Danieli 2:23 - ÎVUKU RÎA ÛVORO MWARO

²³ We Ngai wa methe metû ma tene, nînîragûcokeria ngatho na ngagûkumia, nîûndû nîûmvete vinya na ûûgî; na rîu nîûnguûrîrîtie maûndû marîa twakwîrire na ûgatwonia ûrîa tûkwîra mûthamaki.”

Danieli 2:23 ပူးပေါင်းရင်းမြစ်များ

Kîam 18:17

Marî wa vau Ngai-Mûnene nîweîrire atîrî, “Ndingîthitha Iburahimu ûrîa nîrenda gwîka,

Kîam 31:42

Tiga nî ûrîa Ngai wa methe makwa ûrîa arî ke Ngai wa Iburahimu na Isaka ethîrîtwe arî vamwe nanie ûngîamîngatire ndarî kîndû. Nwatî Ngai nîwonire mathîna makwa na wîra ûrîa ndutîte na nîkîo kîratûmire agûkaanie ûtukû.”

1Atha 18:36

Rîrîa îthaa rîa kûruta matega ma kîvwaî rîakinyire, mûrathi Elija nîwakuvîvîrie metha ya kîgongoona na akîvoya atîrî, “We Ngai-Mûnene, Ngai wa Iburahimu, Isaka, na Jakovu, onania ûmûnthî atî we nîwe Ngai wa Isiraeli na atî nie nîrî ndungata yaku na mbîkîte maûndû mama monthe na watho waku.

1Atha 8:57

Ngai-Mûnene, Ngai wetû aroekara natue, wata ûrîa eekaraga na methe metû ma tene; na ndagatûtige kana ariganîrwa nî tue.

1Maû 29:10

Daudi nîwakumirie Ngai-Mûnene arî mbere ya andû onthe arîa maagomanîte akiuga atîrî, “Ûrokumua we Ngai-Mûnene, Ngai wa Isiraeli îthe wetû!

1Maû 29:13

Rîu, Ngai wetû, nîtûgûgûcokeria ngatho na nîtûgûkumia rîîtwa rîaku rîrîa rîrî riiri.

2Maû 20:6

na nîwavoire akiugaga atîrî, “Ngai-Mûnene, Ngai wa methe metû, kinthî tîwe Ngai ûrîa ûrî Îgûrû? Na kinthî tîwe wathaga mothamaki monthe ma nthî? We ûrî na vinya na ûvoti, kwoguo gûtirî mûndû ûngîgwîtirîria.

Thaburi 21:2

Nî ûmûvete kîrîa ngoro yake îriragîria, nîûmûvingîrîtie mavoya make.

Thaburi 21:4

Aakûûririe ûmûve ûtûûro, na Nîwamûvere guo, na nîwamûvere ûtûûro wa tene na tene.

Thaburi 25:14

Ngai-Mûnene nî mûrata wa arîa mamwathîkagîra, na nîamaririkanagia kîrîkanîro.

Thaburi 50:14

Gûcokeria Ngai ngatho nîrîtuîke îgongoona rîaku, na ûvingagie ûrî warîkanîre Ngai ûrî ûrî Îgûrû.

Ntha 3:15

Ngai nîwacokire akîra Musa ere andû a Isiraeli atî Ngai-Mûnene Ngai wa methe menyu, Ngai wa Iburahimu, Isaka, na Jakovu nîwandûma kûrî mue. Rîrî nîrîo rîîtwa rîakwa tene na tene na ûguo nîguo njiarwa cionthe ciagîrîrwe nî kûndirikanaga.

Nthi 21:22

Mûndû mûûgî nwa anyite îtûûra rînene rîgitîrîtwe nî andû marî vinya, na nwa omomore nthingo irî na vinya irîa andû acio mevokete imagitîre.

Nthi 24:5

Kûgîa na ûûgî nî waro gûkîra kûgîa na vinya, nama, ûmenyo nî mwaro gûkîra vinya.

