Danieli 6:4 - ÎVUKU RÎA ÛVORO MWARO

⁴ Nao arûngamîrîri acio engî na anene a thirikari nîmambîrîrie gûcaria ûndû mangîcuka Danieli naguo wîgiî wîra wake wa kûrûngamîrîra vûrûri. Nwatî mationa ûndû mangîmûcuka naguo, kana îvîtia wana rîmwe nîûndû Danieli aarî mûndû mwîvokeku na gûtirî îvîtia kana ûndû mûcûku ekîte.

Danieli 6:4 ပူးပေါင်းရင်းမြစ်များ

Kîam 41:38

na akîra ndungata icio atîrî, “Nwatwone mûndû wîngî mwaro ta ûyû ûrî na Roho wa Ngai ndaarî yake?”

Kîam 43:18

Andû acio nîmaamakire mûno mavirwa kwa Josefu mûciî. Meeciragia atîrî, “Tûravirwa na gûkû nîûndû wa mbeca irîa ciacokirue nguniarî cietû vîndî ya mbere. Arenda gûtuîria mavîtia metû atûtharîkîre na oce mvunda cietû, acoke atûtue ngombo ciake.”

Nthi 29:27

Andû arîa athingu nî mathûrîte arîa aganu, nao andû arîa aganu nî mathûrîte arîa athingu.

Mûvunjia 4:4

Nînacokire ngîmenya atî andû marutaga wîra na vinya nîûndû wa wîru wa andû arîa engî. Ûcio wanaguo nî wîra wa mana na nî ta kûvinyûrania na rûkûngi.

Jeremia 18:18

Nao andû nîmaacokire makiuga atîrî, “Ûkani tûvange ûrîa tûkûraga Jeremia. Tûtigatura athînjîri-Ngai a gûtûthomithia kana andû aûgî a gûtûtaara na arathi a kwanîrîra ndûmîrîri ya Ngai-Mûnene. Ûkani tûmûthitange na ciugo ciake ke mwene na tûtikathikîrîrie ûrîa arauga.”

Jeremia 18:23

Nwatî we Ngai-Mûnene nîwîcî mîvango yao yonthe ya kûmbûraga, ndûkamarekere maûndû mao macûku, kana ûthirie wîvia wao methorî maku. Tiga magwe nthî mbere yaku, marive ûrî na marakara.

Jeremia 20:10

Mbîgucaga andû engî makîaria na kîvwe, makiugaga atî: “Guoya ûrî kûndû kuonthe!” Engî marauga: “Nîtûmûthitange! Nîtûmûthitange!” Wana arata akwa onthe arîa mambicî waro metererete kwona ngîgwa. Marauga atî: “Nwa kûvoteke aveenue, tûcoke tûmûvoote na twîrîvîrîrie.”

Jeremia 29:7

Caragiani thayû wa îtûûra rîrîa natûmire mûthamîrue na mûvoyage Ngai-Mûnene nîûndû warîo, nîûndû maûndû mao nîmagûtuîka maro.

Danieli 3:8

Vîndî wa îo andû amwe a Babuloni nîmaathiîre kûrî mûthamaki Nebukadinezarû na makîthitanga Ayahudi.

Danieli 5:12

Ke arî na ûvoti wa mwanya na wara mwîngî wa gûtaûra iroto, gûtaûra ndaî, na arî na ûvoti wa kûthiria mathîna. Rîîtwa rîa mûndû ûcio nî Danieli, nwatî mûthamaki aamwîtire Baliteshazaru. Mwîte na nîagûgûtaûrîra mandîko mama.”

Danieli 6:22

Ngai wakwa nîatûmire mûraika avinge mînyambû tûnyua nîguo ndîkanjûkangie. Ekire ûguo nîûndû ndianamûvîtîria kana ngûvîtîria we mûthamaki wetû.”

Mathaayo 26:4

na makîvanga ûrîa makûnyita Jesû na nthitho nîguo mamûûrage.

