Danieli 7:14 - ÎVUKU RÎA ÛVORO MWARO

¹⁴ Nake nîwaverwe wathani, riiri, wana ûthamaki, nîguo andû a iruka cionthe, mavûrûri monthe, na nthiomi cionthe mamûtungatagîre. Wathani ndûkaathira rî kana rî, na ndûgaacûkangua.

Danieli 7:14 ပူးပေါင်းရင်းမြစ်များ

Thaburi 102:22

rîrîa mavûrûri makaagomana vamwe, na mothamaki magomane nîguo magooce Ngai-Mûnene.

Thaburi 103:19

Ngai-Mûnene nîaigîte gîtî gîake Kîam ûthamaki kûu îgûrû, ke nî mûthamaki wa indo cionthe.

Thaburi 145:13

Ûthamaki waku ûtûûraga tene na tene, na wathani waku ûtûûraga kûrî njiarwa cionthe. Ngai-Mûnene nî mwîvokeku maûndûrî monthe marîa aragia, na nî mûtugi maûndûrî monthe marîa ekaga.

Thaburi 146:10

Ngai-Mûnene nîatûûra aathanaga, Ngai wenyu mue andû a Zayuni akathanaga vîndî cionthe. Kumiani Ngai-Mûnene!

Thaburi 45:6

Ûthamaki ûrîa Ngai akûvete nîûtûûra tene na tene. We wathaga andû aku na kîvooto;

Thaburi 72:11

Athamaki onthe nî makenamîrîria mothiû mbere yake; mavûrûri monthe nî makaamûtungatîra.

Thaburi 72:17

Rîîtwa rîa mûthamaki rîrotûûra rîririkanagwa tene na tene, ngumo yake îrotûûra vîndî rîrîa riûa rîgûtûûra rîaraga. Mavûrûri monthe marovoyaga Ngai amarathime, ta ûrîa arathimîte mûthamaki.

Thaburi 8:6

We nîwamûthuurire athage indo cionthe irîa waûmbire, nîwaigire indo cionthe irîa waûmbire rungu rwa wathani wake.

Isaia 16:5

mûndû wa rûciaro rwa Daudi nîagaatuîka mûthamaki; na nîakaatha andû na wîvokeku na wendo ûtathiraga. Ke agaatucanagîra ciira na kîvooto na waragania na ekage maûndû ma ûthingu.”

Isaia 60:12

Nwatî ndûrîrî kana ûthamaki ûrîa ûtagaagûtungatîra, nîkwa ikaathirua viû.

Isaia 9:6

Nîûndû nîtûciarîrîtwe kaana. Nîtûvetwe kaana ga kavîcî. Na nîkavetwe vinya wa kwathana. Gageetwa, “Mûtaarani wa Magegania, Ngai mwene vinya wonthe, Vava wa Tene na tene, Mûthamaki wa Thayû.”

Isaia 9:7

Wathani wake nîûkaathiî na mbere ûkînenevaga; vîndî cionthe ûkethagîrwa ûrî na thayû, na nîagaatuîka mûthamaki vuva wa Daudi. Nîakaaûrûngamia na aûmenyerere, akaathanaga na kîvooto na ûthingu, kuuma rîu nginya tene na tene. Ngai-Mûnene mwene vinya wonthe nîke ûkaavingia maûndû mama.

Danieli 2:35

Nayo cuuma, yûmba, gîcango, sîlûva na thaavu nîciaunîkangire tûcunjî, na igîtuîka ta mavûngo ma ngano îtîrirî vîndî ya riûa. Nîciagûrûkîrue nî rûkûngi cionthe, na gûtirî wa naarî gacunjî gaatigarire. Nwatî îthiga rîrîa rîaringire mûvuano ûcio, nîrîatuîkire kîrîma kînene na gîgîcûra nthî yonthe.

Danieli 2:37

We Mûthamaki wa athamaki, Ngai wa îgûrû nîke ûgûtuîte Mûthamaki na agakûva ûvoti, vinya na riiri.

Danieli 2:44

Îvinda rîu rîa athamaki acio, Ngai ûrîa wî îgûrû nîakaarûngamia ûthamaki ûtakaathira. Ûthamaki ûcio ndûkaavotwa, na nîûgaacûkangia mothamaki mau mengî monthe mathire viû, ûcoke ûtûûre wathanaga tene na tene.

Danieli 3:4

Nake mûnjaama wa mûthamaki nîwathiîre akîanagîrîra na mûgambo mûnene atîrî, “Andû a mavûrûri monthe, iruka cionthe na nthiomi cionthe!

