Danieli 12:10 - ÎVUKU RÎA ÛVORO MWARO

¹⁰ Andû eengî nîmakaatherua, nwatî andû arîa aganu nîmakaathiî na mbere gwîka waganu na gûtirî wanarî ûmwe gatagatîrî kao ûgaataûkîrwa. Nwatî andû arîa aûgî nîmagaataûkîrwa.

Danieli 12:10 ပူးပေါင်းရင်းမြစ်များ

Thaburi 107:43

Andû arîa aûgî nîmecirie ûvoro wa maûndû mama, na maririkane wendo ûtathiraga wa Ngai-Mûnene.

Thaburi 51:7

Ntheria, na nî ngûthera; nthambia, na nî ngûcerûva gîkîra îra.

Nthi 1:5

Andû arîa aûgî wanao nîmaithikagîrîrie nîguo mongerere ûûgî, na andû arîa marî na ûmenyo magîcage na wara,

Isaia 1:18

Ngai-Mûnene arauga atîrî, “Ûkani rîu twarie. Wana ethîrwa mevia menyu mûtunîvîte ta ndûngûrû, makatherua macerûve ta îra. Wana ethîrwa matunîvîte ta nthakame, magacerûvua mekare ta guoya wa ng'ondu.

Ezek 36:25

Nîngaacoka nîmûminjaminjîrie manjî matheru, na nîmûkathera. Nîngaamûtheria kuuma kûrî maûndû monthe macûku na kuuma kûrî mîvuanano yonthe.

Ezek 47:11

Nwatî manjî marî marimbarî na marî tûrikorî mwena wa îria gûtikethîrwa na manjî maro, mau makethîrwa marî ma cumbî.

Danieli 11:33

Andû aûgî gatagatîrî ka andû acio nîmagaatûma andû eengî mataûkîrwe. Nwatî vuva wa kavinda kanini amwe gatagatîrî kao nîmakaaûragîrwa mbaararî kana mavîvue makue, nao engî nîmagoocwa na mathamue.

Danieli 11:35

Atongoria amwe arîa aûgî nî makaaûragwa. Vuva wa ûguo andû acio engî nî makaatherua macerûve ta îra. Ûndû ûcio nîûkaathiî na mbere nginya mavinda ma mûthiia marîa Ngai avarîrîtie.

Danieli 12:3

Andû arîa aûgî magaakenga ta ûtheri wa îgûrû, nao arîa mekaga ciîko cia ûthingu nî magaakenga ta njata tene na tene.

Hosea 14:9

Mûndû wa wonthe mûgî nîataûkîrwe nî maûndû mama, arîa maicî gûkûûrana nîmamenye maûndû mama. Nîûndû njîra cia Ngai-Mûnene nî nûngarû na andû arîa athingu matûûraga mairûmagîrîra, nwatî evia nîmavîngagwa marî njîrarî icio.

Zakaria 13:9

Gîcunjî kîu kîmwe Kîam ithatû nîngaagikia mwakirî, na nîmatherie ta ûrîa mûndû atheragia sîlûva na mwaki, na nîmagerie ta ûrîa thaavu îgeragua na mwaki. Nîmakaamvoya, nanie nîngaacokia mavoya mao; Nie nîngaauga atî o nî andû akwa, nao nîmakaauga atî, nî nie Ngai-Mûnene Ngai wao.”

Malaki 3:3

Ke agaûka gûtûtuîra ta mûndû ûrîa ûthambagia na akatheria sîlûva. Nîakaatheria njiarwa cia Lawi, ta mûndû ûrîa ûtheragia thaavu kana sîlûva, nginya rîrîa makarutîra Ngai-Mûnene îgongoona rîrîa rîngîtîkîrîka.

Maariko 4:11

Nake nîwamacokerie atîrî, “Mue mûrî aguûrîrie nthitho ya ûthamaki wa Ngai. Nwatî andû arîa engî megucaga maûndû na ngerekano, nîguo,

Luka 24:25

Nake Jesû nîwacokirie atîrî, “Mue irimû ino mûtaviûvaga gwîtîkia na ngoro cienyu maûndû monthe marîa maarirue nî arathi!

Johana 18:37

Pilato nîwamûririe atîrî, “Anga we ûrî mûthamaki?” Nake Jesû nîwamûcokerie atîrî, “We nîwe wauga atî nie nîrî mûthamaki. Nie naaciarirwe na ngîûka gûkû nthî nîûndû wa gîtûmi gîkî kîmwe, kwaria ûvoro wa ma. Na mûndû wa wonthe wîthagîrwa akîaria ûma nîambathîkagîra.”

