Danieli 11:36 - ÎVUKU RÎA ÛVORO MWARO

³⁶ “Mûthamaki wa Sîria nîageka kwenda gwake. Ke nîakenenevia gûkîra ngai cionthe na arume Ngai Ûrîa Mûnene gûkîra Ngai cionthe. Ageka ûguo nginya rîrîa Ngai akaamûverithia; nîûndû ûrîa Ngai avangîte gwîka nwanginya ûkaavinga.

Danieli 11:36 ပူးပေါင်းရင်းမြစ်များ

Thaburi 136:2

Cokeriani Ngai wa ngai cionthe ngatho; nîûndû wendo wake ûtathiraga ûtûûraga tene na tene.

Thaburi 33:10

Ngai-Mûnene nîagiragia mîvango ya mavûrûri îvinga, nîagiragia andû mavingia mîvango yao.

Nthi 19:21

Mûndû ethagîrwa arî na mîvango mîîngî ngororî yake, nwatî wendi wa Ngai-Mûnene nîguo wîkîkaga.

Isaia 10:23

Nîûndû Mwathani, Ngai-Mûnene mwene vinya wonthe nîatuîte atî nîagaacûkangia nthî yonthe wata ûrîa augîte.

Isaia 10:25

Nîûndû vuva wa kavinda kanini marakara makwa nîmakaathira na nîngaacûkangia andû a Asîria nîrî na mang'ûrîka.

Isaia 10:5

We Asîria, nîwe rûthanju rûrîa ndûmagîra narakara, nîwe mûragi wa mang'ûrîka makwa.

Isaia 14:13

Weîrire na ngoro atîrî, ‘Nîngunûkia nginya îgûrû; nîngaaiga gîtî gîakwa Kîam ûthamaki îgûrû rîa njata, nîngekara îgûrû rîa kîrîma kûrîa ngai cia mîvuanano icemanagia, kûndû kûraca mwena wa rûgûrû.

Isaia 14:14

Nîngunûkia nginye îgûrû rîa matu, nînîvaanania na ûrîa ûrî Îgûrû Mûno.’

Isaia 26:20

Ûkani andû akwa, tonyani nyombarî cienyu na mwîvingîre kuo; îîthitheni kavinda kanini nginya rîrîa marakara ma Ngai makaathira.

Isaia 30:33

Nîûndû vandû va kûvîvîria Asîria vaathondekirwe wa tene; vandû vau nî îrima îriku na rîariî, varî na mwaki na ngû nyîngî. Ngai-Mûnene nîagaakania mwaki ûcio ta mwaki wa ûviriti.

Isaia 46:10

Nînie managîrîra maûndû ma mûthiia kuuma Kîammbîrîria; na ngaumbûra maûndû marîa matanekwa kuuma tene, ngiugaga atî mworoto wakwa nîûkaavinga, na nîngaavingia mîvango yakwa yonthe.

Isaia 57:9

Mwîvakaga manyamû manungi waro na maguta mûgacoka mûkathiî kûgooca ngai ya mûvuanano îrîa îtagwa Moleku. Mwatûmire anjaama enyu mathiî kûndû kûraca, nginya magîkinya kwa arîa akuû.

Ezek 28:2

“We mûndû, îra mûthamaki wa Turo ûrîa nie Ngai-Mûnene Ngai nîramwîra. Arî na mwîtîîo ngororî na arauga atî ke nî ngai na ekaragîra gîtî Kîam ûnene Kîam ngai gatagatî ka maria. Nwatî we wî mûndû nwa tîwe ngai wana ethîrwa wîyonaga ûrî na ûgî ta ngai.

Ezek 35:13

Nîmbîguîte ûrîa wîthîrîtwe ûgîîtîa na ûkîaria maûndû meengî mambîgiî.”

Danieli 11:16

Mûthamaki ûrîa ûkathithûkîra andû a Sîria nî akaameka wa ûrîa akwenda na gûtirî mûndû ûkaaregana nake. Nîa kaarûngama vûrûrirî wa Isiraeli na vûrûri ûcio wonthe ûkethîrwa ûrî rungu rwa wathani wake.

