Danieli 7:13 - ÎVUKU RÎA ÛVORO MWARO

¹³ “Ûtukû vîndî îrîa naarî na kîoneki kîu, nînoonire mûndû wekariî ta mûriû wa mûndû aûkîte arî matuurî îgûrû, na akîthiî kûrî ûrîa wîthîrîtwe atûûrîte tene na tene, na akîviravirwa vakuvî nake.

Danieli 7:13 ပူးပေါင်းရင်းမြစ်များ

Thaburi 110:2

Ngai-Mûnene nîagaatûma ûthamaki waku ûneneve kuuma Zayuni. Augîte atîrî, “Ûkaathanaga ûrî gatagatî ka nthû ciaku.”

Thaburi 2:8

Mbîtia mavûrûri monthe ma nthî na nî ngûkûva, nthî yonthe nîîtuîka yaku.

Thaburi 47:5

Ngai nîaunûkîtie athiîte gîtîrî gîake Kîam ûthamaki, arakûngûîrwa na gîkeno na tûrumbeta tûkîvuvagwa.

Jeremia 49:19

Taroria, wata ûrîa mûnyambû umagîra mûtitûrî wa rûnjî rwa Njorodani, na ûgatonya ndîthiarî mbaro ya ng'ondu, nwataguo ngengata andû a Edomu wa rîmwe kuuma vûrûrirî wao. Nîngaiga mûtongoria wa ûrîa ngathuura kuo. Nîûndû, nû ûngîringithanua nanie? Nû ûngînjirithia? Nî mûrîthi ûrîkû ûngîregana nanie?

Ezek 1:26

Îgûrû rîa mûtambarûko ûcio nînonire kîndû gîekariî ta gîtî Kîam ûnene Kîam rangi wa erûû. Na ûrîa wekarîrîte gîtî kîu ekariî ta mûndû.

Danieli 2:44

Îvinda rîu rîa athamaki acio, Ngai ûrîa wî îgûrû nîakaarûngamia ûthamaki ûtakaathira. Ûthamaki ûcio ndûkaavotwa, na nîûgaacûkangia mothamaki mau mengî monthe mathire viû, ûcoke ûtûûre wathanaga tene na tene.

Danieli 7:12

Nyamû icio ciîngî nîciacunirwe itî ciacio cia ûthamaki nwatî nîcietîkîrirue ithiî na mbere gûtûûra gwa kavinda kanini.

Danieli 7:2

Aandîkire atîrî, “Ûtukû nîmonire kîoneki Kîam ngûngi inya ikîvurutana îgûrû rîa îria rîrîa rînene na ikîriunjuga.

Danieli 7:22

Nake ûrîa ûtûûrîte tene na tene, nîwatuîrîre andû a Ûrîa Ûrî Îgûrû Mûno, na kavinda nîgaakinyire rîrîa andû a Ngai maamûkîre Ûthamaki.

Danieli 7:9

“Ndoretie wa ûguo, nînoonire itî cia ûthamaki ikigwa vandû va cio. Nake ûrîa wîthîrîtwe atûûrîte tene na tene nîwekarîre gîtî kîmwe. Nguo ciake ciacerûvîte ta îra, nacio njuîrî ciake cia kîongo ciacerûvîte ta guoya wa ng'ondu. Gîtî gîake Kîam ûthamaki Kîamrî na nthugû ciavenagia ta nînîmbî cia mwaki.

Danieli 8:15

“Rîrîa nie Danieli, noonire kîoneki, na rîrîa naageragia gûgîtaûra, wa rîmwe kîûmbe gîekariî ta mûndûmûrûme nîkîaumîrire na gîkîrûngama mbere yakwa.

Mathaayo 13:41

Mûrû wa Mûndû nîagaatûma araika ake makaûnganie andû onthe arîa matûmaga andû mevie na arîa aganu nîguo maume ûthamakirî wake.

Mathaayo 24:30

Nakîo kîmenyithia gîa gûka kwa Mûrû wa Mûndû nîgîkeyumîria matuurî. Nao andû onthe a nthî nîmakaarîra moona Mûrû wa Mûndû agîûka arî ndaarî ya matu ma îgûrû, arî na vinya na riiri mwîngî.

Mathaayo 25:31

“Vîndî îrîa Mûrû wa Mûndû agaacoka arî Mûthamaki, na arî na araika ake onthe, nîagekarîra gîtî gîake Kîam ûthamaki.

Mathaayo 26:64

Nake Jesû nîwamwîrire atîrî, “We nîwauga guo. Nwatî nîramwîra atîrî muonthe; kuuma rîu nîmûkwona Mûrû wa Mûndû ûrîa wîkaraga mwena wa ûrîo wa Ngai Mwene Vinya na mwone agîûka arî matuurî ma îgûrû!”

