Danieli 11:28 - ÎVUKU RÎA ÛVORO MWARO

²⁸ Mûthamaki wa Sîria nîagaacoka vûrûri wake na indo cionthe irîa aatavîte arî mbaararî. Nwatî meciriarî make, akethîrwa akîthugunda ûrîa agûcûkangia ndini ya andû a Ngai. Ke nîageka ûrîa akenda, akînacoka vûrûrirî wake.

Danieli 11:28 ပူးပေါင်းရင်းမြစ်များ

Danieli 11:22

Athigari a mbaara arîa makaaregana nake, wana ethîrwa nî mûthînjîri-Ngai mûnene; nî makaaûragwa mathirue viû.

Danieli 11:27

Athamaki acio aîrî nîmagaacoka marîcanîre vamwe, nwatî wa oîrî makaaveenanagia na makathugundaga maûndû macûku megiî ûrîa wîngî. Nwatî gûtirî mûvango wanarî ûmwe ûkaavinga, nîûndû kavinda ka guo gatikeethîrwa karî gakinyu.

Danieli 11:29

“Vîndî îrîa yagîrîrîte yakinya, nî akaathithûkîra Misiri rîngî, nwatî ndakaavootana ta ûrîa aavootanire rita rîa mbere.

Danieli 8:12

Ciûmbe cia îgûrû nîcianenganîrwe rungu rwa wathani wa karûvîa kau. Îthenyarî rîa magongoona marîa maarutagwa wa mûthenya, andû nîmambîrîrie gwîka maûndû macûku. Karûvîa kau nîgaacûkangirie ndini ya Ngai, na gagîtoorania maûndûrî monthe marîa geekaga.

Danieli 8:24

Ke nîakaagîa na vinya mûno. Nwatî tî ûvoti wake ke mwene. Nîagaacûkangia maûndû meengî na manene, na avootanage maûndûrî marîa ageekaga. Nîagaacûkangia andû arîa marî îgweta vamwe na andû a Ngai.

Ciîko 3:25

Mue mûrî a mbarî ya arathi, na nîmwamûkîrîte kîrîkanîro kîrîa Ngai aarîkanîre na methe menyu ma tene. Ke erire Iburahimu, îthe wenyu wa tene atîrî, ‘Nie nîngaarathima andû onthe a nthî na njîra ya andû a mbarî yaku.’