Danieli 3:24 - ÎVUKU RÎA ÛVORO MWARO

²⁴ Nake Mûthamaki Nebukadinezarû nîwarûgire na îgûrû amakîte mûno na akîûria atongoria atîrî, “Na kinthî tûtiikirie arûme athatû mwakirî marî ove?” Nao nîmaacokerie Mûthamaki atîrî, “Nîma nîguo mwathi wetû.”

Danieli 3:24 ပူးပေါင်းရင်းမြစ်များ

2Maû 22:4

Nîwekire maûndû macûku mbere ya Ngai-Mûnene ta ûrîa andû a mûciî wa Ahabu meekîte, nîûndû îthe akua andû a mûciî wa Ahabu nîo maatuîkire ataari ake na nîmaatûmire wîra wake ûcûke.

Danieli 3:17

Ethîrwa nîtûgwikua mwakirî ûcio, Ngai wetû ûrîa tûtungataga nîagûtûvonokia kuuma mwakirî ûcio mûnene ûguo, na kuuma njararî ciaku.

Danieli 3:23

Nwatî Shadiraka, Mîsheki na Abedinego, nîmaaikirue wa marî ove kûu mwakirî. Nao Shadiraka Mîsheki na Abendinego, nîmaagwîre kûu mwakirî ûcio mûnene marî ove na mîkanda.

Danieli 3:25

Mûthamaki nîwathiîre na mbere na akiuga atîrî, “Nwatî nîrona arûme ana magîceera mwakirî matarî ove na matakûvîa nî mwaki. Mûndû wa kana ekariî ta mûraika.”

Danieli 4:22

nîwe mûthamaki. Nîwe ûgîte na vinya nyîngî na ûvoti wa maûndû ma na îgûrû, na wathani waku wîcûrîte nthî yonthe.

Danieli 4:27

Kwoguo Mûthamaki wetû, nakûthaitha wîtîkîre mataaro makwa. Tiga kwîvia na gwîka maûndû ma waganu, na wambîrîrie gwîka maûndû ma ûthingu na kwîguîra andû arîa athîni ntha. Weka ûguo, wavota kwongererwa mavinda ma gûtûûra wîganîrîte.”

Danieli 5:18

We mûthamaki, Ngai ûrîa ûrî Îgûrû Mûno nîwatwire aguo, Nebukadinezarû mûthamaki mûnene, ûrî na riiri na gîtîîo.

Danieli 5:6

Mûthamaki nîwatukirie kîthithi, akîvavûka, akinaina na akîthirwa nî vinya.

Danieli 6:22

Ngai wakwa nîatûmire mûraika avinge mînyambû tûnyua nîguo ndîkanjûkangie. Ekire ûguo nîûndû ndianamûvîtîria kana ngûvîtîria we mûthamaki wetû.”

Danieli 6:7

Tue atongoria onthe a vûrûri: arûngamîrîri onthe, anene onthe, athuuri onthe arîa magûtaaraga na anene onthe icunjî cia thirikari twona atî we Mûthamaki nîwagîrîrwe nî kûruta watho na wone atî watho ûcio nîwarûmîrîrwa nî andû onthe. Athana atî îvinda rîa mîthenya mîrongo îthatû, gûtirî mûndû ûgetîkîrua kûvoya ngai îngî kana mûndû wîngî tiga we mûthamaki; na mûndû ûrîa ûkaauna watho ûyû nîagaaikua îrimarî rîa mînyambû.

Ciîko 12:13

Nake Petero nîwaringaringire mûrango wa nja na mwîrîtu watungataga kuo wetagwa Roda akîthiî kûmûvingûrîra.

Ciîko 26:13

Na thaa thita cia mûthenya nîrî njîrarî nthiîte kuo, mûthamaki mûgathe, nînoonire ûtheri kuuma îgûrû. Ûtheri ûcio warî mûnene gûkîra wa riûa na nîwamûrîkire na mîena yonthe wa vamwe na andû arîa nathiîcanîtie nao.

Ciîko 26:27

Mûthamaki Angiripa, we nîwîtîkîtie ûvoro ûrîa ûrî mandîkorî ma arathi? Nîmbicî atî we nîwîtîkîtie!”

Ciîko 9:6

“Nwatî ûkîra wa rîu, ûthiî îtûûrarî, na nîûkwîrwa ûrîa wagîrîrîtwe nî gwîka.”

1Sam 17:55

Rîrîa Saûlo oonire Daudi athiîte kûrûa na Goliathu, ke nîwaûririe Abineri atîrî, “Abineri, kavîcî gaka nî ka û?” Abineri aarî mûnene wa athigari a Saûlo. Nake Abineri nîwamûcokerie atîrî, “Mwathi wakwa nie ndiîcî kavîcî gaka nî ka û.”