Johana 7:17

Mûndû wa wonthe wendaga kûvingia wendi wa Ngai nîamenyaga kana maûndû marîa nthomithanagia maumîte kûrî Ngai, kana mbaaragia na wathani wakwa.

Johana 8:47

Mûndû wa wonthe umîte kûrî Ngai nîwathîkagîra ciugo cia Ngai. Nwatî mue mûtiumîte kûrî Ngai na kîu nîkîo kîratûma mûrege kûthikîrîria.”

1Akor 6:11

Andû amwe gatagatîrî kenyu methagîrwa mekariî ûguo, nwatî mue nîmwathambirue mûkiuma meviarî. Mûrî atherie na mûgatuwa agîrîru na njîra ya Mwathani Jesû Kristû na njîra ya Roho wa Ngai wetû.

2Akor 7:1

Arata etû ciîranîro ino cionthe nî tue tûthondekeretwe. Kwoguo tigani twîtherie kuuma kûrî ûndû wa wonthe ûrîa ûtûmaga mwîrî na roho ciîkare itarî ntheru. Tigani twîthagîrwe tûrî atheru viû na njîra ya gûtûûra twîtigîrîte Ngai.

Tito 2:14

Ke nîwevecanire nîûndû wetû nîguo atûkûûre kuuma kûrî waganu wa mîthemba yonthe na atûtue andû atheru ake ke mwene, na andû meriragîria gwîka maûndû maro.

Ahib 12:10

Methe metû ma gûkû nthî nîmaatûverithirie gwa kavinda kanini kûringana na ûrîa moonaga kwagîrîrîte. Nwatî Ngai atûverithagia tûgunîke na nîguo tûkaagaa ûtheru wake.

1Pet 1:22

Rîu nîûndû nîmûtheretie mîoyo yenyu na njîra ya kwathîkîra ûma, nîmûvotete kwenda na ma aarî na ariû a îthe wetû. Kwoguo mûndû nî endage mûndû ûrîa wîngî na ngoro yake yonthe.

1Pet 1:7

Mworoto wa magerio mama monthe nî kwonania atî wîtîkio wenyu nî wa ma. Wana nginya thaavu îgeragua na mwaki nîguo yonekane kana nî mbaro. Kwoguo wîtîkio wenyu ûrîa wî vata gûkîra thaavu, nwanginya ûgerue nîguo wonekane kana nî wa ma. Namue nîmûgaacoka kûgîa na ûkumio, riiri na gîtîîo vîndî îrîa Jesû Kristû akaaguûrua.

1Joh 5:20

Tue nîtwîcî atî Mûriû wa Ngai nî mûku na atî nîatûmîte tûtaûkîrwe, nîguo tûmenye Ngai Ûrîa wa ma. Ûtûûro wetû ûrî kûrî Ngai ûrîa wa ma na kûrî Mûriû Jesû Kristû. Ûyû nîke Ngai ûrîa wa ma na nwake mwoyo wa tene na tene.

Kûguû 16:11

Nao nîmaarumire Ngai wa îgûrû nîûndû wa ûrûrû ûrîa warî irondarî. Nwatî nîmaaregire kwîrira nîûndû wa maûndû marîa macûku meekîte.

Kûguû 19:14

Nayo mbûtû ya athigari a îgûrû nîmaamûrûmîrîre mekarîrîte mbarathi cia rangi njerû, na mekîrîte nguo cia hariri ntheru cia rangi njerû.

Kûguû 19:8

Ke nîmûnengere nguo mbaro ya hariri îravenavenia ya gwîkîra.” (Nguo mbaro nî ciîko mbaro irîa andû a Ngai mekaga.)

Kûguû 22:11

Kwoguo ûrîa wîkaga naaî nî athiî na mbere gwîka naaî, nake ûrîa mwaganu nî athiî na mbere kwagana. Mûndû ûrîa mwaro nî athiî na mbere gûtuîka mwaro, nake ûrîa mûtheru nî athiî na mbere gûtuîka mûtheru.”

Kûguû 3:18

Kwoguo nie nîragûtaara ûgûre thaavu kuumana nanie îrîa ntherie na mwaki nîguo ûtonge. Wana ûgûre nguo cia rangi njerû kuuma kûrî nie nîguo wîkîre na ûtige kwîgua nthoni cia kwonekana ûrî njaga, na ûgûre ndawa ya gwîkîra metho nîguo ûvote kwona.

1Sam 24:13

We nîwicî nthimo îrîa yugaga atîrî, ‘Waganu wîkagwa nî andû arîa aganu.’ Nwatî nie ndingîgwîka ûûru.