Nthi 8:14

Nîrî ûtaaro na nîrî ûûgî mwîngî, nîrî ûtaûku na vinya.

Mûvunjia 7:19

Ûûgî nîûtûmaga mûndû ûrî na ûmenyo agîa na vinya nyîngî gûkîra vinya wa atongoria îkûmi marî îtûûra.

Mûvunjia 9:16

Nwatî mbugaga atî nî kava ûûgî gûkîra vinya wana ethîrwa ûûgî wa mûthîni nîwiragwa na ciugo ciake itirûmagîrîrwa.

Mûvunjia 9:18

Ûûgî nî mwaro gûkîra indo cia mbaara, nwatî mûndû ûmwe mwîvia nwa acûkangie maûndû meengî maro.

Isaia 12:1

Mûthenya nîûgaakinya rîrîa mûkaaina atîrî, “Nîngagûcokeria ngatho we Ngai-Mûnene, nîûndû warî mûrakaru nîtue, nwatî rîu marakara maku nî mathiru, na nîûtûmîrîrîtie.

Jeremia 33:3

“Mbîta na nîngûgwîtîka na ngwîre maûndû manene marî nthithorî marîa ûtaicî.

Danieli 1:17

Ngai nîwavere anake aya ana ûtaûku na wara kîthomorî na ûgîîrî wao. Îgûrû rîa mau, nîwavere Danieli kîveo gîa gûtaûra cioneki na iroto.

Danieli 2:18

Nîwamerire mavoe Ngai wa îgûrû nîguo ameguîre ntha na amaguûrîrie nthitho îo nîguo matikaûragwe vamwe na anake arîa engî maathûrîtwe a gûtaaraga Mûthamaki.

Amosi 3:7

Nama gûtirî ûndû Ngai-Mûnene Mwene Vinya wonthe ekaga, ataûguûrîrîtie arathi ndungata ciake.

Mathaayo 11:25

Kavinda kau Jesû nîwaugire atîrî, “Vava, Mwathani wa îgûrû na nthî! Nie nîragûcokeria ngatho nîûndû nîûthithîte maûndû mama andû arîa aûgî na amenyi na ûkamaguûria kûrî andû arîa matarî na ûmenyo.

Luka 10:21

Vîndî îo Jesû nîwakenire ecûrîtwe nî Roho Mûtheru na akiuga atîrî, “Vava wa îgûrû na nthî, nînagûcokeria ngatho nîûndû we nîwonetie andû arîa enyivia maûndû marîa ûthithîte andû arîa aûgî na imenyi. Îni nîguo Vava, ûguo nîguo we wendaga gwîkîke.”

Johana 11:41

Nao nîmaathengutirie îthiga vo. Jesû nîwacokire akîroria îgûrû na akiuga atîrî, “Vava nînagûcokeria ngatho nîûndû nîûnthikagîrîria.

Johana 15:15

Nie ndigûcoka kûmwîta ndungata rîngî, nîûndû ndungata ndîthagîrwa îkîmenya ûrîa mûmîathi areka. Vandû va ûguo nînîmwîta arata, nîûndû nînîmûmenyithîtie maûndû monthe marîa mbîguîte kuuma kûrî Vava.

Kûguû 1:1

Îvuku rîîrî nî mûtaratara wa maûndû marîa Jesû Kristû aaguûririe. Ngai aamûveere kûguûrîrua gûkû, nîguo onie ndungata yake maûndû marîa maarî nwa nginya mekîke narua. Nake Kristû nîwatûmire mûraika wake akamenyithie ndungata yake Johana,

Kûguû 5:5

Nake ûmwe gatagatîrî ka athuuri acio nîwambîrire atîrî, “Tiga kûrîra. Ta roria! Mûnyambû wa mûvîrîga wa Juda; na wa nyomba ya Daudi, nîavootanîte, na ke nwa avote gûtumûra ndumo icio mûgwanja na akûnjûre îvuku rîu rîa gîkûnjo.”