Danieli 11:33 - ÎVUKU RÎA ÛVORO MWARO

³³ Andû aûgî gatagatîrî ka andû acio nîmagaatûma andû eengî mataûkîrwe. Nwatî vuva wa kavinda kanini amwe gatagatîrî kao nîmakaaûragîrwa mbaararî kana mavîvue makue, nao engî nîmagoocwa na mathamue.

Danieli 11:33 ပူးပေါင်းရင်းမြစ်များ

Danieli 12:10

Andû eengî nîmakaatherua, nwatî andû arîa aganu nîmakaathiî na mbere gwîka waganu na gûtirî wanarî ûmwe gatagatîrî kao ûgaataûkîrwa. Nwatî andû arîa aûgî nîmagaataûkîrwa.

Malaki 2:7

Wîra wa athînjîri-Ngai, nî kûthomithia andû kîrîra Kîam ma Kîam Ngai, na kûthomithia andû maûndû marîa mendaga meke; nîûndû o nîo anjaama a Ngai-Mûnene mwene vinya wonthe.

Mathaayo 10:21

“Andû nîmakaanenganîra aa mûrwang'ina nîguo maûragwe, namo methe nîmageka wata ûguo kûrî ciana ciao. Ciana nîigaaûkîrîra aciari acio, na imaûragithie.

Mathaayo 13:11

Nake Jesû nîwamacokerie atîrî, “Mue nîmûvetwe ûmenyo wa nthitho cia ûthamaki wa îgûrû nwatî acio engî tî ave.

Mathaayo 20:23

Nake Jesû nîwamerire atîrî, “Nama mue nîmûkûnyuîra gîkomberî gîakwa, nwatî nie ndirî na ûvoti wa gûtua nû ûgeekarîra gîtî mwena wakwa wa ûrîo kana wa ûmotho. Itî icio nî cia arîa Vava avarîrîtie.”

Mathaayo 24:9

“Na mue nîmûgaacoka mûnyitwe na mûnenganîrwe kûrî andû nîguo mamûverithie na mamûûrage. Nao andû onthe a nthî nîmakaamûmena nîûndû wakwa.

Mathaayo 28:20

Mathomithagieni kwathîkîra maûndû monthe marîa nîmwathîte. Ngethagîrwa nîrî vamwe na mue vîndî cionthe kinya îthirîro rîa mavinda mama.”

Johana 16:2

Mue nîmûkaarutûrûrwa mavoerorî. Nako kavinda nîgagaakinya karîa mûndû wa wonthe ûrîa ûkûmûraga ageeciria atî agîka ûguo nî Ngai aratungatîra.

Ciîko 11:26

Rîrîa aamwonire, nîwamûvirire Antiokia, na kwa îvinda rîa mwaka mûgima Saûlo na Baranaba nîmaatûnganire na andû a kanitha na makîthomithia andû gîkundi kînene. Antiokia nîkuo etîkia meetirwe Akristiano rîrî riita rî mbere.

Ciîko 14:21

Paûlo na Baranaba nîmaavunjirie Ûvoro Mwaro îtûûrarî rîa Deribe na makîgîa na arutwa eengî mûno. Nao Paûlo na Baranaba nîmaacokire Listra, Ikonia na Antiokia ya Pisidia.

1Akor 4:9

Nwatî nîrona atî Ngai nîatuigîte tue atûmwa tûrî mûthiia viû, wata andû matuîrîrîtwe kûragwa. Twîkariî ta kîrorerwa kûrî nthî yonthe ya araika na ya andû.

2Tim 1:12

na ûndû ûyû nîguo ûtûmaga nthînue. Nwatî ndingîconoka, nîûndû nîmbicî Ngai ûrîa mbîtîkîtie na nîrî nama atî ke arî na ûvoti wa kûngitîra vamwe na kîrîa amvete nginya mûthenya wa mûthiia.

2Tim 4:6

Nie Paûlo îvinda rîakwa rîa kuuma mwoyorî na rîa kûrutwa nîrî îgongoona nîrîkinyu.

Ahib 11:34

nîwavoririe mîaki yarî mînene na makîvonoka kûragwa na rûviû. Matiarî na vinya, nwatî nîmagîre na vinya. Nîmaarûire na ûcamba mbaararî na makîvoota athigari a mavûrûri mageni.

Kûguû 1:9

Nie nînie Johana mûrû wa îthe wenyu. Nî mbîtîkîtie Jesû na nîrî ûmwe wenyu. Nîtûgwatanagîra namue ngirîrîtie ngîûmagîrîria kûthînua kûrîa gûkaga kûrî arîa marî a Ûthamaki wake. Nie naigirwe gîcîgîrîrarî gîtagwa Patimo nîûndû nînaanîrîre Ûvoro wa Ngai na Ûma ûrîa Jesû aaguûririe.

Kûguû 17:6

Nanie nînoonire atî mûndûmûka ûcio aarî mûrîu nîûndû wa kûnyua nthakame ya andû arîa atheru a Ngai. Andû acio maaûragirwe nîûndû maarî evokeku kûrî Jesû. Rîrîa namwonire nînamakire mûno.

Kûguû 2:13

Nie nîmbîcî we ûtûûraga kûrîa Caitani arî na gîtî gîake Kîam ûthamaki. We ûrî mwîvokeku kûrî nie, na ndwatiganîria wîtîkio waku kûrî nie wa na vîndî îrîa Anitipa aaûragirwe. Anitipa aarî mûira wakwa ûrîa waûragirwe arî îtûûrarî rîu rîenyu kûrîa Caitani atûûraga.

Kûguû 6:9

Rîrîa Gatûrûme gatumûrîre rûtumo rwa gatano, nînoonire mîoyo ya andû arîa maaûragîtwe îrî vau rungu rwa metha ya kûrutîra kîgongoona. Andû acio maaûragîtwe nîûndû wa kûvunjia kiugo Kîam Ngai na kûvecana ûira marî evokeku.

Kûguû 7:14

Nanie nînamûcokerie atîrî, “Mwathani, nie ndiîcî, we nîwe wîcî.” Nake nîwambîrire atîrî, “Andû aya nîo marîkîtie kûvîtûkîra mathînarî meengî. Nao nîmathambîtie nguo ciao na nthakame ya Gatûrûme igatuîka cia rangi njerû.