Esita 3:2 - ÎVUKU RÎA ÛVORO MWARO

² Mûthamaki nîwathanire atî andû onthe arîa mamûtungatagîra menamagîrîre na mavecage Hamani gîtîîo. Andû ake onthe nîmeekaga guo nwatî Moridekai nîwaregire kwînamîrîra Hamani kana kûmûva gîtîîo.

Esita 3:2 ပူးပေါင်းရင်းမြစ်များ

Kîam 41:43

Nîwacokire akîmûva ngari ya mbarathi ya kûmûkuua îrîa yarî ya kaîrî. Nîwamûvere andû a kûmûrangagîra nîguo mathiîcage nake makîanagîrîra atîrî, “Thengutani njîrarî! Thengutani njîrarî!” Kwoguo Josefu nîwatuirwe mûrûngamîrîri wa vûrûri wonthe wa Misiri.

Esita 2:19

Rîrîa erîtu maagomanîte vamwe vîndî ya kaîrî, Moridekai aarî mûtue mûrûngamîrîri wa mûciî wa mûthamaki.

Esita 2:21

Vîndî îrîa Moridekai aarî mûrûngamîrîri wa mûciî wa mûthamaki, andû aîrî ngaramba arîa maarangagîra nyomba ya mûthamaki na nîo Bigithana na Tereshi nîmarakarire nginya makîrûtha mûvango wa kûraga mûthamaki Ahasuerusi.

Esita 2:5

Kûu Susa, kwarî na Mûyahudi wetagwa Moridekai mûvîcî wa Jairi. Nake Jairi aarî mûvîcî wa Shemei, Shemei aarî mûvîcî wa Kishu wa mûvîrîga wa Benjamini.

Esita 3:1

Vuva wa maûndû mau, mûthamaki Ahasuerusi nîwanenevirie Hamani mûvîcî wa Hamedatha, wa rûciaro rwa Agagi akîmûtua mûnene wa atongoria onthe a thirikari.

Esita 3:3

Ndungata irîa ciekaraga kîvingorî kwa mûthamaki mûciî nîciaûririe Moridekai atîrî, “Nîndûî kîratûma ûregana na watho wa mûthamaki?”

Esita 3:5

Hamani nîwarakarire mûno rîrîa eguire atî Moridekai nîwaregire kûmûturîria maru.

Esita 5:9

Hamani nîwaumire kîrugorî arî na gîkeno na acanjamûkîte mûno ngororî. Nwatî rîrîa oonire Moridekai arî kîvingorî gîa gûtonya kwa mûthamaki, na akîona atî ndaramûrûngamîrîra kana amûva gîtîîo na njîra wa yonthe, Hamani nîwarakarire mûno nîûndû wake.

Thaburi 15:4

Nî manyararaga andû arîa Ngai athûrîte, nwatî nîmatîîaga andû arîa mathîkagîra Ngai-Mûnene. Vîndî cionthe nîmavingagia ûrîa meranîrîte na matigarûrûkaga.

Ntha 17:14

Nake Ngai-Mûnene nîwacokire akîra Musa atîrî, “Andîka ûvoro wîgiî ûvootani ûyû nîguo ûtuîke wa kûririkanagwa. Na wîre Joshua atî nîngûthiria Amaleki viû na ndûme mariganîre gûkû nthî.”

Ntha 17:16

Na nîwaugire atîrî, “Ûkîrîria na îgûrû vendera ya Ngai-Mûnene! Ke nîatûûra arûaga na Amaleki tene na tene!”

Danieli 2:49

Danieli nîwaûririe mûthamaki amûthuurîre Shadiraka Mîsheki na Abendinego, matuîke a kûrûngamagîrîra maûndû monthe ma vûrûri wa Babuloni. Nwatî Danieli ekarire kûu kwa mûthamaki.

Gûco 25:19

Kwoguo rîrîa Ngai-Mûnene, Ngai wenyu akaamûva vûrûri ûrîa aamwîrîîre, na amûgitîre kuuma kûrî nthû cienyu irîa ikethîrwa îmûthiûrûrûkîrîtie, nwanginya mûkaaûraga Amaleki onthe mathire viû na mariganîre. Mûtikariganîrwe nî gwîka ûguo!

Afil 2:10

Kwoguo ciûmbe cionthe irîa irî îgûrû, irîa irî nthî, wana irîa irî rungu rwa nthî, cionthe igaaturagia maru mbere ya Jesû igakumia rîîtwa rîake,

1Sam 15:3

Rîu thiî na ûûrage andû onthe a Amaleki na ûcûkangie indo ciao cionthe viû. Ndûgatigarie wanarî kîndû: ûûrage arûme onthe, aka, ciana na tûkenge, ng'ombe, ng'ondu, ngamîîra na mvunda.”