Danieli 7:18 - ÎVUKU RÎA ÛVORO MWARO

¹⁸ Nwatî andû a Ngai Ûrîa Ûrî Îgûrû mûno nîmakaavewa ûthamaki, na ûtûûre ûrî wao tene na tene.’

Danieli 7:18 ပူးပေါင်းရင်းမြစ်များ

Thaburi 45:16

We mûthamaki wakwa, nîûkaagîa na anake eengî, arîa magaatuîka athamaki vuva wa methe maku, na nîûkaamatua athamaki a nthî yonthe.

Thaburi 49:14

Mekaraga na magakua ta ng'ondu, gîkuû gîgaatuîka mûrîthi wao. Manyûrûrûkaga mbîrîrarî, kûu nîkuo mîîrî yao îkoorera, kwa arîa akuû gûgaatuîka mîciî yao.

Isaia 14:2

Andû a mavûrûri nîmagaatethereria andû a Isiraeli gûcoka vûrûrirî ûrîa maaverwe nî Ngai-Mûnene. Nao andû acio a mavûrûri nîmagaatungatagîra Aisiraeli marî ngombo. Arîa maatavîte Aisiraeli nîmagaatavwa nî Aisiraeli, na andû a Isiraeli nîmakaatha arîa maamavinyagîrîria.

Danieli 7:14

Nake nîwaverwe wathani, riiri, wana ûthamaki, nîguo andû a iruka cionthe, mavûrûri monthe, na nthiomi cionthe mamûtungatagîre. Wathani ndûkaathira rî kana rî, na ndûgaacûkangua.

Danieli 7:17

‘Nyamû icio inya nene ûguo, nî athamaki ana arîa makeyumîria gûkû nthî.

Danieli 7:22

Nake ûrîa ûtûûrîte tene na tene, nîwatuîrîre andû a Ûrîa Ûrî Îgûrû Mûno, na kavinda nîgaakinyire rîrîa andû a Ngai maamûkîre Ûthamaki.

Danieli 7:25

Ke nîakaaria maûndû macûku megiî Ngai Ûrîa Mûnene na avinyîrîrie andû a Ngai. Nîakaagarûra mawatho mao na irugo ciao, na andû acio nîmakaathwa nîke îvinda rîa mîaka îthatû na nuthu.

Danieli 7:27

Naguo ûthamaki na wathani, na ûnene wa mothamaki monthe ma nthî ûkavewa andû a Ngai Ûrîa mûnene, na ûthamaki wao ndûkaathira, na athamaki onthe a nthî nîmakaamathîkîra na mamatungatagîre.’

Obadia 1:17

“Nwatî kîrîmarî gîa Zayuni nîgûkethîrwa arîa makaavonokua, gûkethîrwa kûrî kûndû kûtheru. Andû a Jakovu nîmakegwatîra vûrûri ûrîa maacunîtwe ûtuîke wao kîûmbe.

Luka 1:33

Nake nîagaatuîka mûthamaki wa andû a Isiraeli tene na tene. Naguo ûthamaki wake ndûkaathira!”

1Akor 6:2

Anga mue mûtiîcî atî andû a Ngai nîo magaatuîra andû a nthî? Kwoguo ethîrwa mue nîmue mûgaatuîra andû a nthî, mue nîkwa mûtangîvota gûtua wana tûciira tûrîa tûnini?

Aefeso 1:3

Tigani tûkumie Ngai Îthe wa Mwathani wetû Jesû Kristû! Tûrî kîndû kîmwe na Kristû, Ngai nîatûrathimaga na irathimo cionthe cia kîîroho irîa irî îgûrû.

Aefeso 6:12

Nîûndû tûtirarûa na andû nwatî tûrarûa na maavinya macûku ma kîîroho marîa marî îgûrû rîerarî, na tûkarûa na monene na maavinya na athani a nduma a gûkû nthî.

Kûguû 20:4

Ngîcoka ngîona itî cia ûthamaki kûu îgûrû. Nao arîa maaciîkarîrîte nîmaaveetwe ûvoti wa gûtucanîra. Wana nînoonire mîoyo ya andû arîa maaûragirwe nîûndû nîmaanîrîre ûvoro wa Ngai na ûma ûrîa waguûrirue nî Jesû. Acio matianagooca nyamû kana mûvuanano wayo, na matianekîrwa rûûri rwa nyamû ûthiû kana njararî ciao. Andû acio nîmaagîre na mwoyo rîngî na makîathana marî athamaki vamwe na Kristû kavinda ka mîaka ngiri îmwe.

Kûguû 22:5

Gûtigacoka kûgîa na ûtukû, na matikethîrwa makîvatara taa kana ûtheri wa riûa, nîûndû Mwathani Ngai nîke ûkethagîrwa arî ûtheri wao. Na nîmakaathana marî athamaki tene na tene.

Kûguû 3:21

Arîa makaavootana, nîngaamava rûtha rwa gwîkara mwenarî wakwa gîtîrî gîakwa Kîam ûthamaki wata ûrîa wananie naavootanire na rîu mbîkarîte mwenarî wa Vava gîtîrî gîake Kîam ûthamaki.

Kûguû 5:10

We nîûmatuîte rûrîrî rwa athînjîri-Ngai a gûtungatîra Ngai na nîmakaathana gûkû nthî.”