Danieli 9:7 - ÎVUKU RÎA ÛVORO MWARO

⁷ We, Mwathani, wîthagîrwa ûrî mûthingu vîndî cionthe. Nwatî tue, tûtûûraga tûrî na gîconoko, wana andû onthe arîa matûûraga Judea na Jerusalemu, na andû onthe a Isiraeli arîa marî mavûrûrirî marîa marî vakuvî na marî kûraca, nîûndû matiarî evokeku kûrî we.

Danieli 9:7 ပူးပေါင်းရင်းမြစ်များ

Ezira 9:13

Ûrîa wonthe wîkîkîte kûrî tue wîkîkîte nîûndû wa mevia na mavîtia metû. Nwatî we Ngai wetû îvera rîrîa ûtûverithîtie narîo nî rînini gûkîra ûrîa twagîrîrwe nî kûverithua, na ûgetîkîra tûtigare tûtarî athiru viû.

Ezira 9:15

Ngai-Mûnene, Ngai wa Isiraeli, we ûrî mwîvokeku, nîûndû nîwîtîkîrîte tûtûûre mwoyo nginya ûmûnthî. Na rîu ava nîtûkumbûra mavîtia metû, nîûndû gûtirî mûndû mwagîrîru gatagatîrî getû wa kûrûngama mbere yaku.”

Nehemia 9:33

Ûtûverithîtie na njîra îrîa yagîrîrîte, we ûrî mwîvokeku na tue twîkîte maûndû ma waganu.

Thaburi 119:137

We Ngai-Mûnene, wî mûthingu, na matuîro maku ma ciira nî ma ma.

Thaburi 44:15

Mbîthagîrwa vîndî cionthe njonokete; na mbîcûrîtwe nî nthoni nyîngî mûno,

Thaburi 51:14

Mvonokia kuumana na wîvia wa ûragani, we Ngai mûvonokia wakwa, na nîngaakena na manîrîre ûthingu waku kûrî andû.

Thaburi 51:4

We wenga nîwe mbîtîrîtie, na nîmbîkîte maûndû marîa wonaga marî macûku. Kwoguo ûnduîrîrîte na kîvooto; nîûnduîrîrîte ûrîa kwagîrîrîte.

Isaia 11:11

Mûthenya ûcio, Mwathani nîagaatambûrûkia njara yake rîngî nîguo acokie andû ake arîa matigarîte Sîria, Misiri, Pathirosi, Ethiopia, Elamu, Shinari, Hamathi na icîgîrîrarî cia îria.

Isaia 45:16

Arîa onthe marûthaga mîvuanano nîmagaaconorithua, onthe magaaconorithua vamwe.

Jeremia 12:1

We Ngai-Mûnene wî mûthingu, wana ethîrwa nînîrakûretera mateta makwa, kûnarî ûguo nwa mende kwîyarîrîria mbere yaku. Nîndûî gîtûmaga andû arîa aganu mathatûkwa? Nîndûî gîtûmaga andû matarî evokeku mathiî na mbere?

Jeremia 23:6

Îvindarî rîake andû a Juda nîmakavonokua, nao andû a Isiraeli matûûre marî na thayû. Agetagwa, ‘Ngai-Mûnene nîke ûthingu wetû.’

Jeremia 24:9

Nîngamaretera maûndû macûku mûno ma kûmakia mavûrûri monthe ma nthî. Nîmagaatuîka kîndû gîa kûthekererwa, kûnyararûa, kwirwa na matuîke kîrumi kûrîa kuonthe ngamanyagania.

Jeremia 3:25

Twagîrîrwe nî kûmama nthî tûthithîte mothiû metû nîûndû wa ûrîa tûconokete, tûreke gîconoko gîetû gîtûkunîkîre nîûndû tue, vamwe na methe metû tûtwîre twîvagia Ngai-Mûnene, Ngai wetû, na tûtianathîkîra mûgambo wake.

Jeremia 32:32

nîûndû wa maûndû monthe macûku marîa andû a Isiraeli na Juda mekîte vamwe na athamaki, atongoria, athînjîri-Ngai na arathi.

Jeremia 33:16

Îvindarî rîu Juda nîîkavonokua na îtûûra rîa Jerusalemu rîgîe na thayû. Îtûûra rîu rîgetagwa, ‘Ngai-Mûnene nîke ûthingu wetû.’

Jeremia 4:17

Mathiûrûrûkîrîtie Jerusalemu ta arangîri a mûgûnda, nîûndû andû a kuo nîmareganîte nanie. Ûguo nîguo Ngai-Mûnene arauga.

Jeremia 7:19

Nama, nînie mararakaria? Naarî, nî o ene marerakaria na makeretera gîconoko.

Ezek 16:63

Nîngaakûrekera mavîtia monthe marîa waneka. Nawe waririkana maûndû monthe marîa waneka nîûkaamaka, na ndûkaaria rîngî nî gîconoko.” Nie Ngai-Mûnene nînie mbugîte ûguo.

Ezek 36:31

Nîûgaacoka kûririkana mîthiîre yaku mîcûku na mîtugo yaku îrîa îtaarî mîaro, na nîûkaaîmena nîûndû wa mevia maku na maûndû macûku marîa wekire.

Ezek 5:10

Kwoguo, aciari nîmakaarîa ciana ciao mûkîonaga, nacio ciana irîe aciari a cio. Nîmue ngaaverithia, nao arîa magaatigara gatagatîrî kenyu matakuîte nîngamanyagania na mîena yonthe.”

Ezek 6:12

Arîa marî kûraca makarwara na makue. Arîa marî vakuvî makaaûragîrwa mbaararî, nake ûrîa ûkaavonoka maûndû mau maîrî akaaûragwa nî yûra. Ûguo nîguo ngaathiria marûrû makwa kûrî o.

Danieli 9:14

Kwoguo we Ngai-Mûnene, Ngai wetû, nîwevarîrie gûtûverithia na ûgîka guo, nîûndû vîndî cionthe wîkaga ûrîa kwagîrîrîte, nwatî tue tûkarega gûkwathîkîra.’

Danieli 9:18

We Ngai wetû, tega matû maku ûtûthikîrîrie. Ta roria mathîna marîa tûrî namo na mathîna marîa marî îtûûrarî rîrîa rîtanîtue nawe. Tûrakûvoya we Ngai nîûndû ûrî wa ntha nyîngî na tî nîûndû wa ûrîa twagîrîrîte.

Danieli 9:8

Ngai-Mûnene, tue, athamaki etû, aathani etû, na methe metû, tûrî na gîconoko nîûndû nîtûkûvîtîrîtie.

Amosi 9:9

“Nîûndû nîngaathana na mvûnge andû a Isiraeli mavûrûrirî marîa mengî, ta ûrîa mûndû avûngaga ngano na gîcungi, na nîngaaruta kîndû kîonthe gîcûku.

Aroma 6:21

Nî umithio ûrîkû mwagîre naguo kuuma maûndûrî marîa rîu mûconokaga nîmo? Maûndû mau macokaga kûrete gîkuû.

Gûco 32:4

“Ke nî ta îthiga, wîra wake nî mûkinyanîru, maûndû make monthe nî ma kîvooto. Ngai nî mwîvokeku na wa ûma; ekaga maûndû marîa magîrîrîte na ma kîvooto.

Gûco 4:27

Ngai-Mûnene nîakaamûnyagania mavûrûrirî marîa mengî, nwatî nî andû anini magaatigara kûu mavûrûrirî mau.