Danieli 2:14 - ÎVUKU RÎA ÛVORO MWARO

¹⁴ Na rîrîa Arioki mûnene wa andû arîa maarangagîra kwa mûthamaki aathiîte kûûraga andû arîa aûgî a Babuloni, Danieli nîwamwarîrie ciugo irî na ûûgî na wara,

Danieli 2:14 ပူးပေါင်းရင်းမြစ်များ

Kîam 37:36

Vîndî wa îo, Amidiani nîmeendetie Josefu Misiri kûrî mûnene ûmwe wa Mûthamaki wa Misiri wetagwa Potifa. Potifa nîke warûngamagîrîra athigari arîa meekaraga kwa mûnene.

Jeremia 39:9

Nake Nebuzaradani na mûnene wa arangîri nîwocire andû acio engî maatigarire kûu îtûûrarî na arîa meevecanîte kûrî mûthamaki na makîmavira Babuloni marî mîgwate.

Jeremia 52:12

Mûthenya wa îkûmi wa mweri wa gatano, mwaka wa îkûmi na kenda wa wathani wa Nebukadinezarû mûthamaki wa Babuloni, Nebuzaradani mûnene wa athigari ake a mbaara ûrîa watungataga mûthamaki nîwathiîre Jerusalemu.

Jeremia 52:14

Nao athigari ake a Akalidei nîmomorire nthingo cionthe cia îtûûra rîa Jerusalemu.

Danieli 2:15

na akîmûria atîrî, “Nîndûî gîtûmîte mûthamaki athane gwîkwe ûndû ta ûyû mûrûrû ûguo?” Arioki nîwerire Danieli ûrîa maûndû mekariî.

Danieli 2:24

Kwoguo Danieli nîwacokire kûrî Arioki ûrîa wathîtwe nî Mûthamaki athiî akaûrage anake arîa maataraga Mûthamaki. Nîwerire Arioki atîrî, “Ndûkaûrage andû acio. Mvira kûrî Mûthamaki na nî ngûmûtaûrîra kîroto gîake.”