Danieli 2:21 - ÎVUKU RÎA ÛVORO MWARO

²¹ Nîke ûcenjagia mathaa na mavinda. Nîke ûthuuraga na akagwîthia athamaki. Nîke ûvecanaga ûûgî kûrî arîa aûgî na ûtaûku kûrî arîa marî na ûmenyo.

Danieli 2:21 ပူးပေါင်းရင်းမြစ်များ

1Atha 10:24

nao andû kuuma nthî yonthe nîmeendaga kûthiî kûrî Solomoni nîguo mathikîrîrie ûûgî wake ûrîa aaveetwe nî Ngai.

1Atha 3:28

Rîrîa andû a Isiraeli meegwire ûrîa Mûthamaki Solomoni aatwire ciira ûcio, nîmaamûtîire mûno nîûndû nîmaamenyire atî Ngai nîwamûvete ûûgî wa gûtua ciira na kîvooto.

1Atha 4:29

Ngai nîwavere Solomoni ûûgî na ûmenyo ûtarî kîthimi vamwe na ûtaana wa ngoro mwîngî ta mûthanga ûrîa wîthagîrwa ûrî rûtererî rwa îria.

1Maû 22:12

Arokûva ûûgî na ûmenyo nîguo rîrîa agaagûtua mûthamaki wa Isiraeli ûkaathana kûringana na watho wa Ngai-Mûnene, Ngai waku.

1Maû 29:30

Mandîko mau nîmatarîrîtie ûvoro wîgiî wathani wake, ûvoti wake na maûndû marîa meekîkire kûrî ke, kûrî vûrûri wa Isiraeli na kûrî mavûrûri marîa maaûthiûrûrûkîrîtie.

Esita 1:13

Kwoguo ta mûtugo mûthamaki nîwathiîre kûrî andû arîa maarî na ûûgî na arîa maamûtaaraga maûndûrî megiî watho na mîthiîre nîguo mamûtaare ûrîa agwîka.

Ayubu 12:18

Nîarutaga athamaki nguo cia ûnene, na akamatua ta ngombo.

Ntha 31:3

Nîndûmîte ecûrwe nî roho wakwa, na agîe na ûvoti, ûmenyo na wara wa kûrûtha indo cia mîthemba yonthe

Ntha 31:6

Nînthurîte Oholiabu mûvîcî wa Ahisamaki wanake nîguo marutithanie wîra nake. Oholiabu nî wa kuuma mûvîrîgarî wa Dani. Nîmvete ûvoti mwîngî andû arîa engî onthe marî na wara wa kûruta wîra nîguo mavote kûrûtha indo cionthe irîa naakwathire.

Danieli 1:17

Ngai nîwavere anake aya ana ûtaûku na wara kîthomorî na ûgîîrî wao. Îgûrû rîa mau, nîwavere Danieli kîveo gîa gûtaûra cioneki na iroto.

Danieli 10:1

Mwaka wa kathatû Cairasi arî mûthamaki wa Perisi, Danieli, ûrîa watuîrîrwe rîîtwa Beliteshazaru, nîwaguûrîrue ndûmîrîri. Ndûmîrîri îo yarî ya ma, nwatî yarî nyûmû mûno, na ndîereekaga. Danieli nîwereithirue ûrîa ndûmîrîri îo yaugaga na njîra ya kîoneki.

Danieli 11:6

Vuva wa mîaka îtarî mîngî, mûthamaki wa Misiri nî makaanyitanîra na mûthamaki wa Sîria na mwarî wa mûthamaki wa Misiri avikue nî mûthamaki wa Sîria nîguo magîe na thayû. Nwatî ngwatanîro îo ndîgaatûûra. Mwarî ûcio, rûciaro rwake, ndungata ciake, vamwe na mûthamaki ûcio ûkaamûvikia nîmakaathirua.

Danieli 2:20

na akiuga atîrî, “Rîîtwa rîa Ngai rîrorathimwa tene na tene! Ke nî mûûgî na arî vinya.

