nîûndû mue nîmûkaavûta. Na kaî mue mûratheka rîu mûrî na thîna-î! Nîûndû mue nîmûkegua kîeva na mûrîre!

Johana 16:20

Nie nîramwîra na ma atî: nîmûkaarîra mûrî na kîeva kîîngî mûno ngororî cienyu, nwatî andû a gûkû nthî nîmagaakena. Nîmûkaagîa na kîeva, nwatî kîeva kîenyu nîgîgaacoka gîtuîke gîkeno.

Ciîko 7:54

Rîrîa athuuri a Kîama meegwire Stefano akîaria maûndû mau, nîmaarûmithanirie magego nî kûrakara.

Jakuvu 4:9

Îguani kîeva, rîrani na mûcakae. Mîtheko yenyu nî îgarûrûke îtuîke kîrîro, nakîo gîkeno kîenyu gîtuîke kîeva.