Danieli 3:25 - ÎVUKU RÎA ÛVORO MWARO

²⁵ Mûthamaki nîwathiîre na mbere na akiuga atîrî, “Nwatî nîrona arûme ana magîceera mwakirî matarî ove na matakûvîa nî mwaki. Mûndû wa kana ekariî ta mûraika.”

Danieli 3:25 ပူးပေါင်းရင်းမြစ်များ

Ayubu 1:6

Mûthenya ûmwe araika a Ngai nîmaathiîre gûcemania mbere ya Ngai-Mûnene na Caitani nîwaûkire agîkara varîa maarî.

Ayubu 38:7

rîrîa njata cia kîraûko ciainaga irî vamwe, na andû a Ngai makanîrîra nî gûkena?

Ayubu 5:19

Ke nîagaagûkûûra mathînarî matandatû, na ndûgaacûkangua nî thîna wa mûgwanja.

Thaburi 34:7

Mûraika wa Ngai-Mûnene nîamenyagîrîra andû arîa magoocaga Ngai-Mûnene, na nîamavonokagia kuuma ûgwatirî.

Nthi 30:4

Nîûrîkû wanaunûkia îgûrû na agîcoka kûnyûrûrûka gûkû nthî? Nîûrîkû wanakumbatîria rûkûngi na ngundi yake? Nîûrîkû wanovania manjî na nguo? Nîûrîkû wathondekire mîthiia yonthe ya nthî? Etagwa atîa, na mûvîcî etagwa atîa? Mbîra na ma ethîrwa nîwicî!

Isaia 43:2

Rîrîa mûkûvîtûkîrîra manjîrî ngethagîrwa nîrî vamwe namue; na mûkîvîtûkîrîra nyûnjîrî itikaamûkîria vinya. Rîrîa mûkavîtûkîrîra mwakirî mûtikaavîa, na rûrîrîmbî rûtikaamûvîvia.

Jeremia 1:19

Nîmakaarûa nawe nwatî matigakûvoota, nîûndû ngethagîrwa nîrî vamwe nawe nîguo ngûvonokagie. Ûguo nîguo Ngai-Mûnene arauga.”

Jeremia 1:8

Ndûkametigîre nîûndû ngethagîrwa nîrî vamwe nawe nîguo ngûgitagîre, ûguo nîguo Ngai-Mûnene augîte.”

Jeremia 15:21

Nîngagûtethûra njararî cia andû arîa aganu, na ngûvonokie kuuma kûrî arîa makûnyitîte na matarî na vinya.”

Danieli 3:18

Nwatî wana arega gûtûvonokia, Mwathi wetû tue tûtikenamîrîra tûgooce ngai ciaku, kana mûvuanano ûcio wa thaavu warûthithirie.”

Danieli 3:24

Nake Mûthamaki Nebukadinezarû nîwarûgire na îgûrû amakîte mûno na akîûria atongoria atîrî, “Na kinthî tûtiikirie arûme athatû mwakirî marî ove?” Nao nîmaacokerie Mûthamaki atîrî, “Nîma nîguo mwathi wetû.”

Danieli 3:28

Nebukadinezarû nîwaugire atîrî, “Ngai wa Shadiraka Mîsheki na Abedinego arokumua! Ke nîatûme mûraika wake nîguo avonokie arûme aya arîa mamûtungatagîra nama mamwîvokete. Nîmaaregire kwathîkîra watho wakwa na makiuga atî, nîkava gûkua îthenya rîa kwînamîrîra nthî, nîguo mavoe ngai îngî tiga Ngai wao.

Danieli 6:23

Nake mûthamaki nîwakenire mûno, na akîathana atî Danieli aguucue arutwe îrimarî rîa mînyambû. Nake nîwarutirwe kuo atarî mûtivie wanarî vandû, nîûndû nîwevokete Ngai wake.

Maariko 16:18

Na mangîkaanyita njoka kana manyue ûrogi, itikaamacûkia. Nîmakaaigîrîra arwaru njara na mavone.”

Luka 1:35

Nake mûraika nîwamûcokerie atîrî, “Roho Mûtheru nîagûka kûrî we, naguo vinya wa Ngai ûrîa ûrî Îgûrû Mûno nîûgaagûkunîkîra ta kîruru. Kwoguo mwana ûcio ûgaaciarwa akethîrwa arî mûtheru na ageetagwa Mûriû wa Ngai.

Ciîko 28:5

Nwatî Paûlo nîwerivarivire njoka îo na akîmikia kûu mwakirî îtamwîkîte ûndû mûcûku.

Aroma 1:4

Îgûrû rîgiî roho ûrîa aarî naguo wa ûtheru nîwonanirue na njîra ya vinya mûno atî ke nîke Mûriû wa Ngai nîûndû wa kûriûkua.

1Pet 3:13

Nû ûngîmwîka naaî ethîrwa mûrî na kîîo gîa gwîka maûndû maro?