Esita 5:2 - ÎVUKU RÎA ÛVORO MWARO

² Rîrîa mûthamaki oonire Esita arûngamîte vau nja, nîwakenirue nîke na akîmûnengereria mûragi wake wa wathani wa thaavu ûrîa aanyitîte. Esita nîwathiîre na akînyita mûthiia wa mûragi ûcio.

Esita 5:2 ပူးပေါင်းရင်းမြစ်များ

Kîam 32:28

Nake mûndû ûcio nîwerire Jakovu atîrî, “We ndûgeetwa Jakovu rîngî nîûndû nîwagiana na Ngai na andû na wavootana, we ûgeetagwa Isiraeli.”

Nehemia 1:11

We Mwathani, thikîrîria mavoya makwa na mavoya ma ndungata icio ciîngî ciaku irîa irenda gûgûkumia ikenete. Ûmûnthî va ndungata yaku ûvootani na ûtûme mûthamaki ambîguîre ntha.” Vîndî îo nînie naarî ndungata yake ya kûmenyerera ndivei.

Esita 2:9

Hegai nîwakenirue nî Esita mûno nginya akîmwenda gûkîra erîtu acio engî onthe. Atagûta mavinda, nîwavere Esita maguta ma kwîthakaria na irio cia mwanya cia kûrîa mûthenya wa mûthenya. Nîwamûvere ndungata mûgwanja cia erîtu irîa ciatungataga nyomba kwa mûthamaki nîguo imûtungatage.

Esita 4:11

“Ndungata cionthe cia mûthamaki na andû onthe a mavûrûri arîa mathagwa nî mûthamaki nîmaicî atî mûndû wa wonthe arî mûndûmûka kana mûndûmûrûme angîthiî nyomba kwa mûthamaki atarî na rûtha, mûndû ûcio agîrîrwe nî kûûragwa. Mûndû ûrîa tu ûngîvonoka kuumana na watho ûyû nî ûrîa mûthamaki aigîrîrîte mûtî wake wa thaavu wa ûthamaki. Nîrî na mweri mûgima ndathiîte kwa mûthamaki.”

Esita 8:4

Mûthamaki nîwatambûrûkîrie Esita mûragi wa thaavu, nake Esita nîwarûngamire na akiuga atîrî,

Thaburi 116:1

Nîmendete Ngai-Mûnene nîûndû nîambîgucaga, nîathikagîrîria mavoya makwa.

Nthi 21:1

Ngai-Mûnene nîke wathaga meciria ma mûthamaki, nîamerekagîria kûrîa akwenda.

Ciîko 10:4

Nake Korinelio nîwamûroririe amakîte mûno na akîmûria atîrî, “Nîndûî Mwathani?” Nake mûraika ûcio nîwamûcokerie atîrî, “Ngai nîwegua mavoya maku. Ke nîwona atî we nîûvothagîra athîni na nîwakûririkana.

Ciîko 7:10

na nîwamûtethûrire mathînarî mau make monthe. Josefu aarî mûve ûûgî mwîngî mûno nî Ngai arî mbere ya mûthamaki. Kwoguo mûthamaki wa Misiri nîwamûtuire mûnene wa vûrûri wa Misiri na akîmûva wîra wa kûrûngamîrîra andû onthe a mûciî wake.