Danieli 11:38 - ÎVUKU RÎA ÛVORO MWARO

³⁸ Vandû va ûguo, nîkava ngai îrîa îgitagîra îtûûra rîrîa ririgîre gîtîîo, îrîa methe mao mataavecaga gîtîîo. Ke nîakaarutîra ngai îo thaavu, sîlûva, mathiga ma goro na iveo ciîngî cia goro.

Danieli 11:38 ပူးပေါင်းရင်းမြစ်များ

Isaia 44:9

Andû onthe arîa marûthaga mîvuanano nî a mana, na maûndû marîa mamakenagia matirî kîguni. Arîa maigoocaga mationaga na matiîcî atî nîmagaaconorithua.

Danieli 11:37

Mûthamaki ndakaathîkîra ngai irîa ciavoyagwa nî methe make ma tene, kana ngai irîa ciendeetwe nî aka. Ke nîakaaregana na ngai cionthe, nîûndû nîageetua mûnene gûkîra ngai cionthe.

Danieli 11:39

Mûthamaki akaatharîkîra matûûra marîa mairigîre na nthingo cia vinya, na ûtethio wa ngai ng'eni. Andû arîa mamûtucaga mûthamaki nîakaamava gîtîîo kînene. Nîakamava mawîra manene na ma vata na amagaîre gîcunjî Kîam vûrûri kîrî kîveo.

Danieli 11:7

Vuva wa kavinda kanini mûndû ûmwe kuuma mûvîrîgarî wa mwîrîtu ûcio nî agaatuîka mûthamaki, na nî akaatharîkîra athigari a mbaara a mûthamaki wa Sîria na atonye nginya kûrîa kwirigîre na amavoote.

1Tim 4:1

Roho Mûtheru nîaugaga waro atî mîthenya ya kûrigîrîria andû nîmakaarega gwîtîkia; nîmakaathîkîra maroho ma maveeni na marûmîrîre maûndû marîa mathomithanagua nî ndaimono.

Kûguû 18:12

Indo icio nî thaavu, sîlûva, na mathiga ma goro na ruru; indo cia nguo cia rangi wa njambarawe, nguo cia hariri, na irîa ndune ta ndûngûrû. Andû acio nwa mendagia mîtî îrîa mînungi waro, indo cionthe ithondeketwe na mîguongo na mîtî ya goro, indo cia gîcango, cuuma, na mathiga mengî mathaka.