Esita 5:1 - ÎVUKU RÎA ÛVORO MWARO

¹ Mûthenya wa kathatû Esita nîwekîrire nguo cia ûthamaki na akîrûgama kîvarorî Kîam nyomba ya mûthamaki kûrorania na varîa mûthamaki ekaraga. Mûthamaki eekarîrîte gîtî Kîam ûthamaki aroretie mwîrîgarî wa mûciî wake.

Esita 5:1 ပူးပေါင်းရင်းမြစ်များ

Esita 1:11

Nîwamatûmire mathiî makagîre mûka Vashiti aûke vau mbere ya mûthamaki ekîrîte nthûmbî ya ûthamaki. Vashiti aarî mûthaka mûno na mûthamaki endaga kûmwonania mbere ya atongoria na ageni ake onthe.

Esita 2:5

Kûu Susa, kwarî na Mûyahudi wetagwa Moridekai mûvîcî wa Jairi. Nake Jairi aarî mûvîcî wa Shemei, Shemei aarî mûvîcî wa Kishu wa mûvîrîga wa Benjamini.

Esita 4:11

“Ndungata cionthe cia mûthamaki na andû onthe a mavûrûri arîa mathagwa nî mûthamaki nîmaicî atî mûndû wa wonthe arî mûndûmûka kana mûndûmûrûme angîthiî nyomba kwa mûthamaki atarî na rûtha, mûndû ûcio agîrîrwe nî kûûragwa. Mûndû ûrîa tu ûngîvonoka kuumana na watho ûyû nî ûrîa mûthamaki aigîrîrîte mûtî wake wa thaavu wa ûthamaki. Nîrî na mweri mûgima ndathiîte kwa mûthamaki.”

Esita 4:16

“Thiî ûnganie Ayahudi onthe arîa marî kûu Susa, mwînyerekie na mûvoe. Mûtikarîe kana mûnyua kîndû îvinda rîa mîthenya îthatû, ûtukû na mûthenya. Nie vamwe na ndungata ciakwa tûkethîrwa tûkînyerekia wata mue. Nîngaacoka nthiî kûrî mûthamaki wana ethîrwa tîguo watho wîtîkîrîtie. Ethîrwa nî kûragwa nîngaaûragwa.”

Esita 4:17

Moridekai nîwacokire akîthiî na agîka ûrîa erîtwe nî Esita.

Esita 6:4

Mûthamaki nîwaûririe atîrî, “Kûrî mûndû wî kîvarorî?” Nake Hamani nwa vîndî aatonyete vau nja ya kîvaro mûciî wa mûthamaki. Hamani aûkîte kûria mûthamaki acurie Moridekai mûtîrî ûrîa aarûthithîtie.

Esita 8:15

Moridekai nîwaumire mûciî kwa mûthamaki ekîrîte nguo cia ûthamaki cia rangi wa vururu na îno njerû, na ekîrîte nthûmbî mbaro ya thaavu. Andû onthe a Susa nîmaumîrire varavararî makiugagîrîria macanjamûkîte.

Mathaayo 10:16

“Tathikîrîriani, namûtûma ta ng'ondu gatagatîrî ga ciathi. Kwoguo, gîani na ûûgî ta njoka na mwîthîrwe mûrî avoreri ta ndutuura.

Mathaayo 11:8

Mue mwathiîte kwona ndûî? Nî mûndû wekîrîte nguo cia goro? Andû arîa mekagîra nguo cia goro mekaraga nyombarî cia mûthamaki.

Mathaayo 27:64

Kwoguo, athana mbîrîra yake îrangîrwe nginya mûthenya wa kathatû nîguo arutwa ake kûthiî vo maîe mwîrî wake na vuva wa ûguo macoke meere andû atî Jesû nîmûriûku. Maveeni ta mau nwa methîrwe marî macûku mûno gûkîra marîa ma mbere.”

Luka 22:30

Nîmûkaarîra na mûnyuîre metharî yakwa Ûthamakirî wakwa, na mûcoke mwîkarîre itî cia Ûthamaki na mwathe mîvîrîga îrîa îkûmi na îrî ya Isiraeli.”

Kûguû 3:21

Arîa makaavootana, nîngaamava rûtha rwa gwîkara mwenarî wakwa gîtîrî gîakwa Kîam ûthamaki wata ûrîa wananie naavootanire na rîu mbîkarîte mwenarî wa Vava gîtîrî gîake Kîam ûthamaki.