Danieli 2:34 - ÎVUKU RÎA ÛVORO MWARO

³⁴ Vîndî îrîa waroretie mûvuano ûcio, îthiga rînene nîrîavarûkire kuuma nguvarî rîtavutîtue nî mûndû, na rîkîringa itende icio ciarî cia cuuma na yûmba ikîvaragana.

Danieli 2:34 ပူးပေါင်းရင်းမြစ်များ

Thaburi 118:22

Îthiga rîrîa rîaregirwe nî atumi a nyomba, nîrîo rîtuîkîte rîa vata mûno gûkîra marîa mengî monthe.

Isaia 28:16

Kwoguo Ngai-Mûnene mwene vinya wonthe arauga atîrî, “Taroria, nîngwiga îthiga rîa mûcingi Zayuni, îthiga rîrî na vinya, îthiga rîa mûcingi rîa goro, rîa mûcingi wîna vinya na rîa goro: ‘Mûndû ûrîa wîtîkîtie ndakeenyenyeka.’

Isaia 60:12

Nwatî ndûrîrî kana ûthamaki ûrîa ûtagaagûtungatîra, nîkwa ikaathirua viû.

Isaia 8:9

Mue andû a mavûrûri, gomanani vamwe na nî mûkaamaka! Ta thikîrîriani mue mavûrûri marîa marî kûraca! Îîvarîrieni kûrûa na mûmake! Îkarani mwîvarîrîtie na mûmake!

Ezek 32:28

“Kwoguo andû a Misiri nîmakaavootwa na mamame gatagatî ka andû arîa matarî aruu arîa maaûragîrwe mbaararî.

Ezek 47:5

Akîthima rîngî mita magana matano (500) anyûrûrûkîte, na karûnjî gagîtuîka kariku na ndingîavotire kûringa tiga nwa mûndû athambîrîte.

Danieli 2:33

Mîthumo yayo yarî ya cuuma, nacio itende ciarî cia cuuma kûgûrûrî kûmwe, na kûu kwîngî yûmba.

Danieli 7:27

Naguo ûthamaki na wathani, na ûnene wa mothamaki monthe ma nthî ûkavewa andû a Ngai Ûrîa mûnene, na ûthamaki wao ndûkaathira, na athamaki onthe a nthî nîmakaamathîkîra na mamatungatagîre.’

Danieli 8:25

Nîakaavootanaga maûndûrî marîa ageekaga nîûndû wa wara wake. Nîakaatharîkîra andû engî wana atamamenyithîtie na aregane na mûthamaki ûrîa mûnene gûkîra onthe; nwatî nîagaacûkangua nî vinya ûtarî wa mûndû.

Zakaria 12:3

Vîndî îo nîngaatûma Jerusalemu îtuîke ta îthiga rîrito kûrî andû onthe. Arîa makaageria kûrîûkîrîria nîmagaativua nîrîo. Mavûrûri monthe ma nthî nîmakaarîtharîkîra.

Zakaria 4:6

Nake mûraika ûcio nîwambîrire nginyîrie Zerubabeli ndûmîrîri îno yumîte kûrî Ngai-Mûnene mwene vinya wonthe nîmwîre atîrî, “Ndûkaavootana nîûndû wa vinya kana ûvoti waku, nwatî ûkaavotithua nî Roho wakwa.”

Mathaayo 16:18

Kwoguo nîrakwîra atîrî Petero, we ûrî îthiga, na îgûrû rîa îthiga rîîrî nie nîngaatuma kanitha wakwa, wana nginya gîkuû gîtigaatoria kanitha ûcio.

Johana 1:13

Nao matiatuîka ciana cia Ngai na njîra îrîa andû maciaragwa, kana vinya wa mûndû wana kana wendi wa mûndû, nwatî Ngai ke mwene nîke watûmire matuîke ciana ciake.

Ciîko 4:11

Jesû nîke mandîko matheru maugaga atîrî; ‘Îthiga rîrîa rîaregirwe nî atumi a nyomba, nîrîo rîtuîkîte rîa vata mûno gûkîra marîa mengî monthe.’

2Akor 5:1

Tue nîtwîcî atî kûrî vîndî îgema rîîrî rîetû tûtûûraga rîa gûkû nthî rîkaatharua. Narîo îgema rîu nî mîîrî îno yetû. Vîndî îo Ngai akeethîrwa arî na nyomba yetû kûu îgûrû. Nyomba îo nîke ke mwene ûtumîte na îgaatûûra tene na tene.

Ahib 9:24

Nîûndû Kristû ndaatonyire Vandû Vatheru vatumîtwe na njara cia andû, na nîvo mûvuano wa vandû varîa va ma. Kristû aatonyire îgûrû kuo kwene. Kûu nîkuo arûngamîte mbere ya Ngai vandûrî vetû.

1Pet 2:7

Kûrî arîa mwîtîkîtie îthiga rîîrî nî rîa goro, nwatî kûrî arîa mûtetîkîtie: “Îthiga rîrîa rîaregirwe nî atumi a nyomba, nîrîo rîtuîkîte rîa vata mûno, gûkîra marîa mengî monthe.”

Kûguû 11:15

Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”

Kûguû 17:14

Athamaki acio na nyamû nîmakaarûa na Gatûrûme. Nake Gatûrûme arî vamwe na arîa Ngai etîte, akamathuura na nî arûmîrîri evokeku, nî akaamavoota, nîûndû ke nî Mwathani wa aathani na Mûthamaki wa athamaki.”