Danieli 4:32 - ÎVUKU RÎA ÛVORO MWARO

³² We nîûkengatwa ume kûrî andû, ûthiî mûgatûûrage na nyamû cia kîthaka. Ûkaarîcaga nyaki ta ndegwa îvinda rîa mîaka mûgwanja. Vîndî îo nîûkaamenya, atî Ngai Ûrîa ûrî Îgûrû Mûno nîke ûrî vinya îgûrû rîa mothamaki monthe ma nthî na nîavecaga mûndû wa ûrîa akwenda ûthamaki.”

Danieli 4:32 ပူးပေါင်းရင်းမြစ်များ

2Maû 33:13

Ngai nîwegwire mavoya make na akîmwîguîrîra ntha. Kwoguo Ngai-Mûnene nîwamûvotithirie gûcoka Jerusalemu, ûthamakirî wake. Ûndû ûcio nîwatûmire Manase amenya atî Ngai-Mûnene, nî Ngai.

Ayubu 42:2

“Nîmbicî atî ûrî na ûvoti wa gwîka maûndû monthe, na gûtirî mûndû ûngîregana na wendi waku.

Ayubu 9:12

Taroria, oocaga kîrîa akwenda na gûtirî mûndû ûngîmûgiria. Gûtirî mûndû ûngîmûria atîrî, ‘Ûreka atîa?’

Thaburi 115:3

Ngai wetû arî îgûrû; na ekaga ûrîa onaga kwagîrîrîte.

Thaburi 135:6

Ûrîa wonthe Ngai-Mûnene endaga gwîka nîekaga, îgûrû wana nthî, mariarî wana kûrîa kuonthe kûriku mûno.

Ntha 8:10

Mûthamaki nîwacokirie atîrî, “Ûkaamvoera rûyû.” Musa nîwacokire akiuga atîrî, “Nîngeka ûrîa waûria na nîûkaamenya atî gûtirî Ngai wîngî tiga Ngai-Mûnene, Ngai wetû.

Ntha 9:14

Vîndî îno ngaakûverithia, ndûme îvera kûrî anene aku na kûrî andû aku. Nawe nîûkaamenya atî gûtirî wîngî wîkariî tanie nthî yonthe.

Ntha 9:29

Musa nîwerire mûthamaki atîrî, “Wona narîkia kuuma nja ya îtûûra rîîrî rînene, ngaaûkîrîria njara ciakwa ngîvoya Ngai-Mûnene. Ngwa îgakira, na mbura ya mbembe îtige kuura, nîguo ûmenye atî nthî nî ya Ngai-Mûnene.

Isaia 37:20

Kwoguo rîu, we Ngai-Mûnene, Ngai wetû, tûvonokie kuuma kûrî Sanakeribu, nîguo mothamaki monthe ma nthî mamenye atî we wenga tu nîwe Ngai-Mûnene.”

Isaia 40:15

Kûrî Ngai-Mûnene mavûrûri nîta îtata rîa manjî rîrî ndoorî, nîta rûkûngû rûrî kîthimirî, kûrî ke, icîgîrîra nîta rûkûngû rûvinyu.

Isaia 40:17

Mavûrûri monthe nîta kîndû vatarî mbere yake, kûrî ke nîta kîndû vatarî.

Isaia 45:3

Nîngaakûva indo cia vata irîa cigîtwe ndumarî; na ûtonga ûrîa ûrî kûndû gûtaicîkene, nîguo ûmenye atî nie nînie Ngai-Mûnene, Ngai wa Isiraeli ûrîa ûgwîtîte akîgwetaga rîîtwa rîaku.

Jeremia 27:5

Nînie naûmbire nthî na ngîûmba andû na nyamû cionthe irîa irî kuo na ûvoti na vinya wakwa na nîmîvecaga mûndû wa wonthe ûrîa ngwona agîrîrîte.

Danieli 2:21

Nîke ûcenjagia mathaa na mavinda. Nîke ûthuuraga na akagwîthia athamaki. Nîke ûvecanaga ûûgî kûrî arîa aûgî na ûtaûku kûrî arîa marî na ûmenyo.

Danieli 4:31

Mbere ya mûthamaki arîkia ûrîa aaragia, mûgambo nîwaumire îgûrû ûkiuga atîrî, “Mûthamaki Nebukadinezarû, tathikîrîria ûrîa ngûkwîra! Rîu nînathengutia ûthamaki kûrî we.

Danieli 5:21

Nîwarutirwe gatagatîrî ka andû namo meciria make nîmaagarûrûkire magîtuîka ta ma nyamû. Ke aatûûranagia na nyûmbû, aarîcaga nyaki ta ndegwa, na aararaga nja akîrivagwa nî îme, nginya rîrîa atî Ngai Ûrîa ûrî Îgûrû mûno nîke wathaga mothamaki ma andû na nîke ûthuuraga ûrîa akwenda athanage mothamakirî mau.

Josh 4:24

Kwoguo andû onthe a nthî nwa mamenye ûrîa Ngai-Mûnene arî vinya mûnene, na andû nîmagîrîrwe nî kûmûvecaga gîtîîo vîndî cionthe.”