Danieli 4:3

Ciama ciake nî nene na morirû make marî vinya mûno. Ûthamaki wake nî wa tene na tene na nîatûûra athanaga njiarwa na njiarwa.

Danieli 6:26

Nînathana nauga atî kûrîa kuonthe ûthamaki wakwa ûkinyîte, nwanginya andû onthe metigagîre na matîage Ngai wa Danieli. Nîûndû ke nî Ngai wî mwoyo na ûtûûraga tene na tene. Ûthamaki wake ndûkaathira rî kana rî na nîatûûra athanaga tene na tene.

Danieli 7:18

Nwatî andû a Ngai Ûrîa Ûrî Îgûrû mûno nîmakaavewa ûthamaki, na ûtûûre ûrî wao tene na tene.’

Danieli 7:27

Naguo ûthamaki na wathani, na ûnene wa mothamaki monthe ma nthî ûkavewa andû a Ngai Ûrîa mûnene, na ûthamaki wao ndûkaathira, na athamaki onthe a nthî nîmakaamathîkîra na mamatungatagîre.’

Obadia 1:21

Andû arîa magaatigara marî mwoyo nîmakaathiî kîrîmarî gîa Zayuni, nao nîmakaathaga kîrîma gîa Esaû, Nake Ngai-Mûnene nîke ûgaatuîka mûthamaki.”

Mika 4:7

Andû acio ithua nîo magatigara marî mwoyo, nao arîa maavirirwe îthamîriorî matuîke rûrîrî rûrî na vinya. Nanie nîngaamathaga nîrî kîrîmarî gîa Zayuni kuuma vîndî îo nginya tene na tene.”

Mathaayo 11:27

“Vava nîamvete indo cionthe; gûtirî mûndû wîcî mûriû tiga Vava. Na gûtirî mûndû wîcî Vava tiga Mûriû na arîa Mûriû endaga kûmaguûrîria.

Mathaayo 28:18

Nake Jesû nîwathiîre vakuvî nao na akîmeera atîrî, “Nie nîrî mûve wathani wonthe gûkû nthî wana îgûrû.

Luka 1:33

Nake nîagaatuîka mûthamaki wa andû a Isiraeli tene na tene. Naguo ûthamaki wake ndûkaathira!”

Luka 10:22

“Vava nîmûnengeru maûndû monthe. Gûtirî mûndû wana ûmwe wîcî Mûriû tiga Îthe, na gûtirî mûndû wana ûmwe wîcî Vava tiga Mûriû na andû arîa Mûriû endaga kûmenyithia ke nû.”

Johana 12:34

Nakîo kîrîndî nîgîacokirie atîrî, “Watho wetû ûtwîraga atî Mesaya agaatûûra tene na tene. Kûngîvoteka atîa ûtwîre atî Mûrû wa Mûndû nwa nginya ambatue? Mûrû wa Mûndû ûcio nû?”

Johana 3:35

Îthe nîwendete Mûriû wake na nîatûmîte agîe na wathani îgûrû rîa maûndû monthe.

Ahib 12:28

Kwoguo nîtwagîrîrwe nî gûcokia ngatho, nîûndû nîtwamûkagîra ûthamaki ûrîa ûtanginainua. Nîtûcokie ngatho na tûgooce Ngai na njîra îrîa îngîmûkenia tûrî na gîtîîo na kûmwîtigîra,

1Pet 3:22

ûrîa waunûkirie îgûrû na rîu ekaraga mwena wa ûrîo wa Ngai. Kûu Jesû nîwathaga araika onthe, wa vamwe na maroho marîa mathanaga na marî vinya.

Kûguû 1:6

na nîwatûtuire rûrîrî rwa athînjîri-Ngai a gûtungatîra Ngai ûrîa Îthe wake. Riiri na vinya irogîa kûrî Jesû Kristû tene na tene! Ameni.

Kûguû 11:15

Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”

Kûguû 17:14

Athamaki acio na nyamû nîmakaarûa na Gatûrûme. Nake Gatûrûme arî vamwe na arîa Ngai etîte, akamathuura na nî arûmîrîri evokeku, nî akaamavoota, nîûndû ke nî Mwathani wa aathani na Mûthamaki wa athamaki.”

Kûguû 3:21

Arîa makaavootana, nîngaamava rûtha rwa gwîkara mwenarî wakwa gîtîrî gîakwa Kîam ûthamaki wata ûrîa wananie naavootanire na rîu mbîkarîte mwenarî wa Vava gîtîrî gîake Kîam ûthamaki.