Mathaayo 27:18

Pilato nîwecî waro atî atongoria a Ayahudi maanenganîrîte Jesû kûrî ke nîûndû maarî na rwetho.

Luka 20:20

Kwoguo nîmaacaririe kamweke na makîvaka andû amwe nîguo metue athingu na makîmatûma magatuîrie ûrîa Jesû aaugaga na njîra ya ciûria nîguo mavote kûmûnenganîra kûrî mûnene ûrîa wamaathaga.

Luka 20:26

Nao matiavota kûmûgwatithia na mîario îrîa aarîtie arî mbere ya andû. Kwoguo nîmaamakire na magîkira kivi.

Luka 22:2

Nao anene a athînjîri-Ngai, arimû a Watho, nîmaatuîragia ûrîa mangîûragithia Jesû na nthitho, nîûndû nîmeetigagîra andû.

Johana 19:4

Nake Pilato nîwaumire nja rîngî na akîra Ayahudi atîrî, “Tathikîrîriani, nie nauga aindwe ava nja nîguo mûmenye atî nie ndirona îvîtia rîrîa mûndû ûyû ekîte.”

2Akor 11:12

Nîngûthiî na mbere gwîka ûrîa nîreka rîu nîguo ndûme acio engî mareîta “atûmwa a mwanya” matikagîe na gîtûmi gîa gwîtîîa. Metîîaga makiugaga atî marutaga wîra na njîra wata îrîa tue tûrutaga.

Afil 2:15

Nîguo mwîthagîrwe mûrî ciana cia Ngai nginyanîru ntheru na itarî na ûcuke, irîa itûûraga nthî îno îrî na andû aganu na evia. Mûrî gatagatîrî ka andû acio, nwanginya mûkengage ta njata irîa ikengaga matuurî,

1Tim 5:14

Kwoguo nîrona kwagîrîrîte aka a ndigwa arîa ethî mavike, magîe na ciana na mamenyerere mîciî yao. Meka ûguo, nthû cietû itikaagîa na kamweke ga gûtûruma.

Tito 2:8

Aragia ûvoro wa ma ûrîa ûtangîrutwa mavîtia nîguo arîa mareganaga nawe maconokage nîûndû matirî na ûndû mangîtûthitanga naguo.

1Pet 2:12

Mîtugo yenyu yagîrîrwe nî kwîthagîrwa îrî mîaro gatagatî ka andû arîa matetîkîtie, nîguo mangiuga mûrî evia magaacokaga kwona ciîko cienyu mbaro. Nao nîmagaakumia Ngai mûthenya ûrîa agaaûka.

1Pet 3:16

Nwatî îkagani ûguo mûrî na ûvoreri na gîtîîo. Îthagîrwani mûrî na thamiri ntheru, nîguo andû arîa maragia ûndû mûcûku ûmwîgiî nîûndû nîmûrûmagîrîra Kristû, maconokage.

Atir 14:4

Aciari a Samusoni matiamenyaga atî nî Ngai-Mûnene wendaga Samusoni eke ûguo. Ngai-Mûnene aacaragia kanya ga kûvûûra Afilisiti. Vîndî îo Afilisiti nîo maathaga Aisiraeli.

1Sam 12:4

Nao andû nîmaacokirie na makiuga atîrî, “Naarî, we ndwanatûveenia kana ûtûkinyîrîria; we ndwanoca wanarî kîndû kuuma kûrî mûndû wanarî ûmwe.”

1Sam 18:14

na nîwavootanaga maûndûrî marîa monthe eekaga, nîûndû Ngai-Mûnene aarî vamwe nake.

1Sam 22:14

Ahimeleku nîwacokerie mûthamaki atîrî, “Daudi nîke ndungata îrîa îîvokekete mûno gatagatîrî ka ndungata ciaku cionthe! Ke nî mûthoniguo, nîke mûnene wa athigari arîa makûrangagîra na nîatîîtwe mûno nî andû onthe a nyomba yaku.