Danieli 11:3

“Nîgûgaacoka kuumîre mûthamaki njamba ûrîa ûkaatha vûrûri mûnene na ekage wa ûrîa akwenda.

Danieli 11:37

Mûthamaki ndakaathîkîra ngai irîa ciavoyagwa nî methe make ma tene, kana ngai irîa ciendeetwe nî aka. Ke nîakaaregana na ngai cionthe, nîûndû nîageetua mûnene gûkîra ngai cionthe.

Danieli 12:7

Mûndû ûcio wekarîte mwena wa îgûrû wa rûnjî ekîrîte nguo mbaro, nîwaûkîrîrie njara ciake cioîrî na îgûrû. Nînaacokire ngîgua akîîvîta na rîîtwa rîa ûrîa ûtûûraga tene na tene akiuga atî, ‘Nî kavinda ka mîaka îthatû na nuthu. Vîndî îo andû arîa atheru a Ngai nîmagaatiga kûnyamarua na nîrîo maûndû monthe makethîrwa makîvinga.’

Danieli 2:47

Mûthamaki nîwaugire atîrî, “Nama Ngai waku nî Ngai wa ngai irîa ciîngî, na Mwathani wa athamaki onthe. Nîke ûguûragia maûndû marîa marî nthithorî, nîûndû we nîûvotete gûtaûra nthitho îno.”

Danieli 4:35

Andû onthe a nthî nî a mana methorî make. Nîke wathaga araika arîa marî îgûrû Vamwe na andû arîa matûûraga gûkû nthî. Gûtirî mûndû ûngîregana na wendi wake kana ûngîgîa na kîûria îgûrû rîa ciîko ciake.

Danieli 5:19

Nîûndû wa ûnene ûcio Ngai aamûveere, andû a mîvîrîga yonthe, mavûrûri monthe na andû a nthiomi cionthe, nîmaainainire mûno na makîmwîtigîra. Nebukadinezarû aarî na ûvoti wa kûûraga mûndû wa wonthe kana kûrega kûûraga mûndû ûrîa angîendire. Aarî na ûvoti wa kûnenevia mûndû ûrîa wonthe eendaga kûnenevia kana kûnyivia mûndû ûrîa wonthe eendaga kûnyivia.

Danieli 5:20

Nwatî rîrîa aambîrîrie kûgîa na rwetho, na akîûmia ngoro akîgia na mwîtîîo mwîngî, nîwacunirwe ûthamaki, na riiri wake ûkîthira.

Danieli 7:8

Na vîndî îrîa naaroretie mvîa cia nyamû îo, nînoonire karûvîa kanini keyumîria gatagatî ka mvîa icio ciîngî, na gagîkûûra mvîa icio ciîngî ithatû. Karûvîa kau kaarî na metho ta ma mûndû, na kanyua kaaragia na mwîtîîo.

Danieli 8:19

Nîwambîrire atîrî, ‘Taroria, nîngûkûmenyaithia maûndû marîa magekîka kuumana na marakara ma Ngai. Kîoneki kîu kîgiî mavinda ma mûthiia.

Danieli 8:4

Nînoonire ndûrûme îo îkîtharîkîra mwena wa îthûîro, rûgûrû, na wa îveti. Gûtirî nyamû îngîamîtirîrie, na gûtirî nyamû îngîetethûrire kûrî yo. Yekaga wa ûrîa îkwenda na nîyeyonaga îrî na vinya mûno.

Zakaria 11:16

Nînthurîte mûrîthi gûkû vûrûrirî. Mûrîthi ûcio ndamenyagîrîra ng'ondu irîa igûkua, kana irîa ciûrîte, kana ova irîa munîku, kana arîthia irîa irî na vinya. Vandû va ûguo, athînjaga na akarîa nyama cia ng'ondu irîa noru na agaatûranga mavûngû ma cio.

