Danieli 9:23 - ÎVUKU RÎA ÛVORO MWARO

²³ Mavinda marîa wambîrîrie kûvoya, Ngai nîwacokirie mavoya, nanie naûka gûgûtaarîria macokio mau, nîûndû we wî mwende mûno. Kwoguo tathikîrîria waro nîguo ûtaûkîrwe nî kîoneki kîu.

Danieli 9:23 ပူးပေါင်းရင်းမြစ်များ

2Atha 19:20

Isaia mûvîcî wa Amosi nîwatûmanire kûrî mûthamaki Hezekia atîrî, “Ngai-Mûnene, Ngai wa Isiraeli augîte atî, ‘Nîmbîguîte îvoya rîaku rîgiî Senakeribu, mûthamaki wa Asîria.’

Nthi 15:8

Ngai-Mûnene nîakenagua nî mavoya ma andû arîa athingu, nwatî nîathûrîte magongoona marîa arutagîrwa nî andû arîa aganu.

Rwîmbo rwa Nyîmbo 7:10

Nie nîrî wa mwendwa wakwa na nîamendete.

Ezek 14:14

Kethîrwa arûme acio athatû, Nuhu, Danieli na Ayubu matûûraga vûrûri ûcio, mîoyo yao nwayo îngîkaavonokua nîûndû wa ûthingu wao.” Ûguo nîguo Ngai-Mûnene augîte.

Ezek 24:16

“We mûndû, taroria, nîngûringa mûndû ûrîa wendete nîmûrute kuuma kûrî we. Kûnarî ûguo, ndûgacakaa kana ûrîre, kana wîtûrûre methori.

Ezek 26:12

Ûtonga wenyu wonthe nîûgaatavwa wa vamwe na indo ciaku. Nîmakoomomora nthingo ciaku na momomore nyomba ciaku irîa mbaro. Namo mathiga, mbaû na mûthetu wenyu ûrîa maatûmîre magîtuma nîmagaawikia îriarî.

Danieli 10:1

Mwaka wa kathatû Cairasi arî mûthamaki wa Perisi, Danieli, ûrîa watuîrîrwe rîîtwa Beliteshazaru, nîwaguûrîrue ndûmîrîri. Ndûmîrîri îo yarî ya ma, nwatî yarî nyûmû mûno, na ndîereekaga. Danieli nîwereithirue ûrîa ndûmîrîri îo yaugaga na njîra ya kîoneki.

Danieli 10:19

Nîwambîrire atîrî, “We mûndû ûyû, Ngai nî mûkwendu mûno, ndûgetigîre! Gîa na thayû, gîa na vinya na ûmîrîrie!” Na rîrîa aambîrire ûguo, nînaagîre na vinya na ngiuga atîrî, “Mwathi wakwa, rîu mbîra ûrîa ûkwenda, nîûndû nîwambîkîra vinya.”

Danieli 6:3

Wîra wa Danieli nîwonekire ûrî mwaro mûno gûkîra wa arûngamîrîri na anene acio engî onthe, nîûndû ethagîrwa arî na ngoro mbaro. Kwoguo mûthamaki nîwamûtwire mûrûngamîrîri wa vûrûri wonthe.

Mathaayo 24:15

“Mue nîmûkoona ‘Kîndû kîrîa kîrî mûgiro’ kîrîa mûrathi Danieli aaririe ûvoro wakîo kîrûngamîte vandû varîa vatheru.” (Mûndû ûrîa ûrathoma nîataûkîrwe nî ûrîa kûrerwa!)

Luka 1:28

Mûraika ûcio nîwathiîre kûrî Mariamu na akîmûkethia atîrî, “Wî mwaro? We wî mûrathime mûno! Mwathani arî vamwe nawe!”