Danieli 6:26 - ÎVUKU RÎA ÛVORO MWARO

²⁶ Nînathana nauga atî kûrîa kuonthe ûthamaki wakwa ûkinyîte, nwanginya andû onthe metigagîre na matîage Ngai wa Danieli. Nîûndû ke nî Ngai wî mwoyo na ûtûûraga tene na tene. Ûthamaki wake ndûkaathira rî kana rî na nîatûûra athanaga tene na tene.

Danieli 6:26 ပူးပေါင်းရင်းမြစ်များ

Ezira 1:3

Ngai nîekare namue muonthe arîa mûrî ake. Thiîni Jerusalemu nîguo mûgatumîre Ngai-Mûnene, Ngai wa andû a Isiraeli hekarû rîngî. Ngai ûcio nîke ûgoocagîrwa Jerusalemu.

Ezira 7:21

“Nînatha anene onthe a mûthithû wa vûrûri wa mwena wa îthûîro wa Rûnjî rwa Farati atî kîndû wa kîonthe kîrîa Ezira mûthînjîri-Ngai na mûndû ûrî na ûûgî wa watho wa Ngai wa îgûrû angîvatara avewe wa rîmwe.

Thaburi 119:120

Nînîrainaina nîûndû wa gûgwîtigîra; na nînîregua guoya wa matuîro maku.

Thaburi 146:10

Ngai-Mûnene nîatûûra aathanaga, Ngai wenyu mue andû a Zayuni akathanaga vîndî cionthe. Kumiani Ngai-Mûnene!

Thaburi 2:11

Goocagani Ngai-Mûnene na gîtîîo mûkinainaga,

Thaburi 29:10

Ngai-Mûnene nîke wathaga îria, ke atûûraga arî mûthamaki tene na tene.

Thaburi 42:2

Nînyonderete Ngai, Ngai ûrîa ûtûûraga mwoyo. Ngaakinya gwake rî mone ûthiû wake?

Isaia 66:2

Nie mwene nînie naûmbire indo ino cionthe, na kwoguo indo ino cionthe nî ciakwa. Nwatî mûndû ûrîa ûngenagia, nî ûrîa wînyivagia na wîrirîte, ûrîa ûndîîte na ûmbathîkagîra.

Isaia 9:7

Wathani wake nîûkaathiî na mbere ûkînenevaga; vîndî cionthe ûkethagîrwa ûrî na thayû, na nîagaatuîka mûthamaki vuva wa Daudi. Nîakaaûrûngamia na aûmenyerere, akaathanaga na kîvooto na ûthingu, kuuma rîu nginya tene na tene. Ngai-Mûnene mwene vinya wonthe nîke ûkaavingia maûndû mama.

Jeremia 10:10

Nwatî Ngai-Mûnene nîke Ngai wa ma, nî Ngai ûrîa ûtûûraga mwoyo na nî mûthamaki wa tene na tene. Angîrakara nthî nîîthingithaga, na ndûrîrî itingîûmîrîria marakara make.

Danieli 2:44

Îvinda rîu rîa athamaki acio, Ngai ûrîa wî îgûrû nîakaarûngamia ûthamaki ûtakaathira. Ûthamaki ûcio ndûkaavotwa, na nîûgaacûkangia mothamaki mau mengî monthe mathire viû, ûcoke ûtûûre wathanaga tene na tene.

Danieli 3:29

“Kwoguo nie nathana atî mûndû wana ûrîkû kuuma iruka cionthe, mavûrûri monthe, wana andû a nthiomi cionthe arîa mangîaria ûndû wa kûmenereria Ngai wa Shadiraka, Mîsheki na Abedinego, agaatemangwa icunjî na nyomba ciao ciomomorangwe; nîûndû gûtirî ngai îngî îngîvota kûvonokania ûguo.”

Danieli 4:3

Ciama ciake nî nene na morirû make marî vinya mûno. Ûthamaki wake nî wa tene na tene na nîatûûra athanaga njiarwa na njiarwa.

Danieli 4:34

Mîaka mûgwanja yathira, nie mûthamaki Nebukadinezarû nînaroririe îgûrû kûrî Ngai na ngîcokerwa nî ûgima wa meciria na ngîambîrîria kûgooca Ngai ûrîa wî îgûrû mûno; nînaamûkumirie na ngîmûva gîtîîo na riiri, ûcio ûtûûraga tene na tene nîûndû: Nîatûûra athanaga tene na tene naguo wathani wake ûgaakinyagîra njiarwa na njiarwa.

Danieli 6:20

Rîrîa aakuvîvîrie îrima, nîwetire Danieli arî na kîeva kîngî mûno na akîmwîra atîrî, “Ûûi Danieli, ndungata ya Ngai ûrîa ûtûûra mwoyo! Ngai ûrîa ûtungatagîra wa mûthenya nîaravotire gûgûtethûra kûrî mînyambû?”

Danieli 7:14

Nake nîwaverwe wathani, riiri, wana ûthamaki, nîguo andû a iruka cionthe, mavûrûri monthe, na nthiomi cionthe mamûtungatagîre. Wathani ndûkaathira rî kana rî, na ndûgaacûkangua.

Danieli 7:27

Naguo ûthamaki na wathani, na ûnene wa mothamaki monthe ma nthî ûkavewa andû a Ngai Ûrîa mûnene, na ûthamaki wao ndûkaathira, na athamaki onthe a nthî nîmakaamathîkîra na mamatungatagîre.’

Hosea 1:10

Nwatî andû a Isiraeli nîmakengîva ta mûthanga ûrîa ûrî îriarî ûrîa ûtangîthimîka kana ûtarîka; navo varîa Ngai-Mûnene amerire, “Mue mûtirî andû akwa” nîagaacoka ameere, “Mue mûrî ciana cia Ngai mûtûûra mwoyo.”

Malaki 3:6

“Nie Ngai-Mûnene ndicenjagia. Kwoguo mue andû a rûciaro rwa Jakovu, mûtirî acûkangie mûkathira.

Mathaayo 6:13

Ndûgatûvire mageriorî, nwatî ûtûvonokie kuuma kûrî Ûrîa Mûcûku.’

Luka 1:33

Nake nîagaatuîka mûthamaki wa andû a Isiraeli tene na tene. Naguo ûthamaki wake ndûkaathira!”

Luka 12:5

Nie nîngûmwonia ûrîa mwagîrîrwe nî gwîtigîra. Îîtigagîreni Ngai ûrîa wîthagîrwa arî na ûvoti wa kûûraga mûndû na akamwikia îcuarî. Nîramwîra na ma atî, ûcio nîke mwagîrîrwe nî gwîtigîra!

Ciîko 17:25

Ke mwene nîke ûvecanaga mwoyo, mîvevû na indo cionthe irîa andû mavataraga. Ke ndethagîrwa akîvatara ûtethio wana ûrîkû kuuma kûrî o, nîûndû ethagîrwa arî na indo cionthe irîa avataraga.

Aroma 9:26

Na vandû varîa meerîrwe atî, ‘Mue tîmue andû akwa,’ vandû wa vau nwa vo mageetîrwa, ‘Ariû a Ngai ûrîa ûtûûraga mwoyo.’ ”

Gûco 5:26

Kûrî mûndû wanegua mûgambo wa Ngai ûrîa ûtûûraga mwoyo akîaria arî mwakirî ta ûrîa twîguîte na agatûûra mwoyo?

1Ath 1:9

Andû acio onthe maragia ûvoro wîgiî ûrîa mwatûnyitire ûgeni rîrîa twamûceerere. Nîmaragia ûvoro wîgiî ûrîa mwagarûrûkîre Ngai na mûgîtiga kûvoya mîvuanano nîguo mûtungatîre Ngai ûrîa wa ma na ûtûûraga Mwoyo.

Ahib 12:29

nîûndû Ngai wetû nî mwaki ûrîa ûvîvagia ûkathiria.

Jakuvu 1:17

Gîîko wa kîonthe Kîamro na kîveo wa kîonthe gîkinyanîru kiumaga îgûrû. Kînyûrûrûkaga kiumîte kûrî Ngai mûmbi wa motheri ma îgûrû, ûrîa ûtagarûrûkaga ta iruru cia motheri ma îgûrû.

Kûguû 11:15

Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”

Kûguû 4:10

athuuri arîa mîrongo îîrî na ana nîmegwîthagia nthî mbere ya ûcio wîkarîrîte gîtî Kîam ûthamaki na makagooca ûcio ûtûûraga tene na tene. Nao nîmaigaga nthûmbî ciao nthî vau mbere ya gîtî kîu Kîam ûthamaki na makauga atîrî:

Kûguû 5:14

Nacio ciûmbe inya irîa irî mwoyo nîciacokirie atîrî, “Ameni!” Nao athuuri nîmeegwîthirie nthî na makîgooca.

1Sam 17:26

Daudi nîwaûririe andû arîa maarî vakuvî nake atîrî, “Mûndû ûrîa ûkaaûraga Mûfilisiti ûyû na athengutîrie Isiraeli gîconoko gîkî-rî, akaavewa ndûî? Mûfilisiti ûyû ûtarî mûruu nîkwa arî ûrîkû ke atî nîguo anyararithie athigari a Ngai ûrîa ûtûûraga mwoyo?”

1Sam 17:36

Nîmbûragîte mînyambû na ngatûnyi, na ûguo nwaguo ngwîka Mûfilisiti ûyû ûtarî mûruu ûrîa ûnyararithîtie athigari a Ngai ûrîa ûtûûraga mwoyo.