Mathaayo 28:18

Nake Jesû nîwathiîre vakuvî nao na akîmeera atîrî, “Nie nîrî mûve wathani wonthe gûkû nthî wana îgûrû.

Mathaayo 8:20

Nake Jesû nîwamûcokerie atîrî, “Mbwe irî na marima, na iconi irî na ciomba, nwatî Mûrû wa Mûndû ndarî na vandû angîvuurûka.”

Maariko 13:26

Nake Mûrû wa Mûndû nîakoonekana agîûka arî matuurî, na arî na vinya nyîngî na riiri.

Luka 21:27

Nake Mûrû wa Mûndû nîagaacoka onekane agîûka arî îtuurî na arî na vinya na riiri.

Luka 21:36

Îkaragani mwîvarîrîtie vingo cionthe na mûkîvoyaga, nîguo mûgîe na vinya wa kûmîrîria maûndû monthe marîa marî vakuvî gwîkîka, na mûgîe vinya wa kûrûngama mbere ya Mûrû wa Mûndû.”

Luka 24:27

Jesû nîwacokire akîmeereithia maûndû marîa mamwîgiî na maarîtue Mandîkorî Matheru, kwambîrîria na mavuku ma Musa nginya marîa maandîkirwe nî arathi onthe.

Johana 12:34

Nakîo kîrîndî nîgîacokirie atîrî, “Watho wetû ûtwîraga atî Mesaya agaatûûra tene na tene. Kûngîvoteka atîa ûtwîre atî Mûrû wa Mûndû nwa nginya ambatue? Mûrû wa Mûndû ûcio nû?”

Johana 3:13

Gûtirî mûndû wanathiî îgûrû tiga Mûrû wa Mûndû ûrîa wanyûrûrûkire kuuma îgûrû.

Johana 5:27

Nake Vava nîavete Mûriû rûtha rwa gûtuîra andû ciira, nîûndû ke nî Mûrû wa Mûndû.

Ciîko 7:56

Nake nîwaugire atîrî, “Ta roriani! Nie nînîrona îgûrû rîvingûkîte na Mûrû wa Mûndû arûngamîte mwena wa ûrîo wa Ngai!”

1Ath 4:17

Vuva wa ûguo, tue arîa tûkethîrwa tûrî mwoyo nîtûgaacokanîrîra vamwe nao matuurî nîguo tûtûnge Mwathani rîerarî. Kwoguo tûgatûûraga na Mwathani tene na tene.

1Tim 6:16

Ke nîke tu ûtakucaga. Atûûraga ûtherirî ûtangîkuvîvîrua nî mûndû. Gûtirî mûndû wanamwona na gûtirî mûndû ûngîvota kûmwona. Ke arotîîwa na agîe na wathani ûrîa ûtathiraga! Ameni.

Ahib 2:14

Nîûndû ciana ino nî andû marî na mwîrî na nthakame, Jesû ke mwene nîwatuîkire mûndû wata o. Aatuîkire mûndû nîguo na njîra ya gîkuû gîake, athirie vinya wonthe wa Ngoma îrîa îthagîrwa îrî na ûvoti îgûrû rîa gîkuû.

Ahib 9:24

Nîûndû Kristû ndaatonyire Vandû Vatheru vatumîtwe na njara cia andû, na nîvo mûvuano wa vandû varîa va ma. Kristû aatonyire îgûrû kuo kwene. Kûu nîkuo arûngamîte mbere ya Ngai vandûrî vetû.

Kûguû 1:13

Gatagatîrî ka yo kwarî kîndû kîoonekaga kîvuana ta mûndû, ekîrîte nguo ndaca yakinyîte nyarîrî. Na kîthûrirî gîake aarî na mûcivi warî na rangi ya thaavu.

Kûguû 1:18

Nie nînie ûrîa ûrî mwoyo! Nie nînaakuîte, nwatî rîu nîrî mwoyo tene na tene. Nie nîrî na ûvoti îgûrû rîa gîkuû na vûrûri wa arîa akuû.

Kûguû 1:7

Taroria, ke nî aûkîte arî matuurî! Andû onthe nîmakaamwona, wana arîa maamûmundire. Andû onthe a nthî nîmakaarîra maugîrîrîtie nîûndû wake. Ûguo nîguo gûgaatuîka. Ameni!

Kûguû 14:14

Nie nînaacokire ngîroria na ngîona îtu rîcerû. Na vau îtuurî rîu rîcerû nîveekarîte kîndû gîekariî ta mûndû. Kîndû kîu Kîamvuana ta mûndû, Kîamrî na ngovia ya thaavu kîongo, na njararî yakîo nîkîagwete kaviû ga gûketha.