Danieli 8:21 - ÎVUKU RÎA ÛVORO MWARO

²¹ Nthenge nayo yonanagia ûthamaki wa Ngiriki. Naruo rûvîa rûraca rûrîa rûrî gatagatî ka ûthiû wayo rwonanagia mûthamaki wa kuo wa mbere.

Danieli 8:21 ပူးပေါင်းရင်းမြစ်များ

Danieli 10:20

Nîwacokire akîmbûria atîrî, “Nîwîcî kîrîa gîtûmire mbûke kûrî we? Rîu nwanginya njoke ngarûe na mûraika wa vûrûri wa Perisi. Na narîkia kûthiî kûrûa nake, mûraika wa vûrûri wa Ngiriki nîakaaumîra.

Danieli 11:2

Na rîu nîngûkwîra ûvoro wa ma.” Mûraika nîwaugire atîrî, “Athamaki engî athatû nî makaatha Perisi. Nî gûgaaûka mûthamaki wa kana ûrîa ûkethîrwa arî mûtongu mûno gûkîra acio engî. Ûtonga ûcio wake nî ûkaamûvotithia kûtharîkîra ûthamaki wa Ngiriki.

Danieli 11:3

“Nîgûgaacoka kuumîre mûthamaki njamba ûrîa ûkaatha vûrûri mûnene na ekage wa ûrîa akwenda.

Danieli 2:39

Vuva waku, nîgûgaaûka ûthamaki wîngî ûtarî na vinya ta waku, na vuva wa ûcio, gûke ûthamaki wîngî wa kathatû. Ûthamaki ûcio wa kathatû ûkethîrwa ûrî wa gîcango, na ûkaatha nthî yonthe.

Danieli 7:6

“Na wandoretie, nînoonire nyamû îngî. Nayo yekariî ta gîtang'a na yarî na mathagu mana mekariî ta ma gîconi mûrukuthurî wayo. Nyamû îo yarî na ciongo inya, na nîyaverwe wathani îgûrû rîa icio ciîngî.

Danieli 8:20

“ ‘Ndûrûme îrîa wonire îrî na mvîa igîrî, yonanagia mothamaki maîrî, na nîmo: Media na Perisi.

Danieli 8:22

Mvîa inya irîa ciaumire rûvîa rwa mbere rwaunîka, cionanagia, atî ûthamaki wa mbere nîûkaagaûkana na vûrûri ûcio ûgîe na mothamaki mana, nwatî mothamaki mau mana matikethîrwa marî na vinya ta ûthamaki wa mbere.

Zakaria 9:13

Nîndûmîra Juda ta ûta wakwa, Efiraimu nîmûtuîte ta mîguî yakwa. Mue andû a Zayuni, anake enyu nîngaamatua ta rûviû rwakwa rwa njûra, makethîrwa mekariî ta rûviû rwa mbaara, rwa kûtharîkîra andû a Ngiriki.”