Esita 2:18 - ÎVUKU RÎA ÛVORO MWARO

¹⁸ Mûthamaki nîwacokire akîrugithîria Esita kîrugo kînene na agîta anene, atongoria na ndungata ciake cionthe. Nîwarekere vûrûri wonthe gooti na akîvecana iveo wata ûrîa ûtaana wake wegana.

Esita 2:18 ပူးပေါင်းရင်းမြစ်များ

Kîam 29:22

Kwoguo Labani nîwathondekire kîrugo Kîam ûviki na agîta andû onthe.

Nehemia 8:11

Kwoguo Alawi nîmaathiîre magîkiragia andû makîmeeraga matikethîrwe marî na kîeva nîûndû ûyû nî mûthenya mwamûre.

Esita 1:7

Andû nîmaaveerwe indo cia kûnyua ciîkîrîtwe ikomberî cia thaavu, nake mûthamaki aarî mûtana mûno na ndivei îrîa yanyunyagwa kwa mûthamaki.

Esita 9:22

Mîthenya îno nî îrîa Ayahudi maavootire nthû ciao. Kûrî Ayahudi mûthenya ûyû wagarûrûkîte ûgatuîka wa gûkûngûîra, îthenya rîa kîeva na gûcakaya. Nîmerirwe maririkanage mîthenya îno na kîrugo gîa kûrîa makenete, makîvecanaga iveo cia mîthemba ya irio kûrî mûndû na ûrîa wîngî wana kûva athîni.

Rwîmbo rwa Nyîmbo 3:11

Aka a Zayuni, ûkani mwone mûthamaki Solomoni. Ke ekîrîte nthûmbî îrîa ng'ina aamwîkîrire kîongorî gîake, mûthenya ûrîa aavikanagia, mûthenya ûrîa ecûrîtwe nî gîkeno.

Rwîmbo rwa Nyîmbo 5:1

Nînatonya mûgûndarî wakwa, mwendwa wakwa, mûviki wakwa. Nîraûngania mînyamû mînungi waro ya mare yakwa. Nîrarîa ûûkî wakwa na mago. Nîranyua ndivei yakwa na îriia. Arata, rîani na mûnyue, nginya mûrîwe nî wendo!

Mathaayo 22:2

“Ûthamaki wa îgûrû wîkariî ta mûthamaki ûrîa wavarîrîrie kîrugo Kîam ûviki wa mûvîcî.

Maariko 6:21

Na mûthiiarî, Herodia nîwacokire akîgîa na kamweke mûthenya ûrîa Herode akûngûagîra gûciarwa gwake. Mûthenya ûcio nîguo Herode aathondekete kîrugo na agetîra anene ake, atongoria a mbaara, wana andû arîa maarî na îgweta kûu Galili.

Luka 14:8

“Mûndû angîgwîtîra kîrugo Kîam ûviki tigaga kwîthuurîra gîtî Kîam mbere, nîûndû mûndû mûtîîkanu gûgûkîra nwa ethîrwe arî mwîtîre kîrugo kîu,

Kûguû 11:10

Andû arîa matûûraga gûkû nthî nîmagaakena na macanjamûke nîûndû wa gûkua kwa aira acio aîrî. Nao nîmakaavecana iveo nîûndû arathi acio aîrî nîmatûmîte andû arîa matûûraga gûkû nthî mathînîke mûno.

Kûguû 19:9

Nake mûraika nîwambîrire, “Andîka atîrî: Kûrathimwa nî arîa metîtwe kîrugorî Kîam ûviki wa Gatûrûme.” Mûraika nîwaugire rîngî atîrî, “Ino nîcio ciugo cia ma kuuma kûrî Ngai.”

1Sam 25:8

Ta ûria anake aku na nîmagûkwîra. Twaûka mûthenya wa gîkeno na tûrakûthaitha ûtwamûkîre na ûtûve tue ndungata ciaku na mûrataguo Daudi wa kîrîa kîonthe wî nakîo.”