Danieli 4:17 - ÎVUKU RÎA ÛVORO MWARO

¹⁷ Îtua rîîrî rîathanirwe kûvîtûkîrîra kûrî mûrangîri ûrîa mûvinyaru. Kwoguo andû onthe a nthî nîmamenye atî Ûrîa ûrî Îgûrû Mûno nîke wathaga mothamaki na andû, na nîke ûvecanaga ûthamaki kûrî mûndû ûrîa akwenda, wana ethîrwa nî mûndû ûrîa ûtarî îgweta.”

Danieli 4:17 ပူးပေါင်းရင်းမြစ်များ

1Atha 21:25

(Gûtirî mûndû wîngî werutîrîte viû ta Ahabu gwîka maûndû macûku mbere ya Ngai-Mûnene. Ahabu eekire maûndû mau monthe nîûndû wa kûringîrîrua nî mûka Jezebeli.

2Maû 28:22

Îvinda rîu mûthamaki Ahazi aarî na mathîna mengî, nîrîo aatuîkire mûndû ûtarî mwîvokeku kûrî Ngai-Mûnene mûno makîria.

Thaburi 103:19

Ngai-Mûnene nîaigîte gîtî gîake Kîam ûthamaki kûu îgûrû, ke nî mûthamaki wa indo cionthe.

Thaburi 12:8

Andû arîa aganu marî kûndû kuonthe, andû onthe makumagia maûndû marîa macûku.

Thaburi 9:16

Ngai-Mûnene nîemenyithanîtie na njîra ya gûtuîrîra andû na kîvooto, nao andû arîa aganu nî manyitîtwe nî ciîko cio o ene.

Ntha 9:16

Nwatî nie nîndûmîte ûtûûre nîguo wone ûvoti wakwa nayo ngumo yakwa îtambe nthî yonthe.

Isaia 6:3

Wa ûmwe wa Aserafi acio etaga ûrîa wîngî akiugaga atîrî, “Mûtheru, mûtheru, mûtheru! Ngai-Mûnene, mwene vinya wonthe nî mûtheru! Riiri wake wîcûrîte nthî yonthe.”

Isaia 6:8

Nînacokire ngîgua Mwathani akîûria atîrî, “Nîûrîkû ngûtûma? Nîûrîkû ûgûtuîka mûnjaama wetû?” Nanie nînacokirie atîrî, “Nîrî ava! Ndûma!”

Ezek 25:17

Nîngaamaverithia nîrî na marakara mûno na nîmakaamenya atî nie nînie Ngai-Mûnene.”

Ezek 7:24

Kwoguo nîngaarete mavûrûri maganu mûno megwatîre nyomba ciao, naguo mwîtîîo wa andû arîa marî vinya ûthire; nakuo kûndû kwenyu gwa kûgoocera kûgwatue mûgiro.

Danieli 11:21

Mûraika nîwathiîre na mbere kuga atîrî, “Nîgûgaaûka mûthamaki wîngî wa Sîria mûcûku. Mûthamaki ûcio ndakethîrwa arî na kîvooto Kîam gûtuîka mûthamaki. Agaaûka atakûmenyekana na oce wathani na njîra ya wara.

Danieli 2:21

Nîke ûcenjagia mathaa na mavinda. Nîke ûthuuraga na akagwîthia athamaki. Nîke ûvecanaga ûûgî kûrî arîa aûgî na ûtaûku kûrî arîa marî na ûmenyo.

Danieli 4:2

Nîmonete arî ûndû mwaro nîmûmenyithie ciama na morirû marîa Ngai ûrîa ûrî îgûrû ambîkîrîte.

Danieli 4:25

We nîûkengatwa ume kûrî andû ûthiî ûgatûûranagie na nyamû cia kîthaka, na ûtuîke wa kûrîcaga nyaki ta nyamû cia kîthaka. Ûkararaga nja na ûrivagwe nî îme îvinda rîa mîaka mûgwanja, nîguo ûmenye atî Ngai ûrîa wî îgûrû mûno nîke wathaga mothamaki monthe ma nthî na avecanaga ûthamaki ûcio kûrî mûndû wa ûrîa angîenda.

Danieli 7:25

Ke nîakaaria maûndû macûku megiî Ngai Ûrîa Mûnene na avinyîrîrie andû a Ngai. Nîakaagarûra mawatho mao na irugo ciao, na andû acio nîmakaathwa nîke îvinda rîa mîaka îthatû na nuthu.

Aroma 13:1

Nwanginya mûndû wa wonthe athîkagîre andû arîa mathanaga. Nîûndû wathani wonthe uumaga kûrî Ngai na arîa mathanaga mavecagwa ûvoti nî Ngai.

1Akor 1:28

Ngai nîwathuurire maûndû marîa andû monaga matarî vata na makamanyarara na meciragîrua atî tî kîndû varî nîguo acûkangie kîrîa gîtucagwa nî andû atî nî Kîam vata.

1Tim 5:21

Nîrî mbere ya Ngai na ya Jesû Kristû na mbere ya araika atheru, nîrakwatha ûvingagie maûndû mau nakwîra ûtagûcagûrania kana kîmenyano.

Kûguû 4:8

Wa kîûmbe gatagatîrî ka icio inya ciarî mwoyo Kîamrî na mathagu matandatû na nîgîecûrîte metho kûndû kuonthe nja na ndaarî. Ûtukû na mûthenya nî cinaga itagûtigithîria ikiugaga atîrî: “Mûtheru, Mûtheru, Mûtheru, nî Mwathani Ngai mwene vinya wonthe, ûrîa warî kuo, ûrî kuo, na ûgaaûka.”

1Sam 2:8

Nîarutaga mûthîni rûkûngûrî, na agaûkîrîria arîa athîni makauma mathînarî. Ngai-Mûnene nîatûmaga andû acio matuîke arata a anene, na agatûma mekarîre itî cia ûnene. Ngai-Mûnene nîke mwene itugî irîa itiirîrîrîte nthî îno, nîke wigîrîrîte nthî îgûrû rîacio.