Danieli 8:19 - ÎVUKU RÎA ÛVORO MWARO

¹⁹ Nîwambîrire atîrî, ‘Taroria, nîngûkûmenyaithia maûndû marîa magekîka kuumana na marakara ma Ngai. Kîoneki kîu kîgiî mavinda ma mûthiia.

Danieli 8:19 ပူးပေါင်းရင်းမြစ်များ

Thaburi 102:13

Nîûkaarûngama na wîguîre îtûûra rîa Zayuni ntha, kavinda nî gakinyu ga kûrîguîra ntha, kavinda karîa kagîrîru nî gakinyu.

Danieli 11:27

Athamaki acio aîrî nîmagaacoka marîcanîre vamwe, nwatî wa oîrî makaaveenanagia na makathugundaga maûndû macûku megiî ûrîa wîngî. Nwatî gûtirî mûvango wanarî ûmwe ûkaavinga, nîûndû kavinda ka guo gatikeethîrwa karî gakinyu.

Danieli 12:4

Nwatî we, Danieli, vinga îvuku na ûrîkîre rûtumo, nginya kavinda ka mûthiia wa nthî. Andû eengî nî makaavinyûra ava na vaarîa na nî makoongerera ûûgî.

Danieli 8:23

“ ‘Rîrîa mavinda ma mûthiia ma mothamaki mau magaakuvîvîria na makethîrwa mevîtie magatûra gacere, nî gûkaagîa na mûthamaki mûmîrîru, mwaganu na mûthaani.

Habakuku 2:3

Kîoneki gîkî gîetererete vîndî îrîa mbagîrîru yakîo; nî kîoneki Kîam ma kîonanagia maûndû ma mûthiia. Ethîrwa nîmaronekana magîcererwa, meterere; nama nîmagûkinya na tîmacererwa.

Luka 21:23

Na kaî aka arîa makeethîrwa marî îvu kana makîongithia nîmakeethîrwa na thîna-î! Nîgûkaagîa na kîeva kînene gûkû nthî na marakara ma Ngai nîmagaakinyîra andû aya.

Kûguû 1:1

Îvuku rîîrî nî mûtaratara wa maûndû marîa Jesû Kristû aaguûririe. Ngai aamûveere kûguûrîrua gûkû, nîguo onie ndungata yake maûndû marîa maarî nwa nginya mekîke narua. Nake Kristû nîwatûmire mûraika wake akamenyithie ndungata yake Johana,

Kûguû 10:7

Nwatî kavinda karîa mûraika wa mûgwanja akaavuva karumbeta gake Ngai nîakaavingia mûvango wa nthitho yake, wata ûrîa aanîrîre kûrî ndungata ciake na nîcio arathi.”

Kûguû 11:18

Andû a ndûrîrî nîmaang'ûrîkire nîûndû îvinda nîrîkinyu rîa kwonania marakara maku, na îvinda rîa gûtuîra arîa akuû. Îvinda nîrîkinyu rîa kûva ndungata ciaku iveo na nîo arathi, andû arîa atheru, arîa onthe magwîtigagîra anene wa na arîa anini. Îvinda nîrîkinyu rîa kûûraga arîa macûkangagia nthî!”

Kûguû 15:1

Nînaacokire ngîona ûrirû wîngî mûnene na wa magegania ûrî îgûrû. Kwarî na araika mûgwanja maarî na ûvoti wa gûtûma nthî îgîe na mavera mûgwanja ma mûthiia. Namo makoonania mûthiia wa marakara ma Ngai.

Kûguû 17:17

Ngai nîatûmîte magîe na wendi wa kûvingia mworoto wake marî na ngoro îmwe. Na nîûndû wa ûguo nîmakaanenganîra vinya wao wa kwathana kûrî nyamû nginya rîrîa ciugo cia Ngai ikaavingua.