Danieli 2:18 - ÎVUKU RÎA ÛVORO MWARO

¹⁸ Nîwamerire mavoe Ngai wa îgûrû nîguo ameguîre ntha na amaguûrîrie nthitho îo nîguo matikaûragwe vamwe na anake arîa engî maathûrîtwe a gûtaaraga Mûthamaki.

Danieli 2:18 ပူးပေါင်းရင်းမြစ်များ

Kîam 18:28

Nwatî ethîrwa kûrî na andû mîrongo îna na atano athingu, nwa ûcûkangie îtûûra rîonthe nîûndû wa andû acio engî atano matarî vo?” Ngai-Mûnene nîwacokirie atîrî, “Ndigaacûkangia îtûûra rîu ethîrwa kûrî na andû mîrongo îna na atano athingu.”

Thaburi 136:26

Cokeriani Ngai wa îgûrû ngatho; nîûndû wendo wake ûtathiraga ûtûûraga tene na tene.

Thaburi 50:15

Mbîtaga vîndî îrîa wanyitwa nî thîna; nîngaakûvonokia nawe nîûkaangumia.”

Thaburi 91:15

Rîrîa akaambîta nîngaamwîtîka; nîngethîrwa nake arî thînarî; nîngaamûvonokia na ndûme atîîke.

Isaia 37:4

Nwa kwîthîrwa Ngai-Mûnene Ngai waku, nîeguîte ûrîa Rabushake augîte, ûrîa watûmîtwe nî mwathi wake, mûthamaki wa Asîria, nîguo athekerere Ngai ûrîa ûtûûraga mwoyo, nake Ngai-Mûnene, Ngai waku nîakaaregana na maûndû mau eeguire. Kwoguo voera andû arîa matigarîte.’ ”

Jeremia 33:3

“Mbîta na nîngûgwîtîka na ngwîre maûndû manene marî nthithorî marîa ûtaicî.

Ezek 36:37

Mwathani Ngai-Mûnene arauga atîrî, “Nîngetîkîria andû a Isiraeli mamvoe nîmatethie na nîngaatûma andû ao mongerereke ta ndîthia ya ng'ondu.

Danieli 2:23

We Ngai wa methe metû ma tene, nînîragûcokeria ngatho na ngagûkumia, nîûndû nîûmvete vinya na ûûgî; na rîu nîûnguûrîrîtie maûndû marîa twakwîrire na ûgatwonia ûrîa tûkwîra mûthamaki.”

Danieli 3:17

Ethîrwa nîtûgwikua mwakirî ûcio, Ngai wetû ûrîa tûtungataga nîagûtûvonokia kuuma mwakirî ûcio mûnene ûguo, na kuuma njararî ciaku.

Danieli 4:26

Navo varîa mûrangîri aathanire kîthukî na mîri itigwe na kûu nthî, nî kwonania atî, we nîûgaatuîka mûthamaki rîngî rîrîa ûkaamenya atî Ngai nîke wathanaga nthî yonthe.

Jona 1:9

Nake Jona nîwamacokerie atîrî, “Nie nîrî Mûhibirania, na ngoocaga Ngai-Mûnene, Ngai wa îgûrû ûrîa waûmbire îria na nthî nyûmû.”

Malaki 3:18

Namue nîmûkoona ngûrani ya mûndû ûrîa mûthingu na mûndû ûrîa mwaganu; na mûmenye ngûrani ya mûndû ûrîa ûtungatagîra Ngai, na ûrîa ûtamûtungatagîra.”

Mathaayo 18:12

Mûreciria mûndû ûrîa wîthagîrwa na ng'ondu ciake îgana rîmwe, na îmwe ya cio yûre ekaga atîa? Ke nîatiganagîria icio ciîngî mîrongo kenda na kenda nakûu irîmarî na akathiî gûcaria ng'ondu îrîa yûrîte.

Mathaayo 18:19

Na rîngî nîramwîra atî, ethîrwa andû aîrî gatagatîrî kenyu magetîkanîria ûndû ûrîa makûvoya, nîmakaavingîrua ûndû ûcio nî Vava ûrîa ûrî îgûrû.

Ciîko 12:4

Nake Herode arîkia kûnyitithia Petero, nîwamûvingîrithirie njeera na akîmûnenganîra arangîrwe nî ikundi inya cia athigari ana ana. Herode aavangîte nîakûmûciirithia arî mbere ya andû vuva wa Kîrugo Kîam pasaka.

Aroma 15:30

Ariû na aarî a îthe wetû, nîûndû wa Mwathani wetû Jesû Kristû na nîûndû wa wendo ûrîa tûvetwe nî Roho Mûtheru, nîramûthaitha mûnyitanîre nanie kûvoya Ngai na kîîo nîûndû wakwa.

2Pet 2:9

Kwoguo Mwathani nîwîcî kûvonokia andû arîa marî na ûngai kuuma mageriorî na kwiga arîa aganu makîverithagua nginya rîrîa mûthenya wa îtuîro ûgaakinya.

1Sam 17:37

Ngai-Mûnene ûrîa ûmvonokagia kuuma kûrî mînyambû na ngatûnyi, nwake ûkamvonokia kuuma kûrî Mûfilisiti ûyû.” Nake Saûlo nîwerire Daudi atîrî, “Nî waro, thiî na Ngai-Mûnene aroîkara nawe.”