Danieli 3:29 - ÎVUKU RÎA ÛVORO MWARO

²⁹ “Kwoguo nie nathana atî mûndû wana ûrîkû kuuma iruka cionthe, mavûrûri monthe, wana andû a nthiomi cionthe arîa mangîaria ûndû wa kûmenereria Ngai wa Shadiraka, Mîsheki na Abedinego, agaatemangwa icunjî na nyomba ciao ciomomorangwe; nîûndû gûtirî ngai îngî îngîvota kûvonokania ûguo.”

Danieli 3:29 ပူးပေါင်းရင်းမြစ်များ

2Atha 10:27

Kwoguo nîmaacûkangirie gîtugî Kîammûre Kîam Baali vamwe na hekarû, na magîtua hekarû îo kîoro, na ûguo nîguo îtûûraga nginya ûmûnthî.

Ezira 6:11

Wana rîngî nî ngûruta watho atî ethîrwa kûrî mûndû wa wonthe ûkaagarûra watho ûyû, mûtî nî ûkaarutwa nyombarî yake, umue ûvîge na ûcoke ûvûrîrwe ûvîtûkîrîre mwîrîrî wake. Na nîûndû wa îvîtia rîu mûciî wake ûgaatuîka kîvumbu gîa gîko.

Thaburi 3:8

Ûvootani umaga kûrî Ngai-Mûnene; irathimo ciake irogîa kûrî andû aku.

Thaburi 76:10

Andû arîa arakaru nîmagûkumagia makîria; arîa mataakuîra mbaararî nîmagaakûngûîra irugo ciaku.

Danieli 1:19

Nake mûthamaki nîwamarîrie onthe, na gatagatîrî kao, gûtirî wamûkenirie ta Danieli, Hanania Mishaeli na Azaria. Kwoguo mûthamaki nîwamathuurire matungatage gwake mûciî.

Danieli 1:7

Nwatî Mûnene wa ndungata cia kwa Mûthamaki nîwavere anake acio marîîtwa ma Babuloni ta û: Danieli eetirwe Beliteshazaru; Hanania eetirwe Shadiraka; Mishaeli eetirwe Mîsheki, na Azaria agîîtwa Abedinego.

Danieli 2:17

Kwoguo Danieli nîwathiîre mûciî na akîra arata ake Hanania, Mishaeli na Azaria ûrîa gwekîkîte.

Danieli 2:47

Mûthamaki nîwaugire atîrî, “Nama Ngai waku nî Ngai wa ngai irîa ciîngî, na Mwathani wa athamaki onthe. Nîke ûguûragia maûndû marîa marî nthithorî, nîûndû we nîûvotete gûtaûra nthitho îno.”

Danieli 2:49

Danieli nîwaûririe mûthamaki amûthuurîre Shadiraka Mîsheki na Abendinego, matuîke a kûrûngamagîrîra maûndû monthe ma vûrûri wa Babuloni. Nwatî Danieli ekarire kûu kwa mûthamaki.

Danieli 2:5

Mûthamaki nîwamerire atîrî, “Nie nînduîte îtua atî nwanginya mûmbîre kîroto, na mûcoke mûndaûrîre kîo. Ethîrwa tî mûmenyithia kîroto kîu na mûndaûrîre kîo, ngatûma mûtinangue icunjî icunjî, na nyomorithie nyomba cienyu.

Danieli 3:12

Kûrî na Ayahudi ûthuurîte a kûrûngamagîrîra vûrûri wa Babuloni; na nîo: Shadiraka, Mîsheki na Abedinego. Mûthamaki wetû, andû aya matikwathîkagîra, wana matigoocaga ngai ciaku kana menamîrîra mûvuanano wa thaavu ûrîa ûrûthithîtie.”

Danieli 3:15

Rîu-î, rîrîa mûkegua rîngî mîgambo ya coro, mîtûrirû, ngita, wandîndî, na inanda cia mîthemba yonthe, mûkenamîrîria mothiû menyu mûgooce mûvuanano ûcio naarûthithirie wa thaavu. Ethîrwa mûtikaaûgooca, nîmûgaaikua wa rîmwe mwakirî mûnene mûno. Nî ngai îrîkû îngîmûvonokia kuuma kûrî nie?”

Danieli 3:17

Ethîrwa nîtûgwikua mwakirî ûcio, Ngai wetû ûrîa tûtungataga nîagûtûvonokia kuuma mwakirî ûcio mûnene ûguo, na kuuma njararî ciaku.

Danieli 3:28

Nebukadinezarû nîwaugire atîrî, “Ngai wa Shadiraka Mîsheki na Abedinego arokumua! Ke nîatûme mûraika wake nîguo avonokie arûme aya arîa mamûtungatagîra nama mamwîvokete. Nîmaaregire kwathîkîra watho wakwa na makiuga atî, nîkava gûkua îthenya rîa kwînamîrîra nthî, nîguo mavoe ngai îngî tiga Ngai wao.

Danieli 6:28

Kwoguo Danieli nîwekindîrie na akîganîra vîndî ya wathani wa mûthamaki Dario na vîndî ya wathani wa mûthamaki Cairasi wa Perisi.

Gûco 32:31

Nthû ciao nîciîcî atî ngai ciao itirî na vinya, ngai ciao itirî na vinya ta Ngai wa andû a Isiraeli.