Danieli 2:23

We Ngai wa methe metû ma tene, nînîragûcokeria ngatho na ngagûkumia, nîûndû nîûmvete vinya na ûûgî; na rîu nîûnguûrîrîtie maûndû marîa twakwîrire na ûgatwonia ûrîa tûkwîra mûthamaki.”

Danieli 2:9

atî ethîrwa tîmûmbîra kîroto kîu, muonthe nînîmûverithia ûndû ûmwe. Muonthe mûtuîte ûrîa mûkûmvenia mwîrîgîrîte atî wa ûrîa mathaa marathira, navota kûgarûra îtua rîakwa. Mbîrani kîroto kîu, nîguo menye kana mwavota gûgîtaûra.”

Danieli 4:14

Nake nîwanîrîre na mûgambo mûnene atîrî, “Tema mûtî ûcio na ûvarie nvûa ciaguo. Ûrivarive mathangû na ûnyagie matunda ma guo. Îngata nyamû cionthe irîa irî rungu rwa guo na iconi cionthe irîa itumîte ciomba mvûarî ciaguo.

Danieli 4:17

Îtua rîîrî rîathanirwe kûvîtûkîrîra kûrî mûrangîri ûrîa mûvinyaru. Kwoguo andû onthe a nthî nîmamenye atî Ûrîa ûrî Îgûrû Mûno nîke wathaga mothamaki na andû, na nîke ûvecanaga ûthamaki kûrî mûndû ûrîa akwenda, wana ethîrwa nî mûndû ûrîa ûtarî îgweta.”

Danieli 4:22

nîwe mûthamaki. Nîwe ûgîte na vinya nyîngî na ûvoti wa maûndû ma na îgûrû, na wathani waku wîcûrîte nthî yonthe.

Danieli 4:32

We nîûkengatwa ume kûrî andû, ûthiî mûgatûûrage na nyamû cia kîthaka. Ûkaarîcaga nyaki ta ndegwa îvinda rîa mîaka mûgwanja. Vîndî îo nîûkaamenya, atî Ngai Ûrîa ûrî Îgûrû Mûno nîke ûrî vinya îgûrû rîa mothamaki monthe ma nthî na nîavecaga mûndû wa ûrîa akwenda ûthamaki.”

Danieli 7:25

Ke nîakaaria maûndû macûku megiî Ngai Ûrîa Mûnene na avinyîrîrie andû a Ngai. Nîakaagarûra mawatho mao na irugo ciao, na andû acio nîmakaathwa nîke îvinda rîa mîaka îthatû na nuthu.

Luka 21:15

Nîûndû nie nîngaamûva mîario na ûûgî ûrîa gûtarî nthû yenyu wana îmwe îngîvota kûregana naguo kana gûûkararia.

Aroma 13:1

Nwanginya mûndû wa wonthe athîkagîre andû arîa mathanaga. Nîûndû wathani wonthe uumaga kûrî Ngai na arîa mathanaga mavecagwa ûvoti nî Ngai.

1Akor 1:30

Nwatî Ngai nîke kiumo Kîam ûûrûmwe wenyu na Jesû Kristû. Na njîra ya Kristû Ngai nîatûvecaga ûûgî na agatûtua athingu. Natue nîtûtuîkaga andû a Ngai na tûgakûrwa kuuma meviarî metû.

Jakuvu 1:17

Gîîko wa kîonthe Kîamro na kîveo wa kîonthe gîkinyanîru kiumaga îgûrû. Kînyûrûrûkaga kiumîte kûrî Ngai mûmbi wa motheri ma îgûrû, ûrîa ûtagarûrûkaga ta iruru cia motheri ma îgûrû.

Jakuvu 1:5

Nwatî ethîrwa nîkûrî na mûndû wana ûmwe wa cienyu ûtarî na ûûgî, nîwagîrîrwe nîgwîtia Ngai ûrîa ûvecaga andû onthe arî na ûtaana na ûtugi.

Kûguû 19:16

Nguorî yake, Kîamûrî gîake nîvaandîkîtwe rîîtwa atîrî: “Mûthamaki wa athamaki, Mwathani wa aathani.”