Danieli 9:21 - ÎVUKU RÎA ÛVORO MWARO

²¹ Gaburieli, mûndû ûrîa noonire kîonekirî gîakwa Kîam mbere, nîwaûkire na îvenya nginya varîa naarî. Vîndî îo nîrîo magongoona ma kîvwaî maarutagwa.

Danieli 9:21 ပူးပေါင်းရင်းမြစ်များ

1Atha 18:29

Wana thaa thita ciavîtûka, nîmaathiîre na mbere kugîrîria ta andû a ngoma makîvoyaga ngai wao nginya kîvwaî rîrîa matega maarutagwa; nwatî gûtirî mûgambo weguîkire, gûtirî mûndû wamacokerie na gûtirî mûndû wamathikîrîrie.

1Atha 18:36

Rîrîa îthaa rîa kûruta matega ma kîvwaî rîakinyire, mûrathi Elija nîwakuvîvîrie metha ya kîgongoona na akîvoya atîrî, “We Ngai-Mûnene, Ngai wa Iburahimu, Isaka, na Jakovu, onania ûmûnthî atî we nîwe Ngai wa Isiraeli na atî nie nîrî ndungata yaku na mbîkîte maûndû mama monthe na watho waku.

Thaburi 103:20

Kumiani Ngai-Mûnene, mue araika arîa anene na marî vinya, mue mwathîkagîra watho wake na mwîkaga ûrîa augîte.

Thaburi 104:4

Ûtûmagîra ngûngi irî ta anjaama aku, na ûgatûmîra mwaki na nînîmbî ciaguo ta ndungata ciaku.

Thaburi 141:2

Amûkîra îvoya rîakwa ta mûtararûko wa ûbani, na wamûkîre njara ciakwa, irîa mbûkîrîrîtie ta îgongoona rîa kîvwaî.

Ntha 29:39

Ûkaarutaga ndûrûme îmwe kîraûko na îo îngî kîvwaî.

Isaia 6:2

Îgûrû rîake kwarûngamîte Aserafi, wa serafi ûmwe aarî na mathagu matandatû; mathagu maîrî maakunîkîte ûthiû wake, maîrî magakunîka magûrû make namo maîrî akîgûrûka namo.

Ezek 1:11

Ûguo nîguo mothiû ma cio mekariî. Mathagu maîrî ma wa kîûmbe nîmaambararîte na îgûrû na makavutania na ma ciûmbe icio ciîngî. Namo mau mengî maîrî igekunîkîra namo.

Ezek 1:14

Ciûmbe icio ciathiîcaga na mbere na igacoka na vuva ta rûveni.

Ezek 14:14

Kethîrwa arûme acio athatû, Nuhu, Danieli na Ayubu matûûraga vûrûri ûcio, mîoyo yao nwayo îngîkaavonokua nîûndû wa ûthingu wao.” Ûguo nîguo Ngai-Mûnene augîte.

Danieli 10:10

Wa rîmwe nînaanyitirwe njara na ngîûkîrîrua ngîrûngama ngîtetemaga.

Danieli 10:16

Vîndî wa îo, mûraika ûrîa wekariî ta mûndû nîwavutirie mîromo yakwa na njara yake. Nanie nînamwîrire atîrî, “Mwathi wakwa, kîoneki gîkî nî kîmbîkagîra guoya na ngathirwa nî vinya.

Danieli 10:18

Warîngî ûcio wekariî ta mûndû nîwamvutirie na njara yake na ngîgîa na vinya.

Danieli 8:16

Nînegwire mûgambo wa mûndûmûrûme wetana kuuma ndeererî cia rûnjî rwa Ulai ûkiuga atîrî, ‘Gaburieli, taûrîra mûndûmûrûme ûyû kîoneki kîrîa wonire.’

Danieli 8:18

“Na vîndî îo aambaragîria, nînaagwîre nthî na ngîgirîka, nwatî nîwanyitire akîmbûkîrîria na ngîrûngama na magûrû makwa.

Mathaayo 27:46

Na ciakinya thaa kenda, Jesû nîwaugîrîrie atîrî, “Eloi, Eloi, lama savakithani?” Na ûguo nî ta kuga atîrî, “Ngai wakwa, Ngai wakwa wandiganîria nîkî?”

Luka 1:19

Nake mûraika ûcio nîwamûcokerie atîrî, “Nie nînie Gaburieli na nûngamîte mbere ya Ngai ûrîa ûndûmîte mbûke ngûkinyîrie ûvoro ûyû mwaro.

Luka 1:26

Mwerirî wa gatandatû wa Elizabethi kwîthîrwa arî îvu, Ngai nîwatûmire mûraika Gaburieli îtûûrarî rîa Nazarethi kûu Galili.

Ciîko 10:3

Na mûthenya ûmwe kîndû ta thaa kenda cia mûthenya, Korinelio nîwagîre na kîoneki. Nake nîwonire mûraika wa Ngai waro. Mûraika ûcio nîwamumîrîre na akîmwîra atîrî, “Korinelio!”

Ciîko 10:9

Na kîndû ta thaa thita cia mûthenya ûcio warûmîrîrîte wa marî rûgendorî, nîmaakinyire vakuvî na Jopa, na Petero akîthiî nyomba îgûrû kûvoya.

Ciîko 12:7

Nake mûraika wa Mwathani nîwaumîre wa rîmwe na ûtheri ûgîkenga kûu njeera. Mûraika ûcio nîwainainirie Petero amûgwete Kîamnde, akîmûramûkia na akîmwîra atîrî, “Ramûka narua!” Nayo mînyororo îrîa ovetwe njara nayo nîyagwîre nthî wa rîmwe.

Ciîko 3:1

Mûthenya ûmwe Petero na Johana nîmaathiîre hekarûrî thaa kenda vîndî ya mavoya.

Ahib 1:14

Araika nî arîkû? Nî maroho marîa matungatagîra Ngai na nîmatûmagwa nîke magatethia arîa makaavonokua.

Ahib 1:7

Nwatî ûvoro wîgiî araika Ngai nîwaugire atîrî, “Ngai atucaga araika ake mvuvo, nacio ndungata ciake agaitua nînîmbî cia mwaki.”

Kûguû 9:17

Nakîo kîonekirî gîakwa nînoonire mbarathi na arîa maathiîte maciîkarîrîte: nao maarî na ngo cia cuuma cia mbaara ithûrirî cia kwîgitîra nacio. Na ngo cia rangi ndune ta mwaki, rangi ya vururu na ya erûû ta ya ûviriti. Ciongo cia mbarathi icio ciekariî ta ciongo cia mînyambû. Natuo tûnyuarî twacio nîkwaumaga mwaki, ndogo na ûviriti.