Danieli 11:40 - ÎVUKU RÎA ÛVORO MWARO

⁴⁰ Rîrîa kavinda ka mûthiia ka mûthamaki wa Sîria gagaakinya, nîakaatharîkîrwa nî mûthamaki wa Misiri. Nwatî mûthamaki wa Sîria nîakeyûmîrîria arûe nake, amûtharîkîre na ikaari cia mbarathi, athigari arîa mathiîcaga mekarîrîte mbarathi na meri nyîngî. Nî akaatharîkîra mavûrûri mengî, na amavatîrîrie ta ûrîa mwîcûro wa manjî wîkaga.

Danieli 11:40 ပူးပေါင်းရင်းမြစ်များ

Isaia 21:1

Îno nîyo ndûmîrîri îgiî ûrathi wa Babuloni: Ta ûrîa rûkûngi rûnene rûvurutanaga kuuma îveti, ûguo nîguo thîna mûnene ûgaaûka umîte werûrî, vûrûrirî wa gwîtigîrwa.

Isaia 5:28

Mîguî yao nî mîûgî, na mota mao nîmatunge. Mavûngû ma mbarathi ciao maûmîte ta mathiga, na magûrû ma ikaari ciao mavinyûraga ta rûkûngi.

Isaia 66:15

Ngai-Mûnene agaaûka ekariî ta mwaki. Agaaûka akuuîtwe nî kîvuvûkanio, nîguo averithie arîa mamûrakarîtie na akaananie na nînîmbî cia mwaki.

Jeremia 4:13

Taroria nthû yûkîte ta matu, ikaari ciake cia mbaara nîta rûkûngi rûnene; mbarathi ciake irî na îvenya gûkira nderi, kaî tûrî na thîna-î, tûrî athirie!

Ezek 38:4

Nîngaamûnyita nîmûthiûrûrukie, na nîmwîkîre ndûano nthîarî ciake. Nîngaamûrutûrûra na nja, ke vamwe na athigari ake onthe a mbaara, mbarathi na athigari arîa mathiîcaga matûîte mbarathi, gîkundi kînene Kîam andû mekîrîte nguo cia mbaara; onthe marî na ngo na mviû cia mbaara.

Ezek 38:9

We, vamwe na athigari aku a mbaara, na andû a mavûrûri marîa ûkeethîrwa mûnyitanîrîte nao nîmûkaathiî na îvenya ta rûvuvo mûtharîkîre vûrûri ûcio na nîmûgaaûkunîkîra ta îtu.”

Danieli 11:10

“Anake a mûthamaki wa Sîria nîmakevarîria mbaara na magomanie vamwe athigari eengî mûno a mbaara. Athigari acio nî makaathiî na matharîkîre kûrîa kîgitîre kwa nthû ciao.

Danieli 11:11

Nake mûthamaki wa Misiri ecûrîtwe nî marakara, nîagaaûka na atharîkîre mûthamaki wa Sîria, ûrîa ûkethîrwa arî na gîkundi kînene Kîam mbaara, nwatî nîagaakîvoota.

Danieli 11:13

“Mûthamaki wa Sîria nî agaacoka avarîrîrie gîkundi kînene Kîam athigari gûkîra kîrîa Kîam mbere. Nwatî vuva wa mîaka mîîngî, nî agaacoka arî na athigari marî na indo nyîngî cia mbaara.

Danieli 11:22

Athigari a mbaara arîa makaaregana nake, wana ethîrwa nî mûthînjîri-Ngai mûnene; nî makaaûragwa mathirue viû.

Danieli 11:25

“Nîakoonania ûcamba na ûmîrîru wake rîrîa akaatharîkîra mûthamaki wa Misiri na gîkundi kînene Kîam athigari a mbaara. Nake mûthamaki wa Misiri nî akaavarîria gîkundi kînene mûno Kîam mbaara nîguo erîvîrîrie. Nwatî mûthamaki wa Misiri nîakaavootwa, nîûndû nî akaarûthîrwa mîvango ya wara ya kûmûvoota.

Danieli 11:35

Atongoria amwe arîa aûgî nî makaaûragwa. Vuva wa ûguo andû acio engî nî makaatherua macerûve ta îra. Ûndû ûcio nîûkaathiî na mbere nginya mavinda ma mûthiia marîa Ngai avarîrîtie.

Danieli 11:39

Mûthamaki akaatharîkîra matûûra marîa mairigîre na nthingo cia vinya, na ûtethio wa ngai ng'eni. Andû arîa mamûtucaga mûthamaki nîakaamava gîtîîo kînene. Nîakamava mawîra manene na ma vata na amagaîre gîcunjî Kîam vûrûri kîrî kîveo.

Danieli 11:7

Vuva wa kavinda kanini mûndû ûmwe kuuma mûvîrîgarî wa mwîrîtu ûcio nî agaatuîka mûthamaki, na nî akaatharîkîra athigari a mbaara a mûthamaki wa Sîria na atonye nginya kûrîa kwirigîre na amavoote.

Danieli 12:4

Nwatî we, Danieli, vinga îvuku na ûrîkîre rûtumo, nginya kavinda ka mûthiia wa nthî. Andû eengî nî makaavinyûra ava na vaarîa na nî makoongerera ûûgî.

Danieli 12:9

“Nake nîwanjokerie atîrî, ‘Danieli, ûthiî rîu, nîûndû nwanginya maûndû mama methîrwe marî nthitho nginya îvinda rîa mûthiia rîkinye.

Danieli 8:17

Gaburieli nîwaûkire na akîrûngama varîa naarî. Nînavavûkire mûno nginya ngîgwa nthî. Nwatî Gaburieli nîwambîrire atîrî, ‘We mûndû ûyû, menya atî maûndû mau wonire megiî mavinda ma mûthiia.’

Habakuku 3:14

Nîwarathire mûtongoria wao wa mbaara na mîguî, rîrîa athigari ake a mbaara maûkire ta kîvuvûkanio gûtûnyagania, magîtîîaga ûrîa makûthiria athîni marî kûrîa methithîte.

Zakaria 9:14

Ngai-Mûnene nîakeyonithania arî îgûrû rîa andû ake, mîguî yake îthiîcaga ta rûveni; Mwathani Ngai nîakaavuva karumbeta, na athiî arî rûkûngirî rwa mwena wa îveti.

Kûguû 16:12

Mûraika wa gatandatû nake nîwetûrûrire kîrîa Kîamrî mbakûrirî yake rûnjîrî rûrîa rûnene rwa Farati. Naruo rûnjî nîrwavwîre, nîguo rûthondeke njîra ya kûvîtûkîra athamaki a kuuma mwena wa îrathîro.

Kûguû 9:16

Nanie nînerirwe atî mbûtû ya athigari arîa maathiîte mekarîrîte mbarathi yarî na athigari milioni ngiri magana maîrî.