Danieli 4:14 - ÎVUKU RÎA ÛVORO MWARO

¹⁴ Nake nîwanîrîre na mûgambo mûnene atîrî, “Tema mûtî ûcio na ûvarie nvûa ciaguo. Ûrivarive mathangû na ûnyagie matunda ma guo. Îngata nyamû cionthe irîa irî rungu rwa guo na iconi cionthe irîa itumîte ciomba mvûarî ciaguo.

Danieli 4:14 ပူးပေါင်းရင်းမြစ်များ

Ayubu 24:20

Aciari ao nîmariganagîrwa nîo, na gûtirî mûndû ûkamaririkana rîngî, macûkangagua ta mûtî ûgwîte.

Jeremia 27:5

Nînie naûmbire nthî na ngîûmba andû na nyamû cionthe irîa irî kuo na ûvoti na vinya wakwa na nîmîvecaga mûndû wa wonthe ûrîa ngwona agîrîrîte.

Jeremia 51:6

Ûrani mume Babuloni mûvonokie mîoyo yenyu! Babuloni îraverithua nîûndû wa mavîtia mayo, nîûndû gaka nîko kavinda ka Ngai-Mûnene ga kwîrîvîrîria, araverithia Babuloni kûringana na mavîtia mayo.

Jeremia 51:9

Nîtwageririe kûvonia vûrûri wa Babuloni nwatî ndwavona. Tûûtiganîrie tûthiî wa mûndû vûrûrirî wake; nîûndû Ngai nîaverithîtie vûrûri wa Babuloni na vinya wake mûnene; na agaûcûkangia viû.

Ezek 31:10

Ngai-Mûnene arauga atîrî, “Mûtî ûcio nîwanenevire na ûkîracava na îgûrû mûno, naguo nîwaîtîire nîûndû wa ûraca waguo.

Danieli 2:21

Nîke ûcenjagia mathaa na mavinda. Nîke ûthuuraga na akagwîthia athamaki. Nîke ûvecanaga ûûgî kûrî arîa aûgî na ûtaûku kûrî arîa marî na ûmenyo.

Danieli 3:4

Nake mûnjaama wa mûthamaki nîwathiîre akîanagîrîra na mûgambo mûnene atîrî, “Andû a mavûrûri monthe, iruka cionthe na nthiomi cionthe!

Danieli 4:12

Mathangû ma guo maarî mathaka, na warî na matunda meengî ma kwîgana andû onthe a nthî. Nyamû cia kîthaka nîciathiîcaga mwîgunyîrî wa mûtî ûcio, iconi nîciatumaga ciomba mvûarî ciaguo na ciûmbe cionthe ciarîcaga matunda ma mûtî ûcio.

Danieli 4:23

Navo varîa we Mûthamaki wonire mûrangîri ûrîa mûtheru anyûrûrûkîte kuuma îgûrû na akiuga atîrî, ‘Tema mûtî na ûûcûkangie viû, nwatî tiga kîthukî na mîri yakîo îtigwe na kûu nthî ciovetwe na mûcivi wa cuuma na gîcango. Tiga arivagwe nî îme; na atûûrage kîthakarî akîrîcaga nyaki ta nyamû cia kîthaka îvinda rîa mîaka mûgwanja.’

Danieli 4:29

Mûthiia wa mweri wa îkûmi na îîrî, rîrîa Nebukadinezarû ethîrîtwe agîceracera îgûrû rîa nyomba yake ya ûthamaki,

Danieli 5:20

Nwatî rîrîa aambîrîrie kûgîa na rwetho, na akîûmia ngoro akîgia na mwîtîîo mwîngî, nîwacunirwe ûthamaki, na riiri wake ûkîthira.

Danieli 5:21

Nîwarutirwe gatagatîrî ka andû namo meciria make nîmaagarûrûkire magîtuîka ta ma nyamû. Ke aatûûranagia na nyûmbû, aarîcaga nyaki ta ndegwa, na aararaga nja akîrivagwa nî îme, nginya rîrîa atî Ngai Ûrîa ûrî Îgûrû mûno nîke wathaga mothamaki ma andû na nîke ûthuuraga ûrîa akwenda athanage mothamakirî mau.

Mathaayo 3:10

Ngai nîmûvarîriu îthanwa rîa gûtema mûtî; mûtî wa wonthe ûtaciaraga maciaro maro, nîûgaatemwa na wikue mwakirî.

Mathaayo 7:19

Mûtî wa wonthe ûtaciaraga maciaro maro nîûtemagwa ûgaikua mwakirî.

Luka 3:9

Wana rîu îthanwa nîrige gîtinarî Kîam mûtî. Kwoguo mûtî wa wonthe ûtaciaraga maciaro maro, nîûgûtemwa na wikue mwakirî.”

Kûguû 10:3

Nake mûraika ûcio nîwaugîrîrie na mûgambo mûnene ta wa mûnyambû ûkîrarama. Rîrîa aarîkirie kugîrîria, ngwa mûgwanja nîciagambire.

Kûguû 18:2

Nake nîwaugîrîrie na mûgambo mûnene atîrî: “Nî rîgwîte, Babuloni îtûûra rîrîa rînene nî rîgwîte! Nî rîtuîkîte gîîkaro Kîam ndaimono na îkurungu rîa roho mûcûku, na iconi cionthe njûku na irî mûgiro itûûraga kuo.