Danieli 8:22 - ÎVUKU RÎA ÛVORO MWARO

²² Mvîa inya irîa ciaumire rûvîa rwa mbere rwaunîka, cionanagia, atî ûthamaki wa mbere nîûkaagaûkana na vûrûri ûcio ûgîe na mothamaki mana, nwatî mothamaki mau mana matikethîrwa marî na vinya ta ûthamaki wa mbere.

Danieli 8:22 ပူးပေါင်းရင်းမြစ်များ

Danieli 11:4

Rîrîa akamaarîra wathanirî wake, vûrûri waku nîûgaatûkana na wîgaanie icunjî inya. Andû matarî a rûciaro rwake nîmagaatuîka athamaki vandûrî vake, nwatî matikethîrwa marî na ûvoti take.

Danieli 7:6

“Na wandoretie, nînoonire nyamû îngî. Nayo yekariî ta gîtang'a na yarî na mathagu mana mekariî ta ma gîconi mûrukuthurî wayo. Nyamû îo yarî na ciongo inya, na nîyaverwe wathani îgûrû rîa icio ciîngî.

Danieli 7:7

“Na wandoretie, nyamû ya kana nîyaumîrire. Nayo yarî ya kûmakania na ya magegania, nîûndû wa ûrîa yanenevete. Yarî na magego manene mûno ma cuuma. Nîyatamburûrangire nyamû icio ciîngî inuku, îgîcoka îgîikinyanga na magûrû mayo. Nyamû îo yarî ngûrani na nyamû icio ciîngî cionthe irîa noonete mbere yayo, nîûndû yarî na mvîa îkûmi.

Danieli 8:21

Nthenge nayo yonanagia ûthamaki wa Ngiriki. Naruo rûvîa rûraca rûrîa rûrî gatagatî ka ûthiû wayo rwonanagia mûthamaki wa kuo wa mbere.

Danieli 8:23

“ ‘Rîrîa mavinda ma mûthiia ma mothamaki mau magaakuvîvîria na makethîrwa mevîtie magatûra gacere, nî gûkaagîa na mûthamaki mûmîrîru, mwaganu na mûthaani.

Danieli 8:3

Vau rûtere rwa rûnjî nînoonire ndûrûme yarî na mvîa igîrî ndaca, nwatî rûvîa rûmwe rwarî rûraca gûkîra rûu rwîngî, na nîruo rwaumire vuva.

Danieli 8:8

“Nthenge nîyetîire mûno makîria. Nwatî vîndî îrîa yegucaga îrî na vinya mûno, rûvîa rwayo rûrîa rwarî rûnene nîrwaunîkire na vandûrî va ruo, mvîa ciîngî inya ciarî na vinya nîciaumîrire, wa rûvîa rûroretie mwene wa ruo.

Zakaria 6:1

Nînaroririe rîngî na ngîona kîoneki. Noonire ikaari inya cia mbarathi ikiumîra gatagatî ka irîma igîrî. Irîma icio ciarî cia cuuma ya gîcango.