Danieli 6:10 - ÎVUKU RÎA ÛVORO MWARO

¹⁰ Rîrîa Danieli amenyire atî watho nîwekîrwa kîrore nî mûthamaki, nîwathiîre nyomba gwake na agîtwa ngorovarî akîthiî kanyombarî karîa kaarî na ndirica cierekerete Jerusalemu. Wata ûrîa aamenyerete, nîwaturirie maru na akîambîrîria kûvoya na gûcokia ngatho kûrî Ngai maita mathatû wa mûthenya.

Danieli 6:10 ပူးပေါင်းရင်းမြစ်များ

1Atha 8:30

Thikagîrîria mavoya makwa vamwe na mavoya ma andû aku vîndî îrîa magûkûvoya marî hekarûrî îno. Tûthikîrîrie na ûtûovere ûrî îgûrû kûu ûtûûraga.

1Atha 8:38

ûkaathikîrîria mavoya mao. Mûndû wa wonthe kana andû aku a Isiraeli mangîgaakûthaitha wa mûndû atambarûkîtie njara ciake erekerete hekarûrî îno nîûndû wa kwîgua kîeva ngororî ciao,

1Atha 8:44

“Rîrîa ûkaatha andû aku mathiî makarûe na nthû ciao na makûvoye marî wa kûrîa kuonthe makethîrwa marî, merekerete îtûûra rîîrî we ûthuurîte vamwe na hekarû îno îtanîtue nawe,

1Atha 8:54

Solomoni arîkia kûvoya Ngai-Mûnene, nîwaûkîrire vau mbere ya metha ya kîgongoona varîa aaturîtie maru ambararîtie njara na îgûrû.

2Maû 6:13

(Solomoni nîwatumîte vandû vatûgîru va gîcango gatagatî ga kîvaro. Ûraca wa vo warî mita igîrî na cendimita mîrongo îîrî (2.20), wariî wa mita igîrî na cendimita mîrongo îîrî (2.20) na ûraca na îgûrû wa mita îmwe na cendimita mîrongo îthatû (1.30). Nake nîwatwîre na agîturia maru vo andû onthe a Isiraeli arîa maagomanîte makîonaga. Nîwacokire agîûkîrîria njara ciake na îgûrû)

2Maû 6:38

ethîrwa nama nîmakerira na kinyi marî vûrûri ûcio mûgeni na mavoe merekerete vûrûri ûrîa waveere methe mao, îtûûra rîîrî ûthuurîte na hekarû îrîa ndumîte îtanîtue na rîîtwa rîaku,

Ezira 9:5

Rîrîa kavinda gaakinyire ka îgongoona rîa kîvwaî, nînaûkîrire ngiuma varîa nekarîte nthî nîrî na kîeva. Nîrî na nguo icio ndembûkangu, nînaturirie maru nîguo mvoe na ngîûkîrîria njara ciakwa na îgûrû kûrî Ngai-Mûnene, Ngai wakwa.

Nehemia 6:11

Nînaamûcokerie atîrî, “Mûndû tanie anga nwa aûre? Mûndû tanie nwa athiî kwîthitha hekarûrî atî nîguo avonokie mwoyo wake? Tî nthiî kuo.”

Thaburi 34:1

Ngaacokagîria Ngai-Mûnene ngatho vîndî cionthe, nîndûûra nîmûkumagia.

Thaburi 5:7

Nwatî nîûndû wa wendo waku ûtathiraga, nwa ndonye nyombarî yaku, ngûgooce nîrî hekarûrî yaku ntheru, na ngakwînamîrîra na gîtîîo.

Thaburi 55:17

Nîmûkayagîra na ngamûrîrîra kîraûko, mûthenya na ûtukû, na akegua mûgambo wakwa.

Thaburi 86:3

We nîwe Ngai wakwa, kwoguo mbîguîra ntha, nîûndû nîwe ngaagîra vîndî cionthe.

Thaburi 95:6

Ûkani tûmwînamîrîre na tûmûgooce, tûturie maru mbere ya Ngai-Mûnene, ûrîa watûmbire.

Danieli 6:13

Nîmaacokire makîra mûthamaki atîrî, “Danieli, ûmwe wa andû arîa maathamîrîtue gûkû kuuma Juda, ndagûtîîaga we mûthamaki wetû, kana athîkîra watho ûrîa wavecanire na ûgîkîra kîrore. Ke avoyaga maita mathatû wa mûthenya.”

Danieli 9:4

Nînavoire Ngai-Mûnene, Ngai wakwa na ngiumbûra mevia marîa meekîtwe nî andû akwa. “Nînaugire atîrî, ‘Mwathani, wî Ngai mûnene na nîwîkaga maûndû ma magegania. We nîwigaga kîrîkanîro gîaku, na nîwonanagia wendo ûtathiraga kûrî andû arîa makwendete na mathîkagîra maathani maku.

Jona 2:4

Neciragia naarî mwîngate kuuma kûrî we, na ndikona hekarû yaku ntheru rîngî.

Maariko 3:3

Nake Jesû nîwerire mûndû ûcio wonjete njara atîrî, “Umîra ava mbere.”

Luka 14:26

“Mûndû wa wonthe ûkaga kûrî nie na nwa ende gûtuîka mûrutwa wakwa nwa nginya amende makîria ya ûrîa endete îthe na ng'ina, mûka na ciana, aa mûrwang'ina na aa mwarwang'ina, na amende makîria ya ûrîa eyendete ke mwene.

Luka 22:41

Jesû nîwacokire akîmatiga, akîthiî vandû wata varîa mûndû angîvota gwikia îthiga, na aaturia maru nîwavoire atîrî,

Ciîko 10:9

Na kîndû ta thaa thita cia mûthenya ûcio warûmîrîrîte wa marî rûgendorî, nîmaakinyire vakuvî na Jopa, na Petero akîthiî nyomba îgûrû kûvoya.

Ciîko 2:15

Andû aya tîkwa marîtwe ta ûguo mûreciria nîûndû nî thaa ithatû tu cia kîraûko.

Ciîko 20:24

Nwatî ndionaga mwoyo wakwa ûrî na vata wana vanini. Ûndû ûrîa ûrî na vata nî kûrîkia wîra na gûkinyîra mûthiia wa ûtungati ûrîa Mwathani Jesû aamveere ndute, naguo nî kûvecana Ûvoro Mwaro wîgiî wega wa Ngai.

Ciîko 20:36

Na vîndî îrîa Paûlo aarîkirie kuga ûguo, ke nîwaturirie maru vamwe na andû acio onthe, na makîvoya.

Ciîko 21:5

Na rîrîa kavinda getû ga gwîkarania nao kaathirire, nîtwaumire kuo tûkîthiî na mbere na rûgendo rwetû. Nao arutwa onthe vamwe na aka ao na ciana, nîmaatumagaririe magîtûkinyia nja ya îtûûra rîu. Tuonthe nîtwaturirie maru vau rûtererî rwa îria na tûkîvoya.

Ciîko 3:1

Mûthenya ûmwe Petero na Johana nîmaathiîre hekarûrî thaa kenda vîndî ya mavoya.

Ciîko 4:29

Na rîu Mwathani, ta roria wone ûrîa maratûmakia. Tue tûrî ndungata ciaku. Tûvotithie tûvecanage ndûmîrîri yaku tûrî na ûmîrîru.

Ciîko 5:20

“Thiîni mûrûngame hekarûrî na mwîre andû maûndû monthe megiî mûtûûrîre ûyû mûcerû.”

Ciîko 5:29

Nwatî Petero na atûmwa acio engî nîmaamacokerie atîrî, “Tue nwa nginya twathîkîre Ngai vandû va kwathîkîra andû.

Ciîko 7:60

Nake nîwaturirie maru na akîanîrîra na mûgambo mûnene akiuga atîrî, “Mwathani, ndûkamaverithie nîûndû wa wîvia ûyû wao!” Na rîrîa Stefano aarîkirie kuga ûguo, nîwakwire.

Ciîko 9:40

Nwatî Petero nîwerire andû onthe arîa maarî kuo maume nja. Nake nîwaturirie maru na akîvoya. Nîwacokire akîvûgûka na kûrîa mwîrî ûcio warî na akiuga atîrî, “Tabitha, ûkîra!” Nake nîwavingûrire metho, na vîndî îrîa oonire Petero, nîwekarire nthî.

Aefeso 3:14

Ûndû ûcio nîguo ûtûmaga ndurîria Îthe wetû maru,

Afil 1:14

Nîûndû wa kwîthîrwa nîrî njeera, nîgûtûmîte etîkia eengî mevoke Mwathani mûno. Kwoguo nîmavunjagia ndûmîrîri ya Mwathani matarî na guoya.

Afil 1:20

Nînîîriragîria mûno, na ngerîgîrîra atî ndigaaconoka nî ûndû wana ûrîkû, nwatî ngeethagîrwa nîrî na ûmîrîru rîu na vingo cionthe, nîguo mwîrî wakwa wonthe ûtûmage Kristû akumue ethîrwa nîrî mwoyo kana nîrî mûkuû.

Afil 4:6

Mûtikamakue nî ûndû wana ûrîkû nwatî voyani na mwîtie Ngai kîrîa kîonthe mûrenda na mûcokagie ngatho vîndî cionthe.

Akol 3:17

Maûndû monthe marîa mûgekaga kana mûkaugaga, mekageni mûgîcokagîria Ngai Îthe wetû ngatho rîîtwa rîa Mwathani Jesû.

Ahib 13:15

Kwoguo, na njîra ya Jesû nîtwagîrîrwe tûkumagie Ngai vîndî cionthe. Rîîrî nîrîo îgongoona rîetû rîrîa tûtegagîra Ngai rîrîa tûkûmumbûra na tûnyua twetû atî ke nî Mwathani.

Ahib 4:16

Kwoguo nîtûthiîni tûmîrîrîtie tûkinye vakuvî na gîtî Kîam Ngai Kîam ûthamaki, na nîvo varî na wega wake. Vau nîvo tûkeeguîrûa ntha na tûnyite wega wa Ngai wa gûtûtethagia rîrîa rîonthe tûvatarîte.

Kûguû 2:10

Mue mûtigetigîre nîûndû wa ûndû wa wonthe ûrîa mûgeerie kûthînua naguo. Tathikîrîriani! Ngoma nî agaatûma amwe enyu maikue njeera nîguo mûgerue. Na îvinda rîa mîthenya îkûmi nîmûkaathînua nîguo mûgerue. Tuîkani evokeku kûrî nie wana ethîrwa nîkwa mûkûûragwa, na nie nîngaamûva mwoyo ûrî ta nthûmbî ya ûvootani.

Kûguû 2:13

Nie nîmbîcî we ûtûûraga kûrîa Caitani arî na gîtî gîake Kîam ûthamaki. We ûrî mwîvokeku kûrî nie, na ndwatiganîria wîtîkio waku kûrî nie wa na vîndî îrîa Anitipa aaûragirwe. Anitipa aarî mûira wakwa ûrîa waûragirwe arî îtûûrarî rîu rîenyu kûrîa Caitani atûûraga.