Esita 1:4 - ÎVUKU RÎA ÛVORO MWARO

⁴ Îvinda rîa mîeri îtandatû, Ahasuerusi nîwonanirie ûtonga wa ûthamaki wake na riiri waguo.

Esita 1:4 ပူးပေါင်းရင်းမြစ်များ

1Maû 29:25

Ngai-Mûnene nîwatûmire Solomoni avewa gîtîîo mûno nî andû onthe a Isiraeli, na agîtûma agîa ngumo mûno gûkîra athamaki arîa maarî mbere yake vûrûrirî wa Isiraeli.

Esita 1:3

Mwaka wa kathatû kuuma mûthamaki Ahasuerusi ambîrîria kwathana, nîwarugithirie kîrugo kînene na agîta anene onthe na andû arîa maarî îgweta vûrûrirî ûcio.

Esita 1:5

Vuva wa ûguo, mûthamaki nîwarugithîrie andû onthe a îtûûra rîa Susa, itonga na athîni kîrugo. Kîrugo kîu gîakûngûîrwe îvinda rîa mîthenya mûgwanja, na Kîamvarîrîtue kwa mûthamaki mûciî.

Ayubu 40:10

Tonania ûrîa ûrî ngumo na wî mûtîîe, onania ûrîa wî mûnene na wî na ûvoti.

Thaburi 145:5

Ngaaragia ûvoro wîgiî riiri waku na ûnene waku, na nîîciragie ûvoro wa ciîko ciaku cia magegania.

Thaburi 21:5

Nîagîte na riiri mwîngî nîûndû wa ûtethio waku, nîûtûmîte agîe na ngumo na gîtîîo.

Thaburi 45:3

Îyove rûviû rwaku njovero, we mûthamaki njamba; we wî mûthamaki mûnene na ûrî riiri.

Thaburi 93:1

Ngai-Mûnene nî mûthamaki. Ecûrîtwe nî riiri na vinya; nîatûmîte nthî îîvande na ndîngîenyenyeka.

Isaia 39:2

Hezekia nîwamagwatire ûgeni, na akîmonia nyomba îrîa aigaga ûtonga wake: sîlûva, thaavu, indo cia gwîkîra irio mûnungo mwaro, maguta ma goro, indo ciake cionthe cia mbaara na indo cionthe irîa ciarî makûmbîrî make. Gûtirî Kîamrî nyombarî ya Hezekia kana Kîamrî vûrûrirî wake ataamoonia.

Ezek 28:5

Ûûgî wa kwendia na kûgûra indo nîwongererete ûtonga waku na ûkagîa na mwîtîîo ngororî nîûndû wa ûtonga ûcio waku!

Danieli 4:30

nîwaugire atîrî, “Ta roria îtûûra rîîrî rînene ûguo rîa Babuloni! Nînie nîrîtumîte nîguo monanie vinya, ûvoti riiri na wathani wakwa.”

Danieli 4:36

Narîkia gûcokerwa nî meciria makwa, nînagîre ngumo nene, wathani na riiri rîngî. Atongoria na athani a vûrûri wakwa nîmaaûkire kûnjaria na ngîcokua ûthamakirî wakwa rîngî, na ngîgîa vinya wa wathani wana gûkîra mbere.

Danieli 5:18

We mûthamaki, Ngai ûrîa ûrî Îgûrû Mûno nîwatwire aguo, Nebukadinezarû mûthamaki mûnene, ûrî na riiri na gîtîîo.

Mathaayo 4:8

Nayo Ngoma îo nîyacokire îkîvira Jesû kîrîmarî kîraca mûno na îkîmwonia mothamaki monthe ma nthî, ûnene na ûthaka wamo.

Mathaayo 6:13

Ndûgatûvire mageriorî, nwatî ûtûvonokie kuuma kûrî Ûrîa Mûcûku.’

Aroma 9:23

Ke nwa wendaga kwonania riiri wake mwîngî kûrî andû arîa eeguîrîre ntha na nîtue aavarîrie tûgae riiri wake.

Aefeso 1:18

Mvoyaga Ngai avingûre metho ma ngoro cienyu, nîguo mûmenye nî kîîrîgîrîro kîrîkû atwîtîrîte na mûmenye ûtonga na riiri wa îgai rîrîa erîrîte andû ake.

Akol 1:27

Ngai nîwavangire kûmenyithia andû ake magegania ma nthitho yake kûrî andû a Ndûrîrî. Na nthitho îo nî atî Kristû atûûraga ndaarî yenyu, na ûguo nî kuga nîmûkaagîa na riiri wata ûrîa Ngai arî na riiri.

Kûguû 4:11

“We Mwathani Ngai wetû! Ûrî mwagîrîru wa kwamûkîra riiri, gîtîîo na vinya. Nîûndû we nîwe waûmbire indo cionthe. We nîwe wendire igîe kuo, na igîe mwoyo.”