Danieli 5:12 - ÎVUKU RÎA ÛVORO MWARO

¹² Ke arî na ûvoti wa mwanya na wara mwîngî wa gûtaûra iroto, gûtaûra ndaî, na arî na ûvoti wa kûthiria mathîna. Rîîtwa rîa mûndû ûcio nî Danieli, nwatî mûthamaki aamwîtire Baliteshazaru. Mwîte na nîagûgûtaûrîra mandîko mama.”

Danieli 5:12 ပူးပေါင်းရင်းမြစ်များ

Thaburi 16:3

Andû arîa mevokete Ngai-Mûnene vûrûrirî kaî nî aro-î! Nîngenaga mûno ngîkarania nao.

Nthi 12:26

Mûndû mûthingu nîwonagîrîria mûndû ûrîa wîngî njîra, nwatî njîra ya mûndû mwaganu nîîmûvîtithagia.

Nthi 17:27

Mûndû mûûgî ndaragia mûno, na mûndû mûûgî nîakiragîrîria.

Ezek 28:3

Nîma wîtucaga atî ûrî mûûgî gûkîra Danieli na gûtirî ûndû wa nthitho ûtaicî.

Danieli 1:17

Ngai nîwavere anake aya ana ûtaûku na wara kîthomorî na ûgîîrî wao. Îgûrû rîa mau, nîwavere Danieli kîveo gîa gûtaûra cioneki na iroto.

Danieli 1:7

Nwatî Mûnene wa ndungata cia kwa Mûthamaki nîwavere anake acio marîîtwa ma Babuloni ta û: Danieli eetirwe Beliteshazaru; Hanania eetirwe Shadiraka; Mishaeli eetirwe Mîsheki, na Azaria agîîtwa Abedinego.

Danieli 2:26

Mûthamaki nîwaûririe Danieli, ûrîa na rîîtwa rîngî eetagwa Beliteshazaru atîrî, “Nwa ûvote kûmbîra kîroto gîakwa na ûndaûrîre kîo?”

Danieli 4:19

Rîrîa Danieli ûrîa wîtagwa Beliteshazaru eeguire ûguo, nîwamakire na agîtangîka mûno meciriarî make. Kwoguo mûthamaki nîwamwîrire atîrî, “Danieli, ndûkathînîke nîûndû wa kîroto, kana nîûndû wa ûrîa kiugîte.” Nwatî Beliteshazaru nîwamûcokerie atîrî, “Mwathi wakwa, kîroto gîkî na ûrîa kiugîte kîroethîrwa kîgiî arîa makûmenete na nthû ciaku.

Danieli 4:8

Nwatî vîndî wa îo Danieli nîwatonyire mbere yakwa, (ûrîa na rîîtwa rîngî etagwa Baliteshazaru, rîîtwa rîa ngai yakwa. Ke aarî na roho kuuma kûrî ngai irîa ntheru) na nînaamwîrire kîroto gîakwa atîrî,

Danieli 5:14

Nîmbîguîte atî roho wa ngai irîa ntheru arî ndaarî yaku, na atî ûrî na wara, ûmenyo na ûûgî.

Danieli 5:16

Nwatî nîmenyithîtue atî we nwa ûvote gûtaûra maûndû wana gûtaûra ndaî. Kwoguo, ethîrwa nîûkûvota kûthoma mandîko mama na ûmbîre ûrîa maugîte, nîûgekîrwa nguo cia ûthamaki cia rangi wa njambarawe, na wîkîrwe mûkathî wa thaavu ngingo na wîthîrwe ûrî wa kathatû ngathîrî ya ûthamaki.”

Danieli 6:3

Wîra wa Danieli nîwonekire ûrî mwaro mûno gûkîra wa arûngamîrîri na anene acio engî onthe, nîûndû ethagîrwa arî na ngoro mbaro. Kwoguo mûthamaki nîwamûtwire mûrûngamîrîri wa vûrûri wonthe.

Danieli 6:4

Nao arûngamîrîri acio engî na anene a thirikari nîmambîrîrie gûcaria ûndû mangîcuka Danieli naguo wîgiî wîra wake wa kûrûngamîrîra vûrûri. Nwatî mationa ûndû mangîmûcuka naguo, kana îvîtia wana rîmwe nîûndû Danieli aarî mûndû mwîvokeku na gûtirî îvîtia kana ûndû mûcûku ekîte.

Akol 1:29

Na nîguo maûndû mama monthe mekîke, nîndutaga wîra mûmû na ngathînîka ngîvûthagîra ûvoti mûnene ûrîa Kristû avecanaga na wonekanaga na njîra ya maûndû marîa mbîkaga.