Danieli 3:27 - ÎVUKU RÎA ÛVORO MWARO

²⁷ Nao athani, anene, arîa marî rungu rwa anene, na atongoria arîa engî a mûthamaki nîmacemanirie kwîyonera arûme acio athatû arîa mwaki waremirwe nî kûmavîvia. Njuîrî na nguo ciao itiavutua nî mwaki, na matianunga ndogo.

Danieli 3:27 ပူးပေါင်းရင်းမြစ်များ

1Atha 13:28

Nîwatwîre îgûrû rîayo na akîthiî. Nîwethîre kimba kîu kîmamîte njîrarî, nayo mvunda na mûnyambû irûngamîte vakuvî nakîo. Mûnyambû ndwarî mûrîu kimba kîu kana ûtharîkîra mvunda.

2Atha 19:19

Kwoguo we Ngai-Mûnene Ngai wetû, nakûthaitha ûtûvonokie kuuma kûrî andû a Asîria, nîguo andû a mothamaki monthe ma nthî mamenye atî we Ngai-Mûnene tu, nîwe Ngai.”

Thaburi 83:18

Tiga mamenye atî we wenga nîwe Ngai-Mûnene, nîwe wathanaga nthî yonthe.

Isaia 26:11

Ûûi Ngai-Mûnene, nîûkîrîrîtie njara yaku ûkîenda kûverithia nthû ciaku, nwatî itirona. Cionie ûrîa wendete andû aku na nîigaaconoka; tiga mwaki wa mang'ûrîka maku ûivîvie.

Isaia 43:2

Rîrîa mûkûvîtûkîrîra manjîrî ngethagîrwa nîrî vamwe namue; na mûkîvîtûkîrîra nyûnjîrî itikaamûkîria vinya. Rîrîa mûkavîtûkîrîra mwakirî mûtikaavîa, na rûrîrîmbî rûtikaamûvîvia.

Danieli 3:21

Kwoguo nîmaamovire marî na sati, mîvuto, ngovia na makîmaikia mwakirî ûcio.

Danieli 6:23

Nake mûthamaki nîwakenire mûno, na akîathana atî Danieli aguucue arutwe îrimarî rîa mînyambû. Nake nîwarutirwe kuo atarî mûtivie wanarî vandû, nîûndû nîwevokete Ngai wake.

Danieli 6:7

Tue atongoria onthe a vûrûri: arûngamîrîri onthe, anene onthe, athuuri onthe arîa magûtaaraga na anene onthe icunjî cia thirikari twona atî we Mûthamaki nîwagîrîrwe nî kûruta watho na wone atî watho ûcio nîwarûmîrîrwa nî andû onthe. Athana atî îvinda rîa mîthenya mîrongo îthatû, gûtirî mûndû ûgetîkîrua kûvoya ngai îngî kana mûndû wîngî tiga we mûthamaki; na mûndû ûrîa ûkaauna watho ûyû nîagaaikua îrimarî rîa mînyambû.

Mathaayo 10:30

Wana nginya njuîrî cionthe cia ciongo cienyu nî ndare.

Ciîko 26:26

Mûthamaki Angiripa! Nîrakwarîria nîrî na ûmîrîru, nîûndû we nîwîcî ûvoro wîgiî maûndû mama. Nîrî na ma atî we nîwîguîte ûvoro wîgiî maûndû mama monthe, nîûndû maûndû mama matiekagîrwa nthithorî.

Ciîko 27:34

Rîu mwenda tu îtîkîrani kûrîa irio. Mwona mwarîa, mîîrî yenyu nîkûgîa na vinya. Gûtirî mûndû wana ûmwe wa cienyu ûkaûrwa nî rûcuîrî wana rûmwe rwa kîongo gîake.”

Ahib 11:34

nîwavoririe mîaki yarî mînene na makîvonoka kûragwa na rûviû. Matiarî na vinya, nwatî nîmagîre na vinya. Nîmaarûire na ûcamba mbaararî na makîvoota athigari a mavûrûri mageni.