Johana 5:30

“Gûtirî ûndû nîngîka na vinya wakwa. Nducanagîra ciira kûringana na ûrîa Ngai ambîraga mbîke. Kwoguo îtua rîakwa nî rîa kîvooto nîûndû nie ndirageria kûvingia wendi wakwa, nwatî nîrageria kûvingia wendi wa ûrîa wandûmire.

Johana 6:38

Nie naumire îgûrû ngîûka gûkû nthî nîguo mvingie wendi wa ûrîa wandûmire, nwatî tî wendi wakwa.

Ciîko 4:28

Maatûnganire nîguo meke maûndû monthe marîa we na vinya na wendi waku wavangîte kuuma wa Kîammbîrîria atî nîmagekîka.

Gûco 10:17

Nîûndû Ngai-Mûnene Ngai wenyu, nîke Ngai wa ngai irîa ciîngî, na Mwathani wa athani. Ke nî mûnene, arî vinya na nîwagîrîrwe nî gwîtigîrwa. Ke ndacagûranagia na ndamûkagîra mavaki.

2Ath 2:3

Mûtikaanaveenue nî mûndû na ûndû wana ûrîkû. Nîûndû Mûthenya wa Mwathani ndûgaakinya mbere ya îvinda rîa andû kûregana na Ngai rîkinye na mûndû mwaganu eyonanie, ûrîa Ngai agaacûkangia îcuarî.

2Ath 2:4

Ke nîakaaregana na kîndû wa kîonthe gîtagwa ngai, kana kîndû kîonthe andû magoocaga na enenevie mûno. Ke nîagekara hekarûrî ya Ngai na etue atî ke nîke Ngai.

2Ath 2:8

Vîndî îo Mûndû ûcio Mwaganu nîakoonanua. Nwatî rîrîa Mwathani Jesû agaaûka nîakaamûraga na mîruke kuuma kanyuarî gake na amûthirie na njîra ya kwîyumîria arî na riiri.

Josh 22:22

“Ngai Ûmwe ûrîa ûrî Vinya, nîke Ngai-Mûnene! Ngai Ûmwe ûrîa ûrî Vinya, nîke Ngai-Mûnene! Ke nîwicî kîrîa gîatûmire twîke ûguo na nîtûkwenda wanamue mûmenye. Ethîrwa nîtwekire ûndû mûcûku na tûkîthûkia kîrîkanîro gîetû na Ngai-Mûnene, ndûkareke tûtûûra mwoyo!

Kûguû 10:7

Nwatî kavinda karîa mûraika wa mûgwanja akaavuva karumbeta gake Ngai nîakaavingia mûvango wa nthitho yake, wata ûrîa aanîrîre kûrî ndungata ciake na nîcio arathi.”

Kûguû 12:14

Nwatî mûndûmûka ûcio nîwaverwe mathagu maîrî ma nderi nene, nîguo avote kûgûrûka athiî vandû varîa aathondekeretwe werûrî. Kûu nîkuo akaamenyererwa kwa îvinda rîa mîaka îthatû na nuthu, na agitîrwe kuumana na njûnamatu.

Kûguû 13:1

Nînaacokire ngîona nyamû îkiumîra îriarî. Nayo yarî na mvîa îkûmi na ciongo mûgwanja. Na wa rûvîarî rwayo kwarî na nthûmbî. Na wa kîongorî Kîamyo nîkwarî na rîîtwa rîa kûruma Ngai.

Kûguû 17:17

Ngai nîatûmîte magîe na wendi wa kûvingia mworoto wake marî na ngoro îmwe. Na nîûndû wa ûguo nîmakaanenganîra vinya wao wa kwathana kûrî nyamû nginya rîrîa ciugo cia Ngai ikaavingua.

Kûguû 17:3

Nînecûrirwe nî Roho Mûtheru, nake mûraika nîwanguire akîmvira werûrî. Kûu nînoonire mûndûmûka ekarîrîte nyamû ya rangi ndune. Nyamû îo yarî na marîîtwa mwîrîrî wonthe marîa maarumaga Ngai. Yarî na ciongo mûgwanja na mvîa îkûmi.