Danieli 4:16 - ÎVUKU RÎA ÛVORO MWARO

¹⁶ Meciria make nîmagarûrûke matige gwîkara ta ma mûndû, na avewe meciria ta ma nyamû îvinda rîa mîaka mûgwanja.

Danieli 4:16 ပူးပေါင်းရင်းမြစ်များ

2Sam 18:32

Mûthamaki nîwaûririe atîrî, “Mwanake ûrîa wîtagwa Abusalomu nwa mwaro?” Nayo ngombo îo nîyamûcokerie atîrî, “Mwathi wakwa mûthamaki, nthû ciaku cionthe wana arîa mareganaga nawe makîenda gûgwîka maûndû macûku maroekwa ta ûguo Abusalomu ekîtwe ûmûnthî.”

Isaia 6:10

Nîwacokire akîmbîra atîrî, “Ûmia ngoro cia andû aya, ûkunîke matû mao, na ûvinge metho mao nîguo matikone, matikegue na matû mao wana kana mataûkîrwa na ngoro ciao. Na manjokerere na mavonue.”

Danieli 11:13

“Mûthamaki wa Sîria nî agaacoka avarîrîrie gîkundi kînene Kîam athigari gûkîra kîrîa Kîam mbere. Nwatî vuva wa mîaka mîîngî, nî agaacoka arî na athigari marî na indo nyîngî cia mbaara.

Danieli 12:7

Mûndû ûcio wekarîte mwena wa îgûrû wa rûnjî ekîrîte nguo mbaro, nîwaûkîrîrie njara ciake cioîrî na îgûrû. Nînaacokire ngîgua akîîvîta na rîîtwa rîa ûrîa ûtûûraga tene na tene akiuga atî, ‘Nî kavinda ka mîaka îthatû na nuthu. Vîndî îo andû arîa atheru a Ngai nîmagaatiga kûnyamarua na nîrîo maûndû monthe makethîrwa makîvinga.’

Danieli 4:23

Navo varîa we Mûthamaki wonire mûrangîri ûrîa mûtheru anyûrûrûkîte kuuma îgûrû na akiuga atîrî, ‘Tema mûtî na ûûcûkangie viû, nwatî tiga kîthukî na mîri yakîo îtigwe na kûu nthî ciovetwe na mûcivi wa cuuma na gîcango. Tiga arivagwe nî îme; na atûûrage kîthakarî akîrîcaga nyaki ta nyamû cia kîthaka îvinda rîa mîaka mûgwanja.’

Danieli 4:25

We nîûkengatwa ume kûrî andû ûthiî ûgatûûranagie na nyamû cia kîthaka, na ûtuîke wa kûrîcaga nyaki ta nyamû cia kîthaka. Ûkararaga nja na ûrivagwe nî îme îvinda rîa mîaka mûgwanja, nîguo ûmenye atî Ngai ûrîa wî îgûrû mûno nîke wathaga mothamaki monthe ma nthî na avecanaga ûthamaki ûcio kûrî mûndû wa ûrîa angîenda.

Danieli 7:25

Ke nîakaaria maûndû macûku megiî Ngai Ûrîa Mûnene na avinyîrîrie andû a Ngai. Nîakaagarûra mawatho mao na irugo ciao, na andû acio nîmakaathwa nîke îvinda rîa mîaka îthatû na nuthu.

Danieli 7:28

“Ûcio nîguo mûthiia wa maûndû marîa nonire. Nie Danieli, nînathînîkire mûno ngororî na ngîtukia kîthithi, nwatî nînaigire maûndû mau monthe ngororî yakwa.”

Ahib 1:11

Nîikaathenguta, nwatî we ndûkaathenguta; cionthe ikaathira ta nguo.

Kûguû 12:14

Nwatî mûndûmûka ûcio nîwaverwe mathagu maîrî ma nderi nene, nîguo avote kûgûrûka athiî vandû varîa aathondekeretwe werûrî. Kûu nîkuo akaamenyererwa kwa îvinda rîa mîaka îthatû na nuthu, na agitîrwe kuumana